MENU

बातावरण-कृषि

ujyaalo forign call inside

१२ लाख भन्दाबढी खर्च गरी तयार गरिएको नगर–वन उद्यानमा वृक्षारोपण

दाङ, असार २७ – जिल्ला वन कार्यालय र घोराही उपमहानगरपालिकाको साझेदारीमा दाङको हापुर बिजौरीमा नगर—वन उद्यान निर्माण गरिएको छ ।जिल्ला वन कार्यालय दाङको आठ लाख रुपैयाँ, घोराही उपमहानगरपालिकाको चार लाख ७० हजार पाँचसय रुपैयाँ र श्रमदानको सहयोगमा ७ हेक्टर जमिनमा वन उद्यान निर्माण गरिएको सहायक वन अधिकृत हरिप्रसाद गौतमले जानकारी दिनुभयो । 

वन उद्यानमा वन महोत्सवको सन्दर्भ मंगलवार वृक्षारोपण गरिएको छ । वृक्षरोपणको सुरुवात गर्दै घोराही उपमहानगरपालिकाका मेयर नरुलाल चौधरीले सबैको साझा प्रयासबाट उद्यानलाई नमुना योग्य उद्यान बनाउने प्रतिवद्धता ब्यक्त गर्नुभयो । जिल्ला वन अधिकृत सूर्यकान्त सिग्देलले जिल्ला वन र उपमहानगरपालिका मिलेर थालिएको काममा सबैको साथ जरुरी रहेको बताउनुभयो ।

घोराही उपमहानगरपालिका वडा नं १२ मा रहेको बिजौरीडाँडा नगर वन उद्यानमा गरिएको वृक्षरोपण कार्यक्रममा उपमेयर सीता न्यौपाने, वडा नं ११ का वडाध्यक्ष कुलबहादुर लामिछाने, १२ नम्बरका वडाध्याक्ष राजेन्द्र बुढासहित नवनिर्वाचित वडा सदस्य र स्थानीयबासीको सहभागितामा २ सय भन्दाबढी बिरुवा रोपिएको छ । 
बाँकी २ सय ५० बिरुवा केही दिनमै लगाइने जिल्ला वन कार्यालय दाङले जनाएको छ ।   

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया