MENU

समाज

Ncell Axiata

दाउन्ने सडकखण्ड अझै अबरुद्ध

नवलपरासी, साउन २९ – पहिरोका कारण अबरुद्ध पूर्व–पश्चिम राजमार्गअन्तर्गत नवलपरासीको दाउन्ने सडकखण्ड अझैसम्म खुल्न सकेको छैन । दाउन्ने क्षेत्रमा शुक्रबार रातिदेखि लगातार रुपमा पहिरो खसेको र शनिबार दाउन्ने सडकखण्डअन्तर्गत एस मोड क्षेत्रमा सडकका केही भाग भासिएपछि सडक अबरुद्ध छ । 

भासिएको सडकमा बाटो खोल्ने काम भइरहेको छ, वर्षाका कारण काम गर्न कठिनाइ छ । त्यही क्षेत्रमा पहिरो खस्ने क्रम पनि निरन्तर जारी छ, नवलपरासीका प्रमुख जिल्ला अधिकारी उदयबहादुर राना मगरले बताउनुभयो । 

सवारी आवतजावत पूर्णरुपमा बन्द भएको छ । स्थानीय प्रशासनले यात्रुलाई वैकल्पिक बाटो अपनाउन आग्रह गरिसकेको छ । सडक सञ्चालन हुने निश्चित छैन । सडकमा पहिरो पन्छाउने र नयाँ बाटो खोल्ने काम जारी छ, यद्यपी पहिरो आउने क्रम नरोकिँदा झन समस्या भएको प्रजिअ राना मगरले जानकारी दिनुभयो । 

सडक भासिनुका साथै विभिन्न स्थानमा पहिरो खसिरहँदा आइतबार बेलुकासम्म गडी चलाउने सम्भावना अनिश्चित भएको छ । वर्षा रोकियो र पहिरो खस्ने क्रम रोकियो भने सडक सञ्चालन हुन सक्छ । 

दाउन्ने आसपासका कम्तीमा १० ठाउँमा सानासाना पहिरो खसेको र घिउखोलामा पनि पहिरो खसेको छ । अहिले डोजर र एक्साभेटरमार्फत पहिरो पन्छाउने काम भइरहेको छ । पहिरो पन्छाउँदै जाने तर खस्नेक्रम नरोकिएकाले सडक सञ्चालनमा कठिनाइ भइरहेको प्रहरीले जनाएको छ । रासस 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया