MENU

बातावरण-कृषि

Ncell Axiata
sagun

​असार बित्न लाग्दा तेह्रथुममा ३५ प्रतिशत मात्रै रोपाइँ

प्रकाश धौलाकोटी/उज्यालो ।

तेह्रथुम, असार २५ – स्थानीय चुनाव र आधा असारसम्म लागेको खडेरीले जिल्लामा धान रोपाइँ प्रभावित भएको छ । किसानले असार तेस्रो हप्तासम्म पनि पर्याप्त धान रोप्न सकेका छैनन् । पर्याप्त पानी नपर्दा सिँचाइको समस्या भएको र चुनावका कारण केही दिन अलमल पनि भएकाले धान रोपाइँ ढिलाई भएको किसानले बताएका छन् ।

असार बित्न लाग्दा पनि ३५ प्रतिशत मात्रै रोपाइँ भएकोे वरिष्ठ कृषि विकास अधिकृत रोहिणीराज घिमिरेले बताउनुभयो । ‘मौषम र माटोका आधारमा यहाँ अहिले ६० प्रतिशत बढी रोपाइँ सकिनुपर्थ्यो, तर यसपालि चाहिएको समयमा पानी पनि परेन, चुनावले पनि किसान अलमलिए’ उहाँले भन्नुभयो ।

खडेरी र चुनावले धान रोपाइँ प्रभावित भएको उनले बताउनुभयो । जिल्लाका उच्च तथा लेकाली क्षेत्रमा यतिबेला धान रोपाइँ सकिसक्नु पर्ने थियो । तर अझै पनि पानी अभावले कतिपय खेत बाँझै छन् । बाँकी ७० प्रतिशतमा असारमै रोपाइँ सक्नु त्यहाँका हावापानी र माटो सुहाउँदो हुने कृषि प्राविधिक बताउँछन् ।

तर यसपाली खडेरीका लागि रोपाइँ गर्न समस्या भएको हो । काम गर्ने जनशक्ति अभाव तथा बसाइसराईका कारण जिल्लामा वर्षेनी खेतीयोग्य जमिन बाँझिने क्रम बढेको छ । किसानले केही वर्ष यता धान मासेर अलैंची खेती लगाउने क्रम पनि बढेको छ । जिल्लामा कुल ६ हजार ८ सय ६० हेक्टर जमिन मात्रै धान खेतीका लागि योग्य रहेको जिल्ला कृषि विकास कार्यालयको तथ्यांक छ । 

 

प्रतिक्रिया दिनुहोस

सम्बन्धित सामग्रीहरु

  • बाढीले बगाएर भारत पगेका १० गैँडाको उद्धार

    चितवन, मंसिर ४ – चितवन राष्ट्रिय निकुञ्जबाट गएको साउनमा आएको बाढीले बगाएर भारत पुगेका १० वटा गैँडाको उद्धार गरिएको छ । पछिल्लो पटक भारतको पिप्रासीबाट एउटा गैँडाको उद्धार गरी सोमबार बिहान चितवन ल्याई सामुदायिक वनमा छाडिएको छ ।

  • कफी आयात र निर्यातमा कमी उत्पादनमा वृद्धि

    काठमाडौं, मंसिर १ – आज १३ औं राष्ट्रिय कफी दिवस : ‘आर्थिक सम्बृद्धिको लागि गुणस्तरीय कफी उत्पादन ! सरकारी, निजी र सहकारी क्षेत्रको राष्ट्रिय अभियान’ भन्ने नाराका साथ मनाइँदैछ ।

  • हिमाली जिल्लामा हिमपात सुरु, मतदान प्रभावित हुन सक्ने आशंका

    काठमाडौं, मंसिर १ – पश्चिमी भेगका हिमाली जिल्लामा हिमपात सुरु भएको छ । हुम्लामा शुक्रबार बिहानैदेखि हिमपात भइरहेको छ । सदरमुकाम सिमकोट र उत्तरी भेगका लिमी, मुचु खगालगाउँ, स्याँडा, हेप्का लगायतका क्षेत्रमा लगातार हिउँ परिरहेको हो ।

  • तिहारका फूलमाला उम्मेदवारका गलामा

    चितवनको क्षेत्र नं. ३ बाट उम्मेदवार बनेका नेकपा माओवादी केन्द्रका अध्यक्ष पुष्पकमल दाहाल प्रचण्ड अहिले घरदैलो अभियानमा हुनुहुन्छ । पञ्चेबाजासहित घरदैलो अभियान सुरु गरेका प्रचण्ड जुन घरमा पुग्नुहुन्छ, त्यही घरमा फूलमाला लगाएर स्वागत गर्नेको घुईंचो हुन्छ ।

  • चितवनमा अन्तर्राष्ट्रिय भैँसी विज्ञहरुको सम्मेलन सुरु

    चितवन, कात्तिक २९ – चितवनमा सौराहामा अन्तर्राष्ट्रिय भैँसी विज्ञहरुको सम्मेलन सुरु भएको छ । नेपालमा पहिलो पटक भएको यो सम्मेलनमा विभिन्न देशका भैँसी विज्ञहरुले सहभागिता रहेको छ ।

सबै हेर्नुहोस
Joktantra
पछिल्ला समाचारहरु

सोसल मिडिया