MENU

बातावरण-कृषि

Ncell Axiata
sagun

म्याग्दीका किसानलाई माछाका भुरा वितरण

प्रताप बानियाँ/उज्यालो ।  

म्याग्दी, असार २२ – व्यावसायिक माछापालनको सम्भावना रहेको म्याग्दीमा झण्डै ४५ हजार माछाका भुराहरु वितरण गरिएको छ । जिल्ला कृषि विकास कार्यालयको अनुदान ढुवानीमा जिल्लाका किसानलाई लक्षित ४४ हजार ५ सय माछाका भुरा वितरण गरिएको हो । कृषि प्रसार कार्यक्रममार्फत ढुवानीमा सबै अनुदान दिएर माछाका भुरा खरिद गरी वितरण गरिएको जिल्ला कृषि विकास कार्यालय म्याग्दीले जनाएको छ ।

माछापालका लागि किसानलाई प्रतिभुरा ५० पैसाका दरले उपलब्ध गराईएको कृषि कार्यालयका कृषि प्रसार अधिकृत बेदनाथ पन्थीले जानकारी दिनुभयो । उहाँका अनुसार किसानको मागका आधारमा भुरा खरिद गरी अनुदान ढुवानीबाट वितरण गरिएको छ । 

मत्स्य अनुसन्धान केन्द्र बेगनासताल पोखराबाट माछाका भुरा अनुदानमा ल्याएर जिल्लाका ४५ जना माछापालक किसानलाई वितरण गरिएको कृषि प्रसार अधिकृत पन्थीले बताउनुभयो । कृषि कार्यालयमार्फत गएको वैशाख महिनामा कमन कार्प नामक माछाको १५ हजार ५ सय र असारको पहिलो साता ग्रास कार्प जातको २९ हजार भुरा ल्याएर किसानलाई तिवरण गरिएको उहाँले जानकारी दिनुभयो । 

माछापालन व्यवसायमा लागेका किसानलाई व्यावसायिक बनाउन र नयाँलाई माछापालनप्रति आकर्षित गर्ने उद्देश्यले अनुदान ढुवानीमा माछाका भुरा खरिद गरी वितरण गरिएको कृषि कार्यालयले जनाएको छ । नयाँ तथा पुराना पोखरीमा माछापालन गर्नका लागि भुरा वितरण गरिएको वरिष्ठ कृषि विकास अधिकृत श्यामप्रसाद रिजालले बताउनुभयो ।

म्याग्दी जिल्लामा माछापालनका लागि करिब ४० भन्दाबढी पोखरीहरु सञ्चालनमा रहेका छन् । जिल्लाभन्दा बाहिरबाट भुरा खरिद गरेर ल्याउनुपर्ने बाध्यता र पोखरीसम्म पु¥याउँदा माछाका भुरा मर्न सक्ने भएको हुँदा थोरै भुराले पुग्ने भए पनि किसानहरुले भने बढी भुरा खरिद गर्ने गरेका छन् ।

सातवटा पोखरी निर्माणमा सम्पन्न

म्याग्दीको बाबियाचौर, दर्बाङ, कुहुँ, पिप्ले, घार, खबरा र ताकममा गरी सात वटा स्थानमा नयाँ पोखरी निर्माण गरिएको छ । कृषि कार्यालयको १० हजार अनुदान सहयोगमा किसानले २५० वर्गमिटरमा माछापालन गर्नका लागि पोखरी निर्माण गरेको कृषि कार्यालयले जनाएको छ । निर्माण गरिएका पोखरीमध्ये ५ वटा कृषि कार्यालयको वार्षिक कार्यक्रम र थप दुईवटा पोखरीमा स्याङ्जा जिल्लाको मत्स्य विकास केन्द्र मिर्मीको सहयोग रहेको कार्यालयको कृषि प्रसार शाखाले जनाएको छ । 

माछापालनमा कृषकको आकर्षण

पछिल्लो समय म्याग्दीमा व्यावसायिक माछापालनप्रति किसानको आकर्षण बढ्दै जान थालेको छ । थोरै परिश्रम र लगानीबाट पनि धेरै आम्दानी हुने तथा नाम कमाउन सकिने भएपछि विदेशबाट फर्किएका युवा पनि माछापालनमा लाग्न थालेका छन् भने विदेश जान लागेका युवा पनि व्यवसायिक माछा पालनमा लाग्न थालेका छन् । किसानले आफ्नो पोखरीमा ५ सय देखि ५ हजार सम्मको माछाका भुरा पोखरीमा हाल्ने गरेको कषि कार्यालयले जानाएको छ ।

जिल्ला कृषि विकास कार्यालयले किसानलाई माछापालन सम्बन्धी व्यवहारिक तथा सैद्धान्तिक तालिम समेत दिने गरेको छ । जिल्लाको बेनी नगरपालिकासहित राखुपिप्ले, ज्यामरुककोट, भूरुङ–तातोपानी, घार, ताकम, बाबियाचौर, बराङ्जालगायतका क्षेत्रमा व्यावसायिक माछापालन गरिएको छ । म्याग्दीमा ग्रासकार्प, कमनकार्प, ट्राउट लगायत जातका माछाहरु पाल्ने गरिएको छ । 

 

प्रतिक्रिया दिनुहोस

सम्बन्धित सामग्रीहरु

  • बाढीले बगाएर भारत पगेका १० गैँडाको उद्धार

    चितवन, मंसिर ४ – चितवन राष्ट्रिय निकुञ्जबाट गएको साउनमा आएको बाढीले बगाएर भारत पुगेका १० वटा गैँडाको उद्धार गरिएको छ । पछिल्लो पटक भारतको पिप्रासीबाट एउटा गैँडाको उद्धार गरी सोमबार बिहान चितवन ल्याई सामुदायिक वनमा छाडिएको छ ।

  • कफी आयात र निर्यातमा कमी उत्पादनमा वृद्धि

    काठमाडौं, मंसिर १ – आज १३ औं राष्ट्रिय कफी दिवस : ‘आर्थिक सम्बृद्धिको लागि गुणस्तरीय कफी उत्पादन ! सरकारी, निजी र सहकारी क्षेत्रको राष्ट्रिय अभियान’ भन्ने नाराका साथ मनाइँदैछ ।

  • हिमाली जिल्लामा हिमपात सुरु, मतदान प्रभावित हुन सक्ने आशंका

    काठमाडौं, मंसिर १ – पश्चिमी भेगका हिमाली जिल्लामा हिमपात सुरु भएको छ । हुम्लामा शुक्रबार बिहानैदेखि हिमपात भइरहेको छ । सदरमुकाम सिमकोट र उत्तरी भेगका लिमी, मुचु खगालगाउँ, स्याँडा, हेप्का लगायतका क्षेत्रमा लगातार हिउँ परिरहेको हो ।

  • तिहारका फूलमाला उम्मेदवारका गलामा

    चितवनको क्षेत्र नं. ३ बाट उम्मेदवार बनेका नेकपा माओवादी केन्द्रका अध्यक्ष पुष्पकमल दाहाल प्रचण्ड अहिले घरदैलो अभियानमा हुनुहुन्छ । पञ्चेबाजासहित घरदैलो अभियान सुरु गरेका प्रचण्ड जुन घरमा पुग्नुहुन्छ, त्यही घरमा फूलमाला लगाएर स्वागत गर्नेको घुईंचो हुन्छ ।

  • चितवनमा अन्तर्राष्ट्रिय भैँसी विज्ञहरुको सम्मेलन सुरु

    चितवन, कात्तिक २९ – चितवनमा सौराहामा अन्तर्राष्ट्रिय भैँसी विज्ञहरुको सम्मेलन सुरु भएको छ । नेपालमा पहिलो पटक भएको यो सम्मेलनमा विभिन्न देशका भैँसी विज्ञहरुले सहभागिता रहेको छ ।

सबै हेर्नुहोस
Joktantra
पछिल्ला समाचारहरु

सोसल मिडिया