MENU

विज्ञान प्रविधि

Ncell Axiata
NIC Asia

एनसेलको फोरजी सेवा थप १० शहरमा बिस्तार

काठमाडौं, साउन १७ – मोवाइल सेवा प्रदायक कम्पनी एनसेलले चौथो पुस्ताको मोवाइल सेवा (फोरजी)÷लङ्ग टर्म इभोलुसन (एलटिई) सेवा थप १० शहरमा विस्तार गरेको छ ।

मंगलबारदेखि विराटनगर, विर्तामोड, दमक, धरान, भरतपुर, हेटौडा, विरगञ्ज, भैरहवा, बुटवल र नेपालगञ्जमा फोरजी सेवा सुरु भएको एनसेलले जनाएको छ । यससँगै एनसेलको फोरजी सिम तथा फोरजी सेवा सपोर्ट गर्ने मोबाइल प्रयोग गर्ने सबै प्रिपेड तथा पोस्टपेड ग्राहकले यी शहरमा मंगलबारदेखि दु्रत गतिको मोवाइल ब्रोडब्याण्ड सेवाको अनुभव लिन सक्ने एनसेलको भनाई छ ।

आफ्नो सिम कार्ड अझै फोरजी सिममा परिवर्तन नगरेकाले फोरजी सेवाको लाभ लिनका लागि आफूले प्रयोग गरीरहेको सिमलाई नजिकैको एनसेल सेन्टरमा गई फोरजी चल्ने सिम (युसिम) सँग निःशुल्क साट्न सक्ने एनसेलले जानकारी दिएको छ । १० वटा शहरमा भएको यो सेवा विस्तारसँगै एनसेलको फोरजी सेवा अब १५.०६ प्रतिशत जनसंख्यामा पुगेको एनसेलका कर्पोरेट संवाद विज्ञ मिलन शर्माले जानकारी दिनुभयो ।

यसअघि एनसेलले फोरजी सेवा काठमाडौं, ललितपुर, भक्तपुर (नगरकोटसहित), बनेपा, धुलिखेल, पोखरा र दमौलीमा उपलब्ध गराएको थियो । पछिल्लो सेवा विस्तार सँगै एनसेलको फोरजी सेवा देशका विभिन्न भागमा रहेका १७ शहरमा पुगेको छ ।

ग्राहकले अंग्रेजीमा ‘क्यु’ टाइप गरी ३२४ मा एसएमएस पठाई आफ्नो सिम फोरजी सिम हो कि होइन भन्ने बारेमा जानकारी लिन सक्ने एनसेलले जनाएको छ ।

फोरजी सेवा चलाउने ग्राहकले एस्ट्रिक्स ३२४ ह्यास डायल गरी ३० दिनसम्म योण्डर म्युजिक एपमा निःशुल्क गीत अनलाइन सुन्न तथा डाउनलोड गर्न सक्ने पनि एनसेलले जनाएको छ । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया