MENU

बातावरण-कृषि

Ncell Axiata

वनको उत्पादन बढाउन वैज्ञानिक वन व्यवस्थापन सुरु

हेमराज शर्मा/उज्यालो । 

दाङ, साउन २ – वन पैदावार उत्पादनको दृष्टिकोणले दाङ देशकै राम्रो जिल्लाभित्र पर्छ । दाङको ६६ प्रतिशत भू—भाग वनले ढाकेको छ । २ लाख ९५ हजार  ५ सय हेक्टर क्षेत्रफल रहेको दाङमा २ लाख ७ सय हेक्टर क्षेत्रफल वनले ढाकेको छ । जसमध्ये १ लाख ६ हजार दुईसय ४० क्षेत्रफल वनको सामुदायले व्यवस्थापन गरेका छन् । दाङमा ५ सय २४ वटा सामुदायिक वन समूहहरु दर्ता भई सञ्चालनमा आएका छन् । झण्डै ९७ हजार हेक्टर वन राष्ट्रिय वनका रुपमा रहेको छ । 

वौज्ञानिक वन व्यवस्थापनबाट वन पैदावारको सहज आपूर्तिसँगै वनको हैसियत राम्रो हुने जिल्ला वन कार्यालयको विश्वास छ ।  वैज्ञानिक वन व्यवस्थापनको कामसँगै जिल्लामा वनका क्षेत्रमा हुने नयाँ कामको नमुना अध्ययन केन्द्रका रुपमा राष्ट्रिय र सामुदायिक वनलाई विकास गर्न थालिएको छ । जिल्ला वन कार्यालय दाङले जिल्लाको राष्ट्रिय र सामुदायिक वनमा वैज्ञानिक वन व्यवस्थापनको काम थालेको छ । जिल्लामा रहेको ९७ हजार हेक्टर राष्ट्रिय वन क्षेत्र मध्ये ५ सय ४५ हेक्टर वन क्षेत्रमा पहिलो चरणमा वैज्ञानिक वन व्यवस्थापनको काम सुरु गरिएको जिल्ला वन कार्यालय दाङले जनाएको छ । 

दाङको बबई गाउँपालिका–२ कालापानीको राष्ट्रिय वनमा जिल्लामै पहिलो पटक वन व्यवस्थापन गर्न सुरु गरिएको जिल्ला वन अधिकृत हरि गौतमले बताउनुभयो । उहाँले रुखमा पुस्तान्तरण गर्न र वन पैदावारको व्यवस्थापन गर्ने गरी राष्ट्रिय नीति अनुसार जिल्लाका राष्ट्रिय वनमा वैज्ञानिक वन व्यस्थापन सुरु गरिएको बताउनुभयो ।  कालापानी वन क्षेत्रमा गत वर्षदेखि यो काम सुरु गरिएको र यस वर्ष साढे ३ हेक्टर वन क्षेत्रमा वन व्यवस्थापन गरिएको छ । त्यसबाट १३ हजार ४ सय ५९ क्यूफिट काठ र १८ चट्टा दाउरा निक्लिएको  छ । त्यसको व्यवस्थापनको लागि १६ लाख रुपैयाँ जिल्ला वनले खर्च गरेको अधिकृत गौतमले बताउनुभयो ।

गत वर्ष पनि त्यस क्षेत्रमा व्यवस्थापन गरिएको उहाँले बताउनुभयो । ५ सय ४५ हेक्टर राष्ट्रिय वन रहेको कालापानी क्षेत्रमा दुई वर्षमा ८ हेक्टर क्षेत्रलाई वैज्ञानिक व्यवस्थापन गरिएको छ । जसबाट यो क्षेत्रबाट वन पैदावार त संकलन भएको छ नै त्यस स्थानमा बिरुवाको पुनःउत्पादन पनि सुरु भइसकेको छ । 

प्रतिक्रिया दिनुहोस

सम्बन्धित सामग्रीहरु

  • लमजुङमा २५ लाख अलैँचीको बिरुवा बिक्री, दुई करोड आम्दानी

    लमजुङ, साउन ११ – लमजुङमा २५ लाखवटा भन्दा बढी अलैँचीको बिरुवा बिक्री भएको छ । जिल्लाभित्र र बाहिर गरी २५ लाख भन्दा बढी अलैँचीका बिरुवा बिक्री भइसकेको नेपाल अलैँची व्यवसायी महासंघ लमजुङ शाखाले जनाएको छ ।

  • बालीमा भाइरस ! वैज्ञानिक भन्छन् - ‘उपचार पत्ता लागेको छैन’

    विरुवामा लाग्ने रोगबाट बच्न किसानले धेरै मात्रामा विषादी प्रयोग गर्न थालेपछि माटो प्रदुषित भएर उर्वराशक्ति घट्दै गएको छ । माटोको प्रदुषणले उर्वराशक्ति घट्दै गएपछि बाली विरुवामा भाइरसको संक्रमण बढेको छ ।

  • बाली बिमामा किसानको रुचि भएन, तीन वर्षमा एकजनाले मात्रै गरे बिमा

    दोलखा, साउन १० – दोलखामा बाली बिमा सुरु भएको तीन वर्षमा जम्मा एकजना किसानले मात्रै बिमा गराएका छन् । बाली बिमाप्रति किसानको आकर्षण नबढेको जिल्ला कृषि विकास कार्यालय दोलखाले जनाएको छ ।

  • अकबरे खुर्सानीको व्यवसायिक खेतीमा किसान आकर्षित

    प्रकाश धौलाकोटी/उज्यालो । तेह्रथुम, साउन ९ – तेह्रथुममा परम्परादेखि मसला बालीको रुपमा छिटपुट मात्रै खेती गर्दै आएको अकबरे खुर्सानीको पनि व्यवसायिक खेती सुरु भएको छ । किसानले धान, मकै, कोदो लगायत अन्नबाली लाग्ने जमीनमा समेत अकबरेको खेती थालेका छन् ।

  • बाँदरले बाली नष्ट गरेपछि किसान चिन्तित

    तेह्रथुम, साउन ७ – खेतबारीमा पाक्न लागेको बाली बाँदरले नष्ट गर्न थालेपछि तेह्रथुमको छथर गाउँपालिकाका किसान चिन्तित बनेका छन् । गाउँपालिकाको फाक्चामारा, हमरजुङ, पन्चकन्या लगायत गाउँमा किसानले लगाएको बालीनाली हुलका हुल बाँदर आएर नष्ट गर्ने गरेका छन् ।

सबै हेर्नुहोस
Job Vacancy
पछिल्ला समाचारहरु

सोसल मिडिया