MENU

बातावरण-कृषि

Ncell Axiata
sagun

बर्दिया ठाकुरबाबाका मेयर उपमेयर रोपाइँमा

भावुक योगी/उज्यालो ।

बर्दिया, साउन १ – बर्दियाको ठाकुरबाबा नगरपालिकाका नगर प्रमुख घननारायण श्रेष्ठ तथा उपप्रमुख कृष्णा कुश्मा थारु सहित वडाध्यक्ष र सदस्यले बगनाहामा सामुहिक धान रोपाइँ गरेका छन् । 

चुरे माध्यमिक विद्यालय र चुरे क्याम्पस बगनाहामा कृषि जेटिएका विद्यार्थीको प्रयोगात्मक कार्यक्रम जनप्रतिनिधिले धान रोपेर शुभारम्भ गरेका हुन । चुरे क्याम्पसका सहायक क्याम्पस प्रमुख यज्ञ नेपालले धान रोपाइँमै जनप्रतिनिधिलाई सम्मान पनि गरिएको जानकारी दिनुभयो ।  

सम्मान ग्रहण गर्दै चुरे माध्यमिक विद्यालयका पूर्व विद्यार्थी तथा विद्यालय व्यवस्थापन समितिका पूर्व अध्यक्षसमेत रहेका ठाकुरबाबा नगरपालिकाका मेयर घननारायण श्रेष्ठले शिक्षाको विकासबाट मात्रै अन्य क्षेत्रको विकास सम्भव भएकाले शिक्षा क्षेत्रको विकासलाई पहिलो प्राथमिकतामा राख्दै ठाकुरबाबा नगरपालिकालाई देशकै नमूना नगरपालिका बनाउने प्रतिवद्धता व्यक्त गर्नुभयो ।

यस्तै चुरे क्याम्पस, बगनाहाका पुर्व विद्यार्थी रहेकी ठाकुरबाबा नगरपालिकाकी उपमेयर कृष्णाकुश्मा थारुले नगरपालिका क्षेत्रमा शिक्षाको विकासमा विशेष जोड दिने विचार व्यक्त गर्नुभयो ।  

ठाकुरबाबा नगरपालिकाका वडा अध्यक्षहरु श्यामलाल थारु, श्रीकृष्ण थारु, शेरबहादुर थारु, गंगाराम खनाल र पदमवहादुर खड्काले जिल्लाको अग्रणी शिक्षण संस्था चुरेको उन्नति र प्रगतिका लागि सहयोग गर्ने प्रतिवद्धता व्यक्त गर्नुभयो । 

कार्यक्रममा चुरे माध्यमिक विद्यालयका पूर्व प्रधानाध्यापक तथा चुरे क्याम्पस, बगनाहाका क्याम्पस प्रमुख कृष्णप्रसाद पौड्यालले चुरे माध्यमिक विद्यालय तथा चुरे क्याम्पसको सम्भावना, समस्या र चुनौती एवं भावी कार्ययोजना सहितको ऐतिहांसिक पृष्ठभुमि तथा चिनारी प्रस्तुत गर्दै चुरे माविबाट शिक्षा आर्जन गरेका विद्यार्थी जनप्रतिनिधिको रुपमा चुनिदा आफु र शिक्षण संस्था गौरवान्वित भएको बताउनुभयो ।  

धान रोपाईंमा मेयर, उपमेयर, वडा अध्यक्ष तथा सदस्यहरु लगायत चुरे क्याम्पस संचालक समितिका अध्यक्ष डवलसिंह साउंद, चुरे माविका पूर्व प्राचार्य तथा चुरे क्याम्पस, बगनाहाका क्याम्पस प्रमुख कृष्णप्रसाद पौड्याल, विद्यालय व्यवस्थापन समितिका अध्यक्ष मक्कुराम थारु, विद्यालयका प्रधानाध्यापक राजेशकुमार यादव, चुरे क्याम्पस संचालक समितिका उपाध्यक्ष श्रीराम थारु, सहायक क्याम्पस प्रमुख यज्ञ नेपाल, प्राविधिक कार्यक्रम संयोजक असिम पौड्यालसहित विद्यालय तथा क्याम्पस संचालक समितिका सदस्स्यहरु शिक्षक एवं विद्यार्थीले सामुहिक रोपाईं गरेका हुन् ।   

 

प्रतिक्रिया दिनुहोस

सम्बन्धित सामग्रीहरु

  • बाढीले बगाएर भारत पगेका १० गैँडाको उद्धार

    चितवन, मंसिर ४ – चितवन राष्ट्रिय निकुञ्जबाट गएको साउनमा आएको बाढीले बगाएर भारत पुगेका १० वटा गैँडाको उद्धार गरिएको छ । पछिल्लो पटक भारतको पिप्रासीबाट एउटा गैँडाको उद्धार गरी सोमबार बिहान चितवन ल्याई सामुदायिक वनमा छाडिएको छ ।

  • कफी आयात र निर्यातमा कमी उत्पादनमा वृद्धि

    काठमाडौं, मंसिर १ – आज १३ औं राष्ट्रिय कफी दिवस : ‘आर्थिक सम्बृद्धिको लागि गुणस्तरीय कफी उत्पादन ! सरकारी, निजी र सहकारी क्षेत्रको राष्ट्रिय अभियान’ भन्ने नाराका साथ मनाइँदैछ ।

  • हिमाली जिल्लामा हिमपात सुरु, मतदान प्रभावित हुन सक्ने आशंका

    काठमाडौं, मंसिर १ – पश्चिमी भेगका हिमाली जिल्लामा हिमपात सुरु भएको छ । हुम्लामा शुक्रबार बिहानैदेखि हिमपात भइरहेको छ । सदरमुकाम सिमकोट र उत्तरी भेगका लिमी, मुचु खगालगाउँ, स्याँडा, हेप्का लगायतका क्षेत्रमा लगातार हिउँ परिरहेको हो ।

  • तिहारका फूलमाला उम्मेदवारका गलामा

    चितवनको क्षेत्र नं. ३ बाट उम्मेदवार बनेका नेकपा माओवादी केन्द्रका अध्यक्ष पुष्पकमल दाहाल प्रचण्ड अहिले घरदैलो अभियानमा हुनुहुन्छ । पञ्चेबाजासहित घरदैलो अभियान सुरु गरेका प्रचण्ड जुन घरमा पुग्नुहुन्छ, त्यही घरमा फूलमाला लगाएर स्वागत गर्नेको घुईंचो हुन्छ ।

  • चितवनमा अन्तर्राष्ट्रिय भैँसी विज्ञहरुको सम्मेलन सुरु

    चितवन, कात्तिक २९ – चितवनमा सौराहामा अन्तर्राष्ट्रिय भैँसी विज्ञहरुको सम्मेलन सुरु भएको छ । नेपालमा पहिलो पटक भएको यो सम्मेलनमा विभिन्न देशका भैँसी विज्ञहरुले सहभागिता रहेको छ ।

सबै हेर्नुहोस
Joktantra
पछिल्ला समाचारहरु

सोसल मिडिया