MENU

विज्ञान प्रविधि

Ncell Axiata

पार्किन्सनको उपचारमा नयाँ सम्भावना : फैलिनबाट रोक्न सकिने

साउन २१ – पार्किन्सन रोग फैलिनबाट रोक्न सकिने एक अध्ययनले देखाएको छ । मधुमेह रोगको उपचारका लागि प्रयोग गरिने औषधिको प्रयोग गरेर पार्किन्सन रोग थप बिस्तार हुनबाट रोक्न सकिने देखिएको अनुसन्धानमा संलग्न वैज्ञानिकले बताएका छन् ।बेलायतको युनिर्भसिटी कलेज लण्डनका वैज्ञानिकले गरेको अनुसन्धानको क्रममा टाइप टू डाइबिटिजको औषधिबाट पार्किन्सनलाई रोक्न सकिने देखिएको हो । अहिले प्रयोग गरिएको औषधिबाट पार्किन्सनका लक्षणहरुलाई व्यवस्थापन अर्थात थप फैलिनबाट रोक्न सकिने ल्यानसेट जनर्लमा प्रकाशित अनुसन्धान प्रतिवेदनमा उल्लेख गरिएको छ ।

तर यसले मष्तिस्कका सेल (कोष) लाई मर्नबाट भने रोक्न सक्दैन । ६२ जनामा गरिएको अध्ययनको क्रममा औषधिले पार्किन्सन रोगलाई बिस्तार हुनबाट रोक्न सकिने संकेत मिलेको अनुसन्धानमा संलग्न प्राध्यापक टम फोल्टनीले बताउनुभयो ।

पार्किन्सनले मानिसको मष्तिस्कलाई तीब्र गतिमा निष्क्रिय बनाउँदै लैजान्छ । यस्तै यसले डोपामाइन हर्मोन उत्पादन गर्ने सेललाई पनि असर गर्छ । यसले गर्दा व्यक्तिमा विचलन आउने, हिँडडुलमा समस्या हुने र विस्तारै स्मरण क्षमता कम हुँदै जान्छ ।

अहिलेसम्म सेललाई मर्नबाट रोक्ने कुनै औषधि बनेको छैन । तर थेरापीबाट डोपामाइन हर्मोनको उत्पादनलाई भने केही बढाउन सकिन्छ । पछिल्लो अनुसन्धानले भने रोगलाई बिस्तार हुनबाट रोक्न सकिने संकेत मिलेको छ ।

यसमा थप अनुसन्धानको खाँचो रहेको र अहिले प्रयोग गरिरहेको टाइप टू डाइबिटिजको औषधिलाई थप प्रभावकारी बनाउन सके पार्किन्सनको उपचार पनि सम्भव हुन सक्ने देखिएको अनुसन्धानमा संलग्न वैज्ञानिकले बताएका छन् । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया