MENU

बातावरण-कृषि

Ncell Axiata

इलामका किसानलाई अलैंचीका बिरुवा वितरण

इलाम, असार २८ – इलामका व्यावसायिक अलैंची कृषकहरुलाई अलंैचीका बिरुवा वितरण गरिएको छ । कृषि विकास कार्यालयले कृषि प्रसार र मसला बाली कार्यक्रम अन्तर्गत बिरुवा वितरण गरेको हो ।

जिल्लाका व्यवसायिक किसानलाई ध्यानमा राखेर एक लाख २० हजार बिरुवा वितरण गरिएको जिल्ला कृषि विकास कार्यालय इलामले जनाएको छ । कार्यालयका अनुसार कृषकहरुलाई रामसाई, गोल्साई, सलकपुरे लगायतविभिन्न जातका बिरुवा वितरण गरिएको छ ।  

माग अत्याधिक बढी आएकाले ब्यवसायिक रुपमा अलैंची खेतीमा लागेका किसानलाई छनौट गरी बिरुवा वितरण गरिएको कार्यालयलका योजना अधिकृत तथा सूचना अधिकारी प्रकाशमणि काफ्लेले बताउनुभयो । 

उहाँका अनुसार कार्यालयले सूर्योदय नगरपालिका स्थित अलैंची विकास केन्द्रबाट बिरुवा खरिद गरेर कृषकहरुलाई शतप्रतिशत अनुदानमा बिरुवा वितरण गरेको हो । प्रतिव्यक्ति दुई सय बोटका दरले विरुवा उपलब्ध गराइएको सूचना अधिकारी काफ्लेले जानकारी दिनुभयो । 

इलाममा गतवर्ष १६ सय हेक्टरमा अलैंची खेती गरिएको कार्यलयले जनाएको छ । कार्यलयको तथ्याङ्क अनुसार जिल्लामा गतवर्ष ५ सय ७६ मेट्रिक टन अलैंची उत्पादन भएको थियो । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Job Vacancy
पछिल्ला समाचारहरु

सोसल मिडिया