MENU

समाज

Ncell Axiata

युएईमा नेपालीलाई नचाए बद्री र प्रियाले

उमाकान्त पाण्डे/उज्यालो ।

युएई, साउन  २८ – आबुधाबीको ब्यस्त ठाउँ हो बस टर्मिनल ।  यो नेपालीहरुको जमघट हुने ठाउँ पनि हो । यसैको छेवैमा रहेको अबुधबी फल्क थिएटरमा शनिवार गाउँमा बच्ने तीजका गीत, रातो साडी र चुरापोतेमा सजिएका महिलाको उपस्थितीले गाउँकै झल्को दिन्थ्यो ।
 
६ सय भन्दा बढी नेपाली महिला यो थिएटरमा जुटेका थिए । हातमा मेहेन्दी , कम्मरमा पटुकी , रातो र हरियो साडीमा को भन्दा को कम भने झैं देखिए ।  त्यसो त कम्मरै भाच्ने र रमाइलो गर्नेमा महिला मात्रै थिएनन । पुरुषहरुले पनि तालिमा तालि  मिलाईरहेका थिए । यो दृश्य प्रवासी मन्च आबुधाबी राज्य कमिटीले शनिबार गरेको तीज विशेष कार्यक्रमको हो ।
युएईमा कार्यरत स्थानीय नेपाली कलाकार दिपक(दिपा) गुरुङ, कृतिका लामा , ममता गुरुङ लगायतको नृत्य, विक्रम परियार, लेखनाथ न्यौपाने लगायतले गीत गाएर सुनमा सुगन्ध भरेका थिए । कार्यक्रममा चर्चित लोक गायक बद्री पङगेनी र गायिका प्रिया भन्डारीको प्रस्तुतीले थिएटरमा उपस्थित सबैलाई नचायो । 
तीज आउन दुई साता बाँकी भएपनि परदेशमा चाड मनाउन पाएकाले कम्पनीबाट बिदा मिलाएर आएको  मोरङको उर्लाबारीकी रमिता लुईटेलले बताउनुभयो । कार्यक्रममा प्रमुख अतिथी नेपाली दुतावास आबुधाबीका कार्यबाहक राजदूत नेत्र बहादुर टण्डन सहित अन्य अधिकारी पनि सहभागी भए । 
 
 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया