MENU

साहित्य/ कला

Ncell Axiata

कविता : हरियो पासपोर्ट

हरीयो पासपोर्ट बोकेर-
सपना साट्न मुग्लान पसेको पनि
अब त दस वर्ष पुगिसकेछ
 
यी बितेर गएका दश बर्षभरि
कतिकति बिहानहरु आएर गए 
कतिकति साँझहरु आएर गए 
तर आउँदै गएका यी साँझ बिहानहरु  
जम्मै जम्मै एकै प्रहर लागिरहे मलाई
 
मुग्लान पसेको पहिलो वर्षभरी त प्रत्येक बिहानहरुमा खोज्दोरहेछु
प्रियाका चुराका छुनछुने भाकाहरु 
नेपथ्यमा बाबाको ख्वाक्क खुक्क
र आमाका आदेशहरु 
 
तर यहाँ त मसित थियो 
झिसमिसेमै मेरा सपना बिथोल्न आउने मोबाइलको चर्को आलर्म मात्रै 
 
त्यसपछि बर्षहरु छोडिँदै गए
सधैंझैं हरेक बिहान घरमा गुञ्जने 
प्रिय ध्वनीहरु पुरिँदै गए मनको नेपथ्यमा
बरु कुल्चिँदै आए नयाँ ध्वनीहरुले 
फरक फरक भाषाहरुमा- 
छिटो गर छिटो गर भनेको सुन्ने बानी पर्दै गयो मलाई
 
केही आवाज सुन्नु अघी नै 
मनले दोहोर्याइ सकेको हुनेरहेछ 
छिटो गर
छिटो गर
र छिटो गर मात्रै 
 
यता प्रत्येक वर्ष थपिइरहे 
हरियो पासपोर्टका पानाहरुमा  
मिति फेरिएका रंगीबिरंगी लेबलहरु 
तर पासपोर्टको मेरो तस्बिर कहिले बदलिएन लेबलहरुजस्तो 
हाँसिरह्यो मुसुक्क उही तस्बिर 
र सजिइरह्यो सँधै टाइ कोटमा 
जसरी म मुस्काएको थिएँ फोटो खिच्नु अघी 
ऋखे दाइको फोटो स्टुडियोमा 
 
यो दस बर्षमा 
यो परदेशमा 
निलो रङको पोसाकले 
मेरो मन पनि निलै भइसकेको छ अहिले त 
यो एक युगमा म पनि फेरिएँ युगझैं निलै निलो भएर 
जब प्रत्येक शुक्रवारे बिदामा फेरिने आफ्नै शर्ट पाइन्ट हेर्छु 
लाग्छ म दशैंमा नयाँ लुगा लगाइरहेको छु 
 
पर्देसिएको यो दस बर्ष पछिको एकदिन 
बिहानै ब्युँझिन्छु म 
सिरानीमा बजेको मोबाइलको घन्टिले 
तर सधैंझैं सपना बिथोल्ने आलर्म थिएन त्यो
त्यो त घरबाट प्रियाले छोडेको एउटा प्रिय आवाज थियो -
"अब त फर्केर सँगै बसे हुँदैन ? "
 
प्रियाको मधुरो आवाज
कानबाट कुदेर 
मन सम्मै पुगेर खजमज्ज भएर बस्यो 
 
सोचाइले थिचिएँ म आफै 
फेरि सम्झिएँ एकपटक-
बिर्सिसकेको प्रियाका छुनछुने धुनहरु
नेपथ्यमा बाबाको ख्वाक्क खुक्क
र आमाका आदेशहरु 
 
अहो ! 
हरीयो पासपोर्ट बोकेर
सपना साट्न मुग्लान पसेको पनि
दस वर्ष पुगिसकेछ ।

प्रतिक्रिया दिनुहोस

सम्बन्धित सामग्रीहरु

  • ‘ओ नायक !’ को विमोचनसँगै कविता विमर्ष

    काठमाडौं, माघ ६ – अहिलेको सन्दर्भमा भानुभक्त फेल भैसकेको बताउँदै मुकारुङले भुपी सेरचनका केही कविता अहिले मनोज गजुरेलका ठट्टा जस्ता लाग्ने बताए ।

  • ‘न्यूरोड ग्याङ’ द्वारा नयनराजको ‘यार’ विमोचन

    काठमाडौं, पुस २९ –साहित्यकार नयनराज पाण्डे संस्मरणात्मक पुस्तक ‘यार’ लिएर पाठकमाझ आएका छन् ।

  • स्रष्टा सम्मानित

    भक्तपुर, पुस २४ – भक्तपुर साहित्यिक समाजको १९ औँ स्थापना दिवसको अवसरमा तीन जना स्रष्टालाई सम्मान गरेको छ ।

  • हैसियत (कथा)

    एकछिन उ घोरियो - कुनै भाउँतो आइलाग्ला भनेर पो हो कि हाकिमसाबले मोबाइल नउठाएको, ल्यान्डलाइन फोनमा म्याडमलाई बोल्न लगाएको ! कि बुढाले वर्ग विभाजनको रेखा ख्याल गर्न थाले !

  • अग्लो बौद्धिक उचाइ

    चिउँडा वरिपरि झुस्स दारी राखी छाड्ने, प्रायः काँधमा सानो ब्याग बोक्ने, हँसिलो अनुहारका टङ्क न्यौपाने...

सबै हेर्नुहोस
Skill Training
पछिल्ला समाचारहरु

सोसल मिडिया