MENU

बातावरण-कृषि

Ncell Axiata

जैविक मार्गमा सिसी क्यामेराको निगरानी, गाडी रोके जरिवाना, लापरबाही गरे मुद्दा

राधेश्याम खतिवडा/उज्यालो ।

चितवन, साउन २ – चितवनको भरतपुर र रत्ननगर जोड्ने पूर्वपश्चिम राजमार्ग स्थित टिकौली जंगलको झण्डै ५ किलोमिटर बढी क्षेत्र जैविक मार्ग छ । भरतपुर र रत्ननगर जोड्ने टिकौली जंगल बिचमा पर्ने सडकमार्गमा सवारी साधनको निगरानी गर्न संयुक्त अपरेशन क्याम्प स्थापना गरिएको छ । संरक्षित वन्यजन्तुको आवतजावत हुने जैविक मार्गको सुरक्षाका लागि सिसी क्यामेराबाट निगरानी हुने र सवारी साधन रोकेमा कारबाही सुरु गरिएको छ । 

जंगलको बिचमा जथाभावी गाडी रोक्ने सवारी चालकलाई जरिवानासहितको कारबाही हुने बताउँदै चितवन राष्ट्रिय निकुञ्जका प्रमुख संरक्षण अधिकृत रामचन्द्र कँडेलले वन वन्यजन्तुको सुरक्षा र सरसफाईलाई ख्याल राखेर यो अभियान चालिएको बताउनुभयो । 

निकुञ्ज, वन कार्यालय तथा स्थानीय प्रशासनसँगको समन्यवमा पोष्ट स्थापना गरिएको जानकारी दिँदै कँडेलले जथाभावी फोहर फाल्ने, गाडी रोक्नेलाई साउन १ गतेदेखि जरिवाना समेत लिने र आवश्यकता हेरी लापरबाही गर्नेलाई मुद्दा समेत चलाइने बताउनुभयो ।

नेपाली सेनासहित सशस्त्र वन रक्षकबाट यस क्षेत्रमा संयुक्त अपरेशन हुनेछ । जैविक मार्गमा अटेरी गरेर मोटरसाइकल रोक्नेलाई एकसय रुपैयाँ, साना गाडीलाई पाँचसय रुपैयाँ र ठूला गाडीलाई १ हजार रुपैयाँ जरिवाना गराइने छ । जैविक मार्गमा सिसी क्यामेराले समेत निगरानी गर्ने गरिएको जानकारी दिँदै राष्ट्रिय प्रकृति संरक्षण कोष सौराहाका प्रमुख डा. चिरञ्जिवी पोखरेलले अपरेशेन क्याम्पले जैविक मार्गको संरक्षणमा टेवा पुग्ने बताउनुभयो । अभियान सुरुहुनु भन्दा अगाडि संरक्षणका लागि एक मिनेट कार्यक्रम राखी सो मार्गमा चलेका सवारी चालकलाईहरु जानकारी गराइएको थियो ।

करिडोर क्षेत्र भएकाले पूर्वपश्चिम राजमार्गबाटै चित्तल, जरायो, मृग, बाघ, गैंडालगायत वन्यजन्तुहरु जंगल ओहोर दोहोर गर्छन् । गएको एक वर्षको तथ्यंकमा यो क्षेत्रमा वन्यजन्तु आक्रमणमा १३ घटना भएका थिए । 

 

प्रतिक्रिया दिनुहोस

सम्बन्धित सामग्रीहरु

  • लमजुङमा २५ लाख अलैँचीको बिरुवा बिक्री, दुई करोड आम्दानी

    लमजुङ, साउन ११ – लमजुङमा २५ लाखवटा भन्दा बढी अलैँचीको बिरुवा बिक्री भएको छ । जिल्लाभित्र र बाहिर गरी २५ लाख भन्दा बढी अलैँचीका बिरुवा बिक्री भइसकेको नेपाल अलैँची व्यवसायी महासंघ लमजुङ शाखाले जनाएको छ ।

  • बालीमा भाइरस ! वैज्ञानिक भन्छन् - ‘उपचार पत्ता लागेको छैन’

    विरुवामा लाग्ने रोगबाट बच्न किसानले धेरै मात्रामा विषादी प्रयोग गर्न थालेपछि माटो प्रदुषित भएर उर्वराशक्ति घट्दै गएको छ । माटोको प्रदुषणले उर्वराशक्ति घट्दै गएपछि बाली विरुवामा भाइरसको संक्रमण बढेको छ ।

  • बाली बिमामा किसानको रुचि भएन, तीन वर्षमा एकजनाले मात्रै गरे बिमा

    दोलखा, साउन १० – दोलखामा बाली बिमा सुरु भएको तीन वर्षमा जम्मा एकजना किसानले मात्रै बिमा गराएका छन् । बाली बिमाप्रति किसानको आकर्षण नबढेको जिल्ला कृषि विकास कार्यालय दोलखाले जनाएको छ ।

  • अकबरे खुर्सानीको व्यवसायिक खेतीमा किसान आकर्षित

    प्रकाश धौलाकोटी/उज्यालो । तेह्रथुम, साउन ९ – तेह्रथुममा परम्परादेखि मसला बालीको रुपमा छिटपुट मात्रै खेती गर्दै आएको अकबरे खुर्सानीको पनि व्यवसायिक खेती सुरु भएको छ । किसानले धान, मकै, कोदो लगायत अन्नबाली लाग्ने जमीनमा समेत अकबरेको खेती थालेका छन् ।

  • बाँदरले बाली नष्ट गरेपछि किसान चिन्तित

    तेह्रथुम, साउन ७ – खेतबारीमा पाक्न लागेको बाली बाँदरले नष्ट गर्न थालेपछि तेह्रथुमको छथर गाउँपालिकाका किसान चिन्तित बनेका छन् । गाउँपालिकाको फाक्चामारा, हमरजुङ, पन्चकन्या लगायत गाउँमा किसानले लगाएको बालीनाली हुलका हुल बाँदर आएर नष्ट गर्ने गरेका छन् ।

सबै हेर्नुहोस
Job Vacancy
पछिल्ला समाचारहरु

सोसल मिडिया