MENU

बातावरण-कृषि

Ncell Axiata

ब्याउन नसकेर मर्न थाले भैँसी

बैतडी, साउन २७ – बैतडीको शिबनाथ गाँउपालिका वडानम्बर ५ मा भैँसी ब्याउन नसकेर मर्न थालेका छन् । भैँसी ब्याउने बेलामा पाठेघर नै बाहिर निस्कँदा भैँसी मर्न थालेको स्थानीय बासिन्दा गम्भीर दयालले बताउनुभयो । 

यस्तै समस्याले गणेश पन्तको पनि एउटा भैँसी मरेको छ । जनक सिंह धनाडीको भैँसीको पनि पठोघर बाहिर निस्केकाले ब्याउन नसकेको उहाँले बताउनुभयो । 

यस्तै वडानम्बर ४ मा पनि तीन वटा भैँसीमा यस्तै समस्या देखिएको दयालले बताउनुभयो । ब्याउन नसकेर भैँसी मर्न थालेपछि किसान भने चिन्तित बनेका छन् । 

वडानम्बर ५ मा भैँसीमा यस्तो समस्या रहेको खबर पसु सेवा इकाई कार्यलय मेलौलीलाई जानकारी गराउँदा पनि सुनुवाइ नगरेको किसानले बताएका छन् । यता इकाई पशुसेवा कार्यालय मेलौलीले भने आफूहरुलाई यो सम्बन्धी कुनै जानकारी नआएको जनाएको छ । 

भैँसी ब्याउन नसकेर पाठेघर बाहिर आउनु कुनै पनि महामारी रोग नभएको इकाई पशुसेवा कार्यालय मेलौलीका नारायणदत्त भट्टले बताउनुभयो । भैँसीलाई कुपोषण हुँदा, ब्याउने समयमा खोले, घाँस बढी खुवाउँदा पनि यस्तो समस्या हुने उहाँको भनाई छ ।

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Nepali Migrant Women Story
Job Vacancy
पछिल्ला समाचारहरु

सोसल मिडिया