MENU

समाज

Ncell Axiata
sagun

कामै नगरेका ठेकेदारलाई कर्मचारीको मिलेमतोमा २३ लाखको चेक

बालकुमार शर्मा/उज्यालो ।

जाजरकोट, साउन १ – जाजरकोटमा काम नगरी चेक काटिएको भेटिएको छ । गत आर्थिक वर्षको कार्यक्रम अन्तर्गत असार मसान्तसम्म सक्नु पर्ने सडक निमार्णको कामै नगरी कर्मचारीसँग मिलेमतो गरेर चेक काटिएको भटिएको हो । 

जाजरकोटको पूर्वी भेगमा पर्ने  त्रिवेणीनलगाड नगरपालिका–११ चौखादेखि १० रजिकसम्म जोड्ने चौखा–रजिक सडकको कामै नगरी २३ लाख रुपैयाँ जिल्ला समन्वय समितिले भुक्तानी गरेको हो ।

जाजरकोटको जिल्ला प्राविधिक कार्यालयका प्राविधिक बलबहादुर विश्वकर्माले कामै नगरेको सडकको उपभोक्ता र कर्मचारीको मिलेमतोमा किर्ते  बिल भरपाई गराएपछि चेकमार्फत रकम भुक्तानी भएको हो । उपभोक्तासँग आर्थिक लेनदेनका आधारमा जिल्ला प्राविधिक कार्यालयका प्रमुख तथा इन्जिनियर सूर्यबहादुर शाहीको निर्देशनमा सवओभरसिएर विश्वकर्माले सडकको मूल्यांकन गरी नक्कली बिल भरपाई बनाएको स्थानीयले आरोप लगाएका छन् ।

२३ सय मिटर सडकको ट्रयाक खोल्नु पर्नेमा एक सय मिटर सडक पनि नखनिएको स्थानीय बासिन्दाले बताएका छन्  । कामै नगरेको सडकमा भुक्तानी दिइएको स्थानीय बास्न्दिाको गुणासो आएपछि गुणासोको आधारमा भुक्तानी दिइसकेको चेकसमेत कार्यालयले आफ्नो नियन्त्रणमा लिइसकेको जनाएको छ ।

स्थानीय विकास अधिकारी रुद्रप्रसाद पण्डितले ‘प्राविधिकले बिल भरपाई पेश गरेपछि भुक्तानी गरिएको पाइएको बताउनुभयो । असारको महिनामा हतार हतारमा काम गर्दा प्राविधिकले के कसरी गरेको हो आफूलाई जानकारी नभएको बताउनुभयो । ‘कामै नभएको जानकारी आएपछि हामीले चेक थुतेका छौ’ पण्डितले भन्नुभयो ।

पण्डितले स्थानीय स्तरमा काम भए नभएको एकिन गरेर काम गरेको भए चेक हस्तान्तरण गर्ने नत्र चेक नदिने जानकारी दिनुभयो  कामै नगरी निकासा लिएको  घटना बारे आवश्यक छानबिन सुरु भैसकेको स्थानीय विकास अधिकारीले जानकारी दिनुभयो ।

नभएको काम भएको भनेर भुक्तानी लिन सफल सडक निर्माण उपभोक्ता समितिका अध्यक्ष लगबहादुर बस्नेतले समयमा स्काभेटर नभेटिएकोले काम गर्न ढिलाइ भएको प्रतिक्रिया दिनुभएको छ ।

बजेट फ्रिज हुन नदिन आफूहरुले आग्रह गरेको उहाँले जानकारी दिनुभयो । नेपाल सरकारका विभिन्न विकास कार्यक्रमहरुको रकम निकासा ढिलो हुने उपभोक्ताले पनि समयमा काम नगर्ने, असारको अन्त्यमा आएर काम गर्ने, आर्थिक प्रलोभनमा परेर प्राविधिकले कामै नगरेको योजनामा पनि भएको बिल भरपाई गराउने प्रचलन विगत वर्षदेखि नै जाजरकोटमा प्रचलनमा रहेको भए पनि यसमा नियमनकारी स्थानीय स्तरका निकाय पनि मिलेको हुन सक्कने भएकोले अहिलेसम्म कतै पनि कारबाहीका घटना बाहिर आउन सकेको छैन ।

प्रतिक्रिया दिनुहोस

सम्बन्धित सामग्रीहरु

  • बझाङमा भूकम्प गयो

    बझाङ, मंसिर ६ – बझाङको सदरमुकाम चैनपुरबाट ९ किलोमिटर उत्तरपूर्व भएर ३ दशमलव ३८ रेक्टर स्केलको भूकम्प गएको छ ।

  • चुनावी नारामा चीन–नेपाल–भारत जोड्ने तमोर करिडोर

    उत्तरी छिमेकी देश चीनको सिमाना टिपताला भञ्ज्याङदेखि विराटनगर रानीसम्मको २७५ किलोमिटरको राजमार्ग तमोर करिडोर निर्माणलाई प्रतिनिधिसभा तथा प्रदेशसभा सदस्यका उम्मेदवारले चुनावी नाराका रूपमा अगाडि सारेका छन् ।

  • ठेकेदा मेयर बने तर स्वास्थ्य चौकीको भवन बनेन

    छेडेदह गाउपालिका–१ काँडा गाउँको स्वास्थ्य चौकीको भवन सात वर्ष अगाडि निर्माणको जिम्मा लिएका राजनेन्द्र निमार्ण सेवाका सञ्चालक भीमबहादुर साउद मेयरमा निर्वाचित भएका छन् । तर स्वास्थ्य चौकी भवन निर्माण नहुँदा स्थानीय बासिन्दाले स्वास्थ्य सेवा पाउनबाट वञ्चित भएका छन् ।

  • सईले गरे महिला प्रहरीमाथि कुटपिट

    सप्तरी, मंसिर ६ – शान्तिपूर्वक बाँच्न पाउनु र आफ्नो पेशा ब्यवसाय गर्न पाउनु नागरिकको मौलिक अधिकार हो । संविधानमै किटान गरिएको यो अधिकार हनन् हुने वित्तीकै त्यसको कानुनी उपार खोज्न प्रहरीमा जाने व्यवस्था छ ।

  • मेसिन बिग्रिएपछि सेती अञ्चल अस्पतालमा डायलासिस सेवा बन्द

    कैलाली, मंसिर ६ – एक महिनाको अवधीमा तीनवटा डायलासिस मेसिन बिग्रिएपछि सेती अञ्चल अस्पतालमा एक वर्ष अघिदेखि सुरु भएको डायलासिस सेवा बन्द भएको छ ।

सबै हेर्नुहोस
Joktantra
पछिल्ला समाचारहरु

सोसल मिडिया