MENU

समाज

Ncell Axiata

न्याय दिनेले नै अन्याय गरेको भन्दै सासंदको आपत्ती, जुगुँ घटनामा अन्याय गरेको आरोप

काठमाडौं, साउन २ – दोलखाका तीन सासंदले न्याय दिने निकायमा बसेर न्यायको पक्षमा लड्नुपर्ने मान्छेले नै अन्याय गरेको भन्दै आपत्ती जनाएका छन् । महान्याधीवक्ता रमन कुमार श्रेष्ठले न्यायिक प्रक्रिया अगाडि बढाउन छाडेर घटना नै गुपचुप पार्न लागेको भन्दै उनीहरुले आपत्ती जनाएका हुन् ।   

एमाले संसदीय दलको कार्यालय सिंहदरबारमा पत्रकार सम्मेलन गरेर एमाले सांसदहरु पशुपति चौलागाइँ, पार्वत गुरुङ र आनन्दप्रसाद पोखरेलले न्यायिक निकायमा बसेर न्यायको लागि काम नभएको जनाएका हुन् । 

के हो घटना ?

पहिलो चरणको स्थानीय तहको चुनावको केही दिन अघि वैशाख २६ गते दोलखाको गौरीशंकर गाउँपालिका–१ जुँगुमा झडप हुँदा स्थानीय एमाले कार्यकर्ता कुलबहादुर तामाङको ज्यान गएको थियो ।

तामाङको हत्या भएको र हत्यारालाई कारबाही हुनुपर्ने भन्दै स्थानीय बासिन्दा गोरे तामाङले घटनामा संलग्न ३९ जनाविरुद्ध किटानी जाहेरी दिएका थिए । उनीहरुलाई प्रहरीले पक्राउ गरी दोलखा जिल्ला अदालमा पेश गरेको थियो । जिल्ला अदालतका न्यायाधीश लालकाजी श्रेष्ठले हत्यामा संलग्नलाई साधारण तारिखमा छाडिदिएका थिए ।  

यसरी हत्यामा संलग्न भएकालाई पनि गहिरिएर अनुसन्धान नगरी साधारण तारिखमा छाड्नु गलत भएको भन्दै एमाले सांसदले आपत्ती जनाएका छन् । जिल्ला अदालतको निर्णयपछि पुनरावेदन गर्न मुद्दा महान्यायाधीवक्ताको कार्यालयमा आयो । 

महान्यायाधीवक्ता रमन कुमार  श्रेष्ठले घटनाको फाइल हेर्नुपर्यो भन्दै फाइल ल्याएर आफ्नो दराजमा राखेको तर कुनै पहल नगरेको भन्दै सासंदहरुले विरोध गरेका हुन् । 

प्रतिक्रिया दिनुहोस

सम्बन्धित सामग्रीहरु

  • कोरियन भाषा परीक्षाको नतिजा भोली

    काठमाडौं, साउन १० – कोरियन भाषा परीक्षाको नतिजा भोली बुधबार प्रकाशन हुँदैछ । यसअघि असार दोश्रो हप्ता नै नतिजा प्रकाशन गर्ने तयारी गरिएको थियो।

  • अलपत्र नेपालीबारे लेखिएको समाचारलाई लिएर नेपाली दूतावास युएई र पत्रकार महासंघबिच जुहारी

    पत्रकार कोही कसैसँग पूर्वाग्राही नभएको र पीडितको आरोपलाई दूतावासका प्रतिनिधिको भनाइ सहित समाचार प्रकाशन गर्नु पत्रकारको धर्म भएको महासंघले स्पष्ट पारेको छ । भिजिट भिसाको कारोबार गर्ने र नेपालीलाई ठग्ने दलाललाई दूतावासले र नेपालमा सञ्चालित ट्राभल्सलाई सरकारले कारबाही गर्नुपर्ने माग समेत महासंघले गरेको छ।

  • पतिको हत्या आरोपमा एक महिला पक्राउ

    लहान, साउन १० – पतिको हत्या गरेको आरोपमा एक महिलासहित दुई जनालाई प्रहरीले सदरमुकाम सिरहाबाट आज पक्राउ गरेको छ ।

  • ​सडक हिलाम्मे भएपछि स्थानीयवासी सडकमै उत्रिए

    बर्दियाको सदरमुकाम गुलरियादेखि भुरिगाउँ र कोठियाघाट हुलाकी सडक हिलाम्मे हुँदा सदरमुकाम ओहोरदोहोर गर्न समस्या भएको छ । निर्माणाधिन हुलाकी सडकमा ठूलाठूला खाल्डाखुल्डी र हिलोले गर्दा साना तथा ठूला सवारी साधन चलाउन समस्या भएपछि ओहोरदोहोर गर्न समस्या भएको हो ।

  • ५–७ सयको खाद्यान्न बेच्ने पसलमा बिक्छ ५–७ हजारको रक्सी र चुरोट

    बझाङ, साउन १० – ‘धुम्रपान स्वास्थ्यको लागि हानिकारक छ ।’ रेडियो, टिभी र पत्रपत्रिकामा यस्ता सूचना धेरै भेटिन्छन् । सुर्ती, चुरोटका बट्टामा पनि धुम्रपानले गर्ने असरको डरलाग्दो चित्र राखिएको छ । घर परिवारमा आफन्त र ठूलाबडाले पनि भन्छन् ‘रक्सी र सुर्ती, चुरोट खान हुँदैन ।’

सबै हेर्नुहोस
Job Vacancy
पछिल्ला समाचारहरु

सोसल मिडिया