असार २५ – जेलमा रहेका भेनेजुयलाको विपक्षी दलका नेता लेओपोल्डो लोपेजलाई घरमै नजरबन्दमा रही बाँकी जेल जीवन बिताउन पाउने अुनमति सर्वोच्च अदालतले दिएको छ । 

भेनेजुयलाको सर्वोच्च अदालतले शनिबार दिएको अनुमतिबमोजिम उहाँले आफ्नै घरमा रहेर बाँकी जेल जीवन ब्यतित गर्न पाउनुहुने भएका हो । 

सर्वोच्च अदालतका न्यायाधिशले उहाँलाई सन् २०१५ मा नै झन्डै १४ वर्षको कारावास सजाय सुनाएकोले उहाँ अहिलेसम्म जेलमै हुनुहुन्थ्यो । 

तर शनिबार अदालतले बाँकी जेल जीवन घरमै नजरबन्दमा रहेर ब्यतित गर्न पाउने फैसला गरेकाले उहाँलाई आइतबारबाटै घरमा नजरबन्द सुरु गरिएको अधिकारीले जनाएका छन् । 

उहाँका वकिल जाभिएर क्रेमाडिसले फैसलाको पुष्टी गर्दै ट्विटरमा लेख्नुभएको छ, ‘लेओपोल्डो लोपेजलाई उहाँकी श्रीमती र छोराछोरीसँगै घरमै नजरबन्द गरिएको छ ।’ 

उहाँको स्वास्थ्य अवस्थाका बारेमा जानकारी पाउन र कानुनी प्रक्रियालाई सहज तरिकाले अगाडि बढाउन मानवअधिकारबादीको मागअनुसार उहाँलाई घरमै नजरबन्दमा राख्नुपरेको अदालतले जनाएको छ । 

विपक्षी दलका दक्षिणपन्थी नेता लोपेजलाई अदालतले गत सन् २०१५ को सेक्टेम्बरमा १३ वर्ष नौ महिना सात दिन जेल सजाँयको फैसला सुनाएको थियो । 

उहाँलाई हिंसा भड्काउन उत्तेजित पारेको, आतङ्क मच्चाएको, आगजनी गरेको र आपराधिक कार्यमा संलग्न भएको लगायतका आरोप लगाइएको छ । रासस/सिन्ह्वा