MENU

राजनीति

Ncell Axiata

बिमस्टेक बैठकमा के भने प्रधानमन्त्रीले ?

काठमाडौं, साउन २७ - प्रधानमन्त्री शेरबहादुर देउवाले शान्ति, प्रजातन्त्र, विकास र असल छिमेकीपनमा आतंकवाद सबैभन्दा ठूलो चुनौती बनेको बताउनुभएको छ । 

बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक) को १५ औँ मन्त्रीस्तरीय बैठकको बिहीबार उद्घाटन गर्दै प्रधानमन्त्री देउवाले आतंकवादका सबै रुपका प्रकटीकरणलाई नेपालले स्पष्ट रुपमा निन्दा गर्ने बताउनुभयो । 

प्रधानमन्त्री देउवाले समानता र सहकार्यको मर्मलाई आत्मसात् गर्दै सदस्य मुलुकको आर्थिक वृद्धि र सामाजिक समृद्धि संयुक्त रुपमा हासिल गर्ने उद्देश्यले स्थापना भएको बिमस्टेकका आदर्श र उद्देश्यप्रति नेपाल पूर्ण प्रतिबद्ध रहेको बताउँदै भन्नुभयो, ‘बिमस्टेक मुलुकका जनतासँग हामी वाचा गरौँ कि क्षेत्रीय सहयोगको ढाँचा र यसका प्रमुख विषयमा समझदारी कायम गर्दै व्यापार, लगानी, सम्पर्क विस्तार जस्ता सबै क्षेत्रमा निर्णयमा पुगौँ र ऊर्जा, प्रविधि स्रोत र जलवायु परिवर्तनसम्बन्धी बाँकी रहेका कार्यलाई पूर्णरुपमा कार्यान्वयनमा लैजाऔँ ।’ 

बिमस्टेक स्थापनाको २० औँ वार्षिकोत्सवका सन्दर्भमा यो अवसरलाई परिवर्तनको विन्दुका रुपमा लिँदै बिमस्टेकको इतिहासलाई गतिशील तुल्याउन जरुरी भएको विचार व्यक्त गर्दै प्रधानमन्त्री देउवाले साझा प्रतिबद्धता र सहकार्यका निम्ति अग्रसर हुनुको विकल्प नरहेको बताउनुभयो । उहाँले भन्नुभयो, ‘विकासका निम्ति दूरदृष्टियुक्त कार्ययोजना चाहिन्छ । हामी अवसर र चुनौती जटिलता र विरोधाभाषको युगमा छौँ, हाम्रा साझा उद्देश्य र लक्ष्य प्राप्तिका निम्ति सहयोग, साझेदारी र सहकार्यको मार्गमा गम्भीर रुपमा लाग्नुपर्छ ।’ 

आर्थिक वृद्धि र समृद्धिको मार्गमा गरिबी भीषण चुनौतीका रुपमा रहेको बताउँदै उहाँले बिमस्टेक क्षेत्रका जनताको सम्मानपूर्वक बाँच्न पाउने अधिकारका लागि सबैले सामूहिक एवं निर्णायक रुपमा काम गर्नुपर्ने औँल्याउनुभयो । 

जलवायु परिवर्तन र प्राकृतिक विपत्तिले हाम्रो अस्तित्वमा गम्भीर खतरा सिर्जना गरेको बताउँदै प्रधानमन्त्री देउवाले दैवीविपत्तिको जोखिममा नेपाल रहेको पुष्टि सन् २०१५ को भूकम्पले गरेको छ भन्दै जलवायु परिवर्तनका कठोर परिणामले पनि नेपाललाई गाँजेको बताउनुभयो । उहाँले यी सबै किसिमका चुनौतीको सामना गर्न सदस्य मुलुकबीच सुदृढ एवं सबल सहकार्य अपरिहार्य भएको बताउनुभयो । 

प्राकृतिक स्रोतसाधनको उपयोगले समृद्धि हासिल : महरा

समारोहमा उप्रधानमन्त्री कृष्णबहादुर महराले साझा प्रयास र अद्वितीय संगठनका रुपमा रहेको बिमस्टेक क्षेत्रमा प्राकृतिक स्रोतसाधनको उपयोगले समृद्धि हासिल हुने धारणा राख्नुभयो । व्यापार, लगानी, ऊर्जा, प्रविधिको उपयोगले सामाजिक आर्थिक रुपान्तरणका लागि बिमस्टेकको बीसवर्षे यात्रामा मिश्रित उपलब्धि हासिल भएको बताउँदै परराष्ट्रमन्त्री महराले व्यापारको वृद्धि नै विकासोन्मुख मुलुकको आर्थिक विकासको इन्जिन हो भन्नुभयो । 

बिमस्टेकका महासचिव सुमित नाकालान्दाले सहयोगका ६ क्षेत्रबाट सुरु भएको बिमस्टेक १४ क्षेत्रमा विस्तार भएको अवगत गराउँदै बिमस्टेकको स्थायी सचिवालय स्थापना हुनु संस्थागत उपलब्धि हो भन्नुभयो । 

परराष्ट्र सचिव शंकरदास वैरागीले विभिन्न चरणका छलफलपछि नेपालले यो महत्वपूर्ण सम्मेलन गर्न पाउनु नेपालका लागि गौरवको विषय बनेको बताउँदै सबैलाई धन्यवाद दिनुभयो । व्यापार, लगानी, उद्योग, प्रविधि, मानव संसाधन, पर्यटन, कृषि, पूर्वाधार र यातायातजस्ता क्षेत्रमा सहायता परियोजना कार्यान्वयन गरी सदस्य मुलुकको द्रुत आर्थिक विकासका निम्ति २० वर्षअघि बिमस्टेक स्थापना भएको हो । रासस 

प्रतिक्रिया दिनुहोस

सम्बन्धित सामग्रीहरु

  • नुवाकोटमा ५७ जनाको उम्मेदवारी

    नवदीप अजनबी/उज्यालो । नुवाकोट, कात्तिक ५ - मंसिर १० गते हुने प्रतिनिधिसभा तथा प्रदेशसभा चुनावको लागि नुवाकोटमा नेपाली कांग्रेस, नेकपा एमाले र नेकपा माओवादी केन्द्रसहित विभिन्न राजनीतिक दलबाट उम्मेदवारी दर्ता गरेका छन् ।

  • म्याग्दीमा लोकतान्त्रिक र बाम गठबन्धन दलद्वारा उम्मेदवारी दर्ता

    प्रताप बानियाँ/उज्यालो । म्याग्दी, कात्तिक ५ –म्याग्दीमा लोकतान्त्रिक र वाम गठबन्धन दलद्वारा उम्मेदवारी दर्ता भएको छ । प्रतिनिधिसभा चुनावमा लोकतान्त्रिक गठबन्धनबाट नेपाली कांग्रेसका खमबहादुर गर्बुजा र बाम गठबन्धनबाट नेकपा एमालेका भूपेन्द्र थापाले उम्मेदवारी दर्ता गर्नुभएको हो ।

  • कहाँ कसले गरे मनोनयन दर्ता ?

    प्रतिनिधिसभा र प्रदेशसभाको पहिलो चरणको चुनावका लागि उम्मेदवारको मनोनयन दर्ता भएको छ । हिमाली तथा उच्च पहाडी भेगका ३२ जिल्लाका प्रतिनिधिसभाका ३७ र प्रदेशसभाका ७४ वटा निर्वाचन क्षेत्रमा मनोनयन दर्ता भएको हो ।

  • प्रत्यक्षतर्फ छुट्टाछुट्टै मतपत्र छाप्ने विषयमा छलफल गर्न आयोगद्वारा समिति गठन

    काठमाडौं, कात्तिक ५ – निर्वाचन आयोगले प्रतिनिधिसभा र प्रतिनिधिसभा चुनावको प्रत्यक्षतर्फ छुट्टाछुट्टै मतपत्र छाप्ने विषयमा छलफल गर्न समिति गठन गरेको छ ।

  • दार्चुलामा उम्मेदवार को को ?

    दार्चुला, कात्तिक ५ – दार्चुलामा वाम गठबन्धन र नेपाली कांग्रेसले जुलुससहित उम्मेदवार मनोनयन गराएका हुन् । वाम गठबन्धनका तर्फबाट प्रतिनिधिसभाका लागि नेकपा एमालेका केन्द्रीय सदस्य एवं निर्वतमान सांसद गणेशसिंह ठगुन्नाले उम्मेदवारी मनोनयन दर्ता गराउनुभएको छ ।

सबै हेर्नुहोस
Joktantra
पछिल्ला समाचारहरु

सोसल मिडिया