MENU

समाज

Ncell Axiata

पत्रकार महासंघको महाधिवेशनको तयारी अन्तिम चरणमा

काठमाडौं, साउन २९ – नेपाल पत्रकार महासङ्घले आफ्नो २५ औँ महाधिवेशनको तयारी लगभग पूरा भएको जनाएको छ । आउँदो भदौ ४ र ५ गते ‘व्यावसायिक पत्रकारिताको आधार, प्रेस स्वतन्त्रता र श्रम अधिकार’ भन्ने नाराका साथ काठमाडौंमा हुने महाधिवेशनको तयारी पूरा भएको महासङ्घका महासचिव उजिर मगरले जानकारी गराउनुभयो ।

महाधिवेशनले अध्यक्ष, दुईजना उपाध्यक्ष, महासचिव, ६ जना सचिव र कोषाध्यक्षसहित ४५ सदस्यीय नयाँ कार्यसमिति चयन गर्नेछ । यसपटकदेखि महासङ्घलाई संघीय संरचनामा नेतृत्व चयन हुने छ भने केन्द्रमा दलित, मधेशी सचिव थपिएको छ ।

सात प्रदेशसहित उपत्यका, प्रतिष्ठान र एशोसिएट गरी १० वटा कमिटिको नयाँ नेतृत्व पनि महाधिवेशनले चयन गर्नेछ । हरेकबाट दुईजना केन्द्रीय सदस्य रहने व्यवस्था गरिएको छ । महाधिवेशनको निम्ति नौ विभिन्न उपसमितिले तयारी पूरा गरेका छन् ।

महाधिवेशनमा झण्डै एक हजार ५ सय प्रतिनिधि सहभागी हुनेछन् । काठमाडौं बाहिरबाट आउने झण्डै एक हजार प्रतिनिधिलाई खान र बस्नका लागि सुन्धारा, बागबजार, सोह्रखुट्टेका झण्डै ३०० होटेल बुकिङ गरिएको उहाँले जानकारी गराउनुभयो । पत्रकार महासङ्घमा झण्डै १० हजार पत्रकार आबद्ध छन् । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया