MENU

राजनीति

Ncell Axiata

कर फछर्यौट आयोग ऐन तत्काल खारेज गर्न अर्थ समितिको निर्देशन

काठमाडौं, साउन २ – व्यवस्थापिका संसदको अर्थ समितिले कर फछर्यौट आयोग ऐन, २०३३ तत्काल खारेज गर्न सरकारलाई निर्देशन दिएको छ ।

समितिको सोमबार बसेको बैठकले कर फछर्यौट आयोग ऐनमा भएको कानूनी छिद्रलाई प्रयोग गर्दै सरकारले पटक पटक आयोग गठन गरेर अस्वभाविक रुपमा कर छुट दिएको भन्दै ऐन नै खारेज गर्न निर्देशन दिएको हो । 

समितिले ऐन खारेजी प्रक्रिया सुरु गरेर त्यसको जानकारीसमेत गराउन भनेको समितिका सभापति प्रकाश ज्वालाले जानकारी दिनुभयो । ऐनको व्यवस्थाअनुसार २०७१ सालमा गठन भएको आयोगले एक हजारभन्दा धेरै कम्पनीलाई भारी मात्रामा कर छुट दिइएको पाइएपछि चौतर्फी विरोध भइरहेको छ । 

आयोगका तत्कालीन सदस्य सचिव चुणामणि शर्मासहित अरु सदस्यका विरुद्ध अख्तियार दुरुपयोग अनुसन्धान आयोगले झण्डै ११ अर्ब रुपैयाँ बिगो भराउन माग गर्दै आइतबार विशेष अदालतमा मुद्दा दायर गरेको छ । यस्तै अर्थ समितिले राजस्व छली र कर असुलीमा भएका अनियमितता र भविष्यमा हुन सक्ने यस्ता क्रियाकलाप रोक्ने बारे अध्ययन गर्न उपसमिति गठन गरेको छ । 

नौ जना सदस्य तोकिएको उपसमितिले राजस्व प्रशासनमा भएका कमीकमजोरीले औंल्याउन र त्यसको सुधारका लागि सुझाव पेश गर्न २ महिनाको समय दिइएको सभापति ज्वालाले जानकारी दिनुभयो । उपसमितिमा सुरेन्द्र पाण्डे, गौरा प्रसाई, जगदिश्वरनरसिंह के.सी., दिपकप्रसाद कुईकेल, रत्न शेरचन, ल्हारक्याल लामा, शक्ति बस्नेत, शेरबहादुर तामाङ र श्रीकान्ती पासी हुनुहुन्छ । 

प्रतिक्रिया दिनुहोस

सम्बन्धित सामग्रीहरु

  • मतपेटिकामा मुसा त पसेन ?

    २० वर्षपछि निर्वाचित जनप्रतिनिधि पाउँदा भरतपुर महानगरका वडावासी जति हर्षित भएका छन्, निर्वाचित जनप्रतिनिधीले जिम्वेवारी नपाउँदा त्योभन्दा बढि दुःखी छन् । चितवनका ५ वटा नगरपालिका र एक गाउ पालिकाका तहका निर्वाचित प्रतिनिधीले काम सुरु गरिसकेको दुई महिना पुग्न लागि सकेको छ ।

  • राष्ट्रपति कार्यालयमा निजी सञ्चार माध्यममाथि भेदभाव भएको भन्दै महासंघको ध्यानाकर्षण

    काठमाडौं, साउन ११ – केही समयदेखि राष्ट्रपति भवनमा हुने सार्वजनिक कार्यक्रममा निजी क्षेत्रका सञ्चारमाध्यमप्रति अनुदार र विभेदपूर्ण व्यवहार भएको भन्दै नेपाल पत्रकार महासंघले गम्भीर ध्यानाकर्षण भएको जनाएको छ ।

  • विकेकशील र साझा एकीकरणपछि पार्टीको नाम ‘विवेकशील साझा पार्टी’ रहने

    काठमाडौं, साउन ११ – विवेकशील नेपाली दल र साझा पार्टीबिच एकीकरणपछि पार्टीको नाम ‘विवेकशील साझा पार्टी’ राख्ने सहमति भएको छ । विवेकशील नेपाली दल र साझा पार्टीबिच चुनाव चिन्ह तराजु राख्ने सहमति भएको दुवै पार्टीले जनाएका छन् ।

  • माओवादीबाट को को हुँदै छन् मन्त्री ?

    काठमाडौं, साउन ११ – माओवादी केन्द्रले सरकारमा जाने पाँच जनाको नाम टुंगो लगएको छ । प्रधानमन्त्री शेरबहादुर देउवाले बुधबार मन्त्रीपरिषद् विस्तारको तयारी गरिरहेका बेला माओवादीले आफ्नो पार्टीको तर्फबाट सरकारमा सहभागी हुनेको नाम टुंगो लगाएको हो ।

  • आज मन्त्रिमण्डल विस्तारको तयारी, कुन पार्टीबाट कसको चर्चा ?

    काठमाडौं, साउन ११ – प्रधानमन्त्री शेरबहादुर देउवाले बुधबार मन्त्रिमण्डल विस्तार गर्ने तयारी गर्नुभएको छ । नेपालको ४० औँ प्रधानमन्त्रीका रुपमा गएको जेठ २३ गते प्रधानमन्त्रीमा निर्वाचित हुनुभएका देउवाले जेठ २४ गते ८ सदस्यीय मन्त्रिमण्डल गठन गर्नुभएको थियो ।

सबै हेर्नुहोस
Job Vacancy
पछिल्ला समाचारहरु

सोसल मिडिया