MENU

साहित्य/ कला

Ncell Axiata

​‘ह्यारी पोटर’ लेखिकाले मागिन् माफी

साउन १७ – ‘ह्यारी पोटर’ लेखिका जेके रोलिङले केही दिन अघि गरेको ट्वीटको आलोचना भएपछि माफी माग्नुभएको छ । 

उहाँले केही दिन अघि एउटा कार्यक्रममा ह्विलचेयरमा बसेका एकजना बालकले हात बढाउँदा अमेरिकी राष्ट्रपति डोनाल्ड ट्रम्पले बेवास्ता गरेको भन्दै ट्वीटमार्फत आलोचना गर्नुभएको थियो । 

जुलाई २४ मा भएको हेल्थकेयरसम्बन्धी कार्यक्रमको पत्रकार सम्मेलनमा ट्रम्पले बालकलाई बेवास्ता गरेको जस्तो देखिन्छ । त्यसैलाई आधार बनाएर रोलिङले ट्रम्पलाई ‘अहंकारको पर्याय’ भन्दै ट्वीट गर्नुभएको थियो । तर ट्रम्प कार्यक्रममा प्रवेश गर्ने बेलामा नै बालकलाई अभिवादन गरेको र थोरै कुराकानी गरेको भिडियोमा देखिएपछि रोलिङको तिब्र आलोचना भएको थियो । 

रोलिङले आफूले स्पस्ट रुपमा भिडियो नदेखेको भन्दै आफू फरक क्षमता भएका व्यक्तिहरुप्रति अत्यन्तै संवेदनशील भएकाले छिटो ट्वीट गर्न पुगेको बताउनुभएको छ । उहाँले पहिले गर्नुभएको ट्वीट हटाउनुभएको छ । 

तर उहाँको माफी बालक र बालकको परिवारप्रति मात्रै लक्षित छ । १ करोड १० लाख ट्वीटर फ्लोअर्स भएकी रोलिङले ट्रम्प प्रशासनको आलोचना गर्दै आउनुभएको छ । पूर्ण रुपमा भिडियो नहेरी ट्रम्पको आलोचना गरेको भन्दै रोलिङको आलोचना भएको थियो । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया