MENU

विचार/अनुभूति

जब आँखै अगाडि ट्रिपरले मोटरसाइकललाई किच्न आट्यो...

विष्णु विश्वकर्मा –

आइतबार दिउँसो पौने ३ बजे ललितपुरको भनिमण्डल चोक नजिकैको चक्रपथमा गाडी सामान्य अवस्थामै चलिरहेका थिए । चर्को गर्मी, गाडीको चापले गाडी बिस्तारै पालो पर्खेर आउने जाने गरिरहेका थिए । काम विशेषले सडकछेउसम्म पुग्नु परेको म सडक पार गर्ने पर्खाइमा थिए । चर्को गर्मी, गाडीको लाम सकिएपछि आरामले सडक पार गर्ने पर्खाइमा बसेको मैले सडक पार गर्ने अवस्था आउनै पाएन । अर्थात् आँखै अगाडि मोटरसाइकललाई ट्रिपरले धन्नै कच्याककुच्चुक पारेन ।

गाडीहरु पालो पर्खेर अगाडि बढिरहेका थिए । सातदोबाटो, एकान्तकुना हुँदै बल्खु, कलंकी जाने चक्रपथ घुम्ने गाडीको लाम बढी नै थियो । सातदोबाटोबाट बल्खु जाने र बल्खुबाट सातदोबाटो चल्ने गाडी पालो पर्खिरहेका थिए भने भनिमण्डलबाट नख्खु जाने गाडी चलिरहेका थिए । 

जब नख्खु र भनिमण्डल जाने आउने गाडीले सडक पार गरिसके । सातदोबाटो, बल्खु जाने आउने गाडी अगाडि बढ्न थाले । त्यही लाममा थिए एउटा ट्रिपर र मोटरसाइकल पनि । लामो जाममा रहेका ट्रिप्पर र मोटरसाइकल बल्खुबाट एकसाथ सातदोबाटो तिर जाँदै थिए । 

बा ५५ प ९९४१ नम्बरको एभेन्जर मोटरसाइकल पछाडि थियो भने बा ३ ख ९९१४ नम्बरको ट्रिपर केही अगाडि थियो । जाम खुलेपछि मोटरसाइकल ट्रिपरको बायाँ साइडबाट अगाडि बढ्यो । 

ट्रिपरको दायाँ साइडबाट भ्यान अगाडि बढेपछि मोटरसाइकलले ट्राफिक नियमविपरित बायाँ साइडबाटै ट्रिप्परलाई ओभरटेक गर्यो । उसको त्यो प्रयास असफल मात्रै भएन, ज्यानै जान सक्ने सम्म भयो । 

जब मोटरसाइकल ट्रिपरको बायाँ टायरको नजिकैबाट केही मात्रै अगाडि बढेको थियो । त्यति नै बेला ट्रिप्पर पनि अगाडि बढ्यो । मोटरसाइकल भन्दा अग्लो ट्रिपरमा चालक राजेश तामाङ मात्रै थिए । बायाँ साइडबाट ओभरटेक गरेको उनले देखेनन् र सजिलै अगाडि बढ्न खोज्दा मोटरसाइकलको पछाडिको टायरलाई ट्रिपरको अगाडिको टायरले हानिहाल्यो । 

शुरुमा मोटरसाइकल चालक निशान श्रेष्ठले बाइक कुदाउन नखोज्नु भएको होइन । तर जब बाइकको एक्सिलेटर घुमाउँदा घुमाउँदै ट्रिपरले बाइकको पछिल्लो टायर च्याप्यो । उहाँ आत्तिदै बाइक त्यही छाडेर फुत्त बाइकबाट पर भाग्नुभयो ।

यदि उहाँले बाइक छाड्न नसकेको भए की गम्भीर घाइते बन्थे की ज्यानै गुमाउन सक्थे । तर मुश्किलले बाँच्नुभयो निशान । उहाँलाई सकुशल देखेपछि ट्रिपरका चालक राजेश तामाङ चिन्तित भएपनि ठूलो दुर्घटना नभएको भनेर ढुक्क हुनुभयो ।

दुर्घटनामा ट्रिपरले च्यापेर मोटरसाइकलको पछाडिको टायर चल्न नसक्ने भएको छ भने प्रहरी र अन्य गाडी चालकले उचालेर मोटरसाइकललाई साइड लगाए । त्यो सँगै मोटरसाइकलका पछाडिका दुबै साइड लाइट र नम्बर प्लेट पनि कुच्चिए । मोटरसाइकलमा सामान्य क्षति भए पनि दुबै जनाको ज्यान जोगिएपछि अरु गाडी चालकले पनि ‘भाग्य बलियो रैछ’ भन्दै निशानलाई सान्तवना दिन थाले ।  दुर्घटनापछि गुड्न लागेका सबै गाडी रोकिएर मोटरसाइकल र ट्रिप्परको वरपर झुम्मिएपछि झण्डै आधा घण्टा गाडी जाममा परे । पछि ट्राफिक प्रहरी आएर जाम हटायो । अनि दुबै गाडी चालकलाई कारबाहीका लागि ट्राफिक प्रहरी कार्यालय जावालाखेल पुर्‍यायो ।

ट्रिपरको सातो लिने स्पीड !

निर्माणका काममा बढीजसो प्रयोग हुने ट्रिप्परको गति सडकमा अरु सवारीको तुलनामा असामान्य हुने गरेको छ । चालककै लापरबाहीका कारण ट्रिपरले ठक्कर दिँदा धेरै जनाको ज्यान समेत जाने गरेको छ । यसरी ज्यान गुमाउनेमा कतिपय पैदलयात्रु पनि हुने गरेका छन ।

चालकले निकै तिब्र गतिमा ट्रिपर चलाउँदा मोटरसाइकल, ट्याक्सी, कार र साइकलमा सवार भएकाहरुको ज्यान समेत जाने गरेको छ भने कति अंगभंग हुने गरेका छन् ।

दुर्घटना स्थलमा भेटिएका श्याम कुमार श्रेष्ठले भन्नुभयो ‘हामीले पनि गाडी चलाउँछौँ तर ट्रिप्पर चालकको पारा भने देखि नसक्नु छ । सडक जस्तो भएपनि गड्याम गुडुम पार्दै सातो लिने गरी स्पीड बढाएर हिँड्ने ट्रिपर चालकको गाडी चलाउने शैली पटक्कै राम्रो छैन । यसरी जतिबेला जसको पनि ज्यान जान सक्छ ।’ उहाँले भन्नुभयो ।

दुर्घटनामा धन्न ज्यान जोगाएका निशान श्रेष्ठले पनि ट्रिपर चालक राजेशप्रति गुनासो पोखे । ‘हैन हामीलाई मार्नैपर्ने तपाईहरुको के खाएका छौँ । सबैले हिड्ने बाटोमा अलिकति बिस्तारै चलाउँदा हुदैन र ?’ उहाँले भन्नुभयो ‘ट्रिप्पर चालकको गुण्डागर्दी शैली सच्चिनुपर्छ ।’

सबैबाट कटु आलोचना खेपेका ट्रिपर चालक राजेशले भने आफू अरुजस्तो चालक नभएपनि गल्तीले दुर्घटना हुन पुगेको बताउनुभयो । ‘कसैलाई मारौं भनेको होइन, अगाडि बढ्न खोज्दा दुर्घटना भएको हो । जे होश ज्यान बच्यो । त्यै खुशीको कुरा हो ।’

 

 

Mitsubishi

प्रतिक्रिया दिनुहोस

सम्बन्धित सामग्रीहरु

  • विचरा बोर्डिङका विद्यार्थी : जेलसरी जिन्दगी, व्यवहारिक ज्ञान शून्य

    ९८ प्रतिशत ल्याएर पास गरिरहेको छोरोलाई घर परिवारलगायत व्यवहारिक पक्ष केही पनि थाहा हुँदैन । थाहा होस् पनि कसरी उसलाई परिक्षामा कसरी प्रतिशत बढाउने फर्मुला बाहेक अरु केही सिकाइएन। सबै किताबका फर्मुला कण्ठ बनाइयो तर उसलाई जिन्दगीको फर्मुला कहिल्यै सिकाइएन।

  • संस्कृतभाषा र धर्म–संस्कृति–शिक्षाका बालपाठ्यपुस्तक

    वर्तमान परिस्थितिमा नयाँ पुस्तामा धार्मिक–साँस्कृतिक जागरणको आव¬श्यकता अनुभव गरेर लामो समयदेखि संस्कृत भाषाको र वैदिक हिन्दु धर्म–संस्कृतिको अध्ययन, मनन, आचरण र प्रचार–प्रसारमा संलग्न हुँदै आएको स्वाद्ध्यायशाला¬कुटुम्ब यसतर्फ अग्रसर भैरहेको छ ।

  • भर्ना अभियानको तामझाम : गुणस्तर सुधारमा किन जाँदैन ध्यान ?

    भर्ना अभियान बिगतमा पनि हामीले हेरेकै हौँ । अहिले पनि त्यसलाई निरन्तरता दिन खोजिएको छ । हरेक वर्ष सरकारी निकायबाट तामझाम देखाउने क्रम यो वर्ष पनि चलेकै छ । तर विद्यार्थी सामुदायिक विद्यालयमा किन आएनन् ? कसरी विद्यार्थीलाई आकर्षण गर्ने ?

  • एमाले–माओवादी एकता : मासिने पालो अब कसको ?

    भारतले नमिलाइदिएसम्म एक अर्काका शत्रु रहेका एमाले र माओवादी मिलाप भएर तालमेल गरेर चुनावमा जाँदा कांग्रेस सकियो । यी दुई कम्युनिष्ट जोडिएर एउटै पार्टी बनाउने क्रम चल्दैछ यस बेला ।तर एउटा शक्ति अर्का विरूद्ध प्रयोग भएर क्रमै सँग एक–अर्कालाई मास्ने विदेशी दाउ रोकिएको छैन नेपाली राजनीतिमा ।प्रश्न बाँकी छ, मासिने पालो अब कसको ?

  • ०७५ मा छुकछुके रेल, मेलम्चीको भेल र क्रिकेट खेल

    सुखसँग दुःख गर्नु र दुःखमा पनि दुःख पाउनुमा आकाश पातालको फरक छ । दुःख गरेअनुसार फल मिल्यो भने त्यो दुःख पनि सुख हुन्छ । तर दुःखमा बगेको पसिना बालुवामा पानी खन्याए जस्तो भयो भने दुःखमाथि दुःख मात्रै हुन्छ । बितेका धेरै वर्षमा धेरैलाई यस्तै भयो । दुःखमाथि भुक्तमान, सास्तीमाथि सकस ।

सबै हेर्नुहोस
Skill Training
पछिल्ला समाचारहरु

सोसल मिडिया