MENU

राजनीति

Ncell Axiata

सामाजिक सुरक्षा भत्ता घर घरमै बाँड्ने इटहरी उपमहानगरको निणर्य

सुनसरी, साउन १ – इटहरी उपमहानगरले बाँड्ने सामाजिक सुरक्षा भत्ता घर घरमै लगेर बाँड्ने निर्णय गरेको छ । जननिर्वाचित पदाधिकारीको पहिलो बैठकले जेष्ठ नागरिक, अपाङ्गता भएकाहरुलाई दिइदै आएको समाजिक सुरक्षा भत्ता सर्वसुलभ तरिकाले वितरण गर्ने व्यवस्था मिलाउने निर्णय गरेको छ । 

पहिलो बैठकले सामाजिक सुरक्षा भत्ता वडा कार्यालयमार्फत वितरण गर्ने र धेरै अशक्तहरुलाई मेयर र उपमेयरले घरैमा गएर भत्ता वितरण गर्ने निर्णय गरेको छ । इटहरी उपमहानगरको पहिलो बैठकले नगरभित्र हिंसामा परेका महिला जेष्ठ नागरिक र अपाङ्गता भएकाहरुलाई न्यायमा पहूँच पुर्‍याउन नगरपालिकाभित्र सहायता कक्षको स्थापना गर्ने समेत निर्णय गरेको छ । 

जननिर्वाचित पदाधिकारीहरुको आइतबार बसेको बैठकले इटहरी उपमहानगरमा देखिएको शौचालयको समस्या समाधान गर्ने समेत निर्णय गरेको छ । यसका लागि शहरका बिभिन्न स्थानमा एक महिना भित्रमा घुम्ती शौचालय राख्ने निर्णय समेत गरिएको बैठकपछि भएको पत्रकार सम्मेलनमा जानकारी दिइएको छ । 

बैठकले नौ बुदें निर्णय गरेको पत्रकार सम्मेलनमा जानारी दिँदै उपमेयर तथा प्रवक्ता लक्ष्मी गौतमले सुत्केरी भक्तामा वृद्धी गरिने जानकारी दिनुभयो । उहाँले अहिले नै उपमहानगर क्षेत्रका सरकारी स्वास्थ्य संस्था वा क्लिनिकहरुबाट प्राप्त हुँदै आएका औषधिहरुमध्ये बिरामीको अवस्था हेरी थप औषधि उपलब्ध गराउनु पर्ने अवस्था देखिएकाले  बजेट उपलब्ध गराउने निर्णय गरेको बताउनुभयो । 

नगरका विभिन्न स्थानमा शहरी स्वास्थय कार्यक्रम अन्तर्गत गाँउघर क्लिनीक सञ्चालनमा रहेको भएपनि औषधि अभाव देखिएकाले ती क्लिनिकहरुमा पनि औषधि उपलब्ध गराउने निर्णय भएको गौतमले बताउनुभयो ।  पहिलो बैठकले इटहरी उपमहानगरका महत्वपूर्ण सार्वजनिक स्थलहरुलाई  फ्रि वाई फाई जोन  बनाइने समेत निर्णय गरेको छ ।

बैठकले नगरपालिकाले सम्पादन गरेको कामका नगरभित्र सञ्चालित सञ्चार माध्यमबाट जानकारी दिने निर्णय गरेको छ । यस्तै नगरबासीको गुनासो र समस्या बुझ्नेका लागि महिनामा एक दिन हेलो मेयर कार्यक्रम सञ्चालन गर्ने समेत निर्णय गरेको छ ।

यसैगरी गुनासो र सुझाब संकलनका लागि गुनासोपेटिका र पैसा नलाग्ने टेलिफोन नम्बर राख्नेसमेत निर्णय गरेको छ । बैठकले इटहरी उपमहानगरलाई सफा र सुन्दर बनाउन  हरेक महिना सबै वडाहरुमा एक दिन सफाई अभियान सञ्चालनमा ल्याउने पनि निर्णय भएको छ । 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Job Vacancy
पछिल्ला समाचारहरु

सोसल मिडिया