MENU

विचार/अनुभूति

Ncell Axiata

२० वर्ष पछिको स्थानीय चुनाव एमालेलाई फलिफाप

लक्ष्मण शर्मा /उज्यालो ।

पहिलो पटक व्यवस्था भएको स्थानीय सरकारको नेतृत्वमा आफ्नो गतिलो उपस्थिति जनाउने हरेक दल र उम्मेदवारको संकल्प थियो । यस्तोमा नेकपा एमाले भाग्यमानी सावित भएको छ । पहिलो संविधानसभा चुनावमा तेस्रो, दोस्रो पटक भएको संविधानसभा चुनावमा दोस्रो भएको नेकपा एमाले संविधान निर्माणपछि भएको पहिलो पटकको स्थानीय चुनावमा पहिलो पार्टीको होडमा अगाडि बढेको छ । 

पहिलो चरणका २ सय ८३ तहमध्ये १ सय २५ स्थानमा विजयी भएर पहिलो पार्टी भएको एमालेले दोस्रो चरण चुनावमा पनि पहिलो हुने संकेत देखाइसकेको छ । 

दोस्रो चरण चुनावको दौरान नेपालमा दुईवटा सरकार परिवर्तन भए । यसमा कुनै पनि सरकारमा एमाले सहभागी भएको छैन । सरकार  बाहिर रहेर चुनावमा भाग लिएको एमालेले महानगर, उपमहानगरमा आफ्नो बलियो उपस्थिति त देखाएको छ नै । बिभिन्न पार्टीका गढ मानिएका क्षेत्रमा पनि आफूलाई सफल साबित गरेको छ । स्थानीय तहको चुनावमा एमालेलाई  मतदाताले किन विश्वास गरे त ?

१) भारतले गरेको नाकाबन्दीको समयमा त्यसको खुलेर बिरोध र डटेर सामाना गरेर राष्ट्रियतालाई उचो बनाएको आम नागरिकको बुझाइ हुनु । 

२) नौ महिने सरकारको समयमा एमालेले घोषणा गरेका लोकप्रिय योजनाहरु । (एमाले नेतृत्व सरकारले घोषणा गरेका कार्यक्रम कार्यान्वयन नहुँदै सरकार परिवर्तन भएको थियो जसले गर्दा पनि नागरिकमा सकारात्मक प्रभाव परेको देखिन्छ ) 

३) एमालेका अध्यक्ष केपी शर्मा ओलीको अडान र सफल नेतृत्व । 

४) एमालेको बृद्धभत्ता नारा ।

५) स्थानीय चुनावमा यूवा पुस्तालाई अवसर । 

एमालेलाई भाग्यको पनि साथ 

चुनावको बेला केही रोचक र आश्चर्यजनक नतिजा पनि आउने गर्छ । बराबरी या एक, दुई मतान्तरले जित्नुलाई धेरैले भाग्यसँग तुलना गर्छन् । भाग्यको खेलमा पनि एमाले सफल भयो । झापाको कमल गाउँपालिकाको अध्यक्षमा गोलाप्रथाबाट नेकपा एमालेकी मेनुका काफ्ले विजयी हुनुभएको छ । काफ्ले र कांग्रेसका हुकुमसिंह राईको बराबर ८ हजार २ सय ७५ मत आएको थियो । त्यसपछि निर्वाचन ऐन अनुसार गोलाप्रथा गर्दा काफ्ले विजयी हुनुभएको हो । 

अछामको चौरापार्टी गाउँपालिका अध्यक्ष र बझाङको खप्तडछात्रा गाउँपालिकामा पनि एमालेका उम्मेदवार एक मतले निकटतम पार्टीका उम्मेदवारलाई पराजित गरेर विजयी भए । करिब २० ठाउँमा एमालेले निकटतम पार्टीका उम्मेदवारलाई ५० मत भन्दा कम मतले पराजित गरेको छ । त्यसो त केही ठाउँमा एमालेका उम्मेदवार झिनो मतले पराजित पनि भएका छन् ।

मधेसमा पनि एमाले अब्बल 

चुनावी प्रचारको क्रममा एमालेलाई बिभिन्न राजनीतिक दलहरुले मधेस बिरोधी पार्टीको रुपमा पनि प्रचार गरे । मधेस केन्द्रित दलहरुले अझै पनि एमालेलाई मधेसको सवालमा गम्भीर नहुने पार्टीको रुपमा चित्रित गर्दै आएका छन् ।

तर मधेसका नागरिकले त्यसलाई पूर्ण रुपमा स्वीकार गरेनन र दोस्रो चरणको स्थानीय तह चुनावमा एमालेले मधेसमा राम्रै जित हासिल गरेको छ । मधेसी समुदायको बहुल क्षेत्रमा पनि एमाले विजयी हुनुले पनि एमालेलाई मधेस बिरोधी पार्टीको रुपमा नहेरेको कुरा स्पष्ट भएको छ । 

नागरिकको विश्वासलाई एमालेले न्याय गरोस् 

कारण जुनसुकै होस एमाले नागरिकको विश्वास जितेर स्थानीय तह चुनावमा पहिलो पार्टीको रुपमा उदाउने होडमा छ । नयाँ संरचना अनुसार बनेका स्थानीय निकायमा विकासको लागि पर्याप्त सम्भावना छन् । स्थानीय स्रोत र साधनको स्थानीय स्तरमै उपयोग र स्थानीय तहका हरेक तहमा नागरिकको सहभागिता संविधानले व्यबस्था गरेको छ ।

यसको धारमा नागरिकलाई सँगसँगै लिएर स्थानीय निकायका सबै प्रतिनिधीले नागरिकको विश्वासलाई कायम गर्नु र नेपाललाई समृद्धिको बाटोमा अगाडि बढाउनु हरेक प्रतिनिधीको चुनौती रहेको छ । स्थानीय चुनावमा पहिलो पार्टी हुने दौडमा सफल हुन लागेको एमालेको काँधमा झन् ठूलो जिम्मेवारी थपिएको छ ।

 

Mitsubishi

प्रतिक्रिया दिनुहोस

सम्बन्धित सामग्रीहरु

  • बन्दी चेतनाको ‘जाँच प्रयोग’

    “यहाँ अहिले हामी ६ सय ६८ जना छौं” – एक परिचित युवा बन्दीले सुस्तरी कानमा भने । राणाकालमा बनेको दुईतले एउटा भवन नजिकै ठाउँ–ठाउँमा चिराचिरा परेर कमजोर हालतमा उभिएको थियो । त्यसकै कापमा एउटा सानो गल्ली जस्तोमा चिया पाकिरहेको थियो शायद, बन्दीहरु त्यतैबाट तातो चियाका गिलास लिँदै निस्किरहेका थिए ।

  • नेपालमा चीनको स्वार्थ

    कैयौँ पटक ‘नेपालको सार्वभौमसत्ता रक्षाका लागि’ चीनले सहयोग गर्ने भन्ने गरिएको छ बेइजिङ्गबाट । कूटनीतिक दृष्टिले यो अत्यन्तै गम्भीर अभिव्यक्ति हो । यसको अर्थ नेपालको सर्वभौमसत्ता गुम्ने र नेपालको अस्तित्व नै नरहने खतरा छ भनेर चीनले विश्लेषण गरेको हो भनेर बुझ्नु पर्ने हुन्छ ।

  • आँखाको क्यान्सर कति खतरनाक ?

    एक दशक अगाडि अलि कम र अहिलेको दशकमा एकदम धेरै सुनेको रोग क्यान्सर हो । शरीरको विभिन्न अंगहरु फोक्सो, आन्द्रा, कलेजो, पाठेघर, स्तनलगायतमा क्यान्सर भए जस्तै आँखामा पनि क्यान्सर हुन्छ । अरु क्यान्सरमा भन्दा यो क्यान्सर हुने जोखिमयुक्त कारक तत्वहरु फरक छन् ।

  • ओलीका अघिल्तिर कति धेरै अवसर ?

    बोले अनुसार काम थाल्ने हो भने वाम गठबन्धनको सरकारका सामु चुनौती थोरै र अवसरहरु कता हो कता धेरै छन् । अब बन्ने सरकारका लागि सबैभन्दा ठूलो अवसर विकासलाई तल्लो तहसम्म पुर्यासउने संरचना तयार छ । स्थानीय तहको चुनावपछि विकासलाई नागरिकको घर दैलोसम्म पुर्याउने जनप्रतिनिधिहरु चुनिएर अहिले काममा छन, तर देखाउने काम नपाएर कामका अवसरको खोजीमा छन ।

  • चुनाव सम्पन्न गराउनु ठूलो उपलब्धि : देउवा

    मेरो नेतृत्वमा सरकार गठन भएपछि जनताको सरोकारका विषयलाई केन्द्रमा राखेर निर्णयहरु भएका छन् । विशेषगरी स्वास्थ्य शिक्षा क्षेत्रमा देखिएका विकृतिहरु नियन्त्रण गर्न चिकित्सा शिक्षा आयोगको अध्यादेश जारी गरिएको छ । जनताको स्वास्थ्यसँग सरोकार राख्ने चिकित्सा शिक्षा व्यापारको विषय होइन ।

सबै हेर्नुहोस
Skill Training
पछिल्ला समाचारहरु

सोसल मिडिया