MENU

विचार/अनुभूति

ujyaalo forign call inside

जसको पसिना गन्हाउँछ, उसलाई थाहा हुँदैन

डा. सबिना भट्टराई – 

गर्मी याममा शरीरमा पसिना आउनु नराम्रो कुरा होइन । यसले शरीरलाई शान्त राख्न तथा शरीरको तापक्रम घटाउन मद्दत गर्छ । एक हिसाबले शरीर संरक्षणको लागि सुरक्षात्मक संयन्त्र पनि हो ।

पसिना आयो भने शरीरलाई शितल हुन्छ, तर धेरै पसिना आयो भने रोग लाग्छ । यसलाई हाइपर हाइड्रोसिस् भनिन्छ ।

पसिना आउने अवस्था

  • धेरै गर्मी भयो भने 
  • नसाको समस्या भएको, चिन्ता लागेमा
  • डर लागेमा
  • वंशाणु समस्या

पसिना पानी जस्तै हो, रंगरहित, गन्ध रहित,  तर यसमा जब किटाणुको संक्रमण हुन्छ तब यो समस्याको रुपमा विकसित हुन्छ । 

किन गन्हाउँछ पसिना ?

पसिना शरीरको सबै भागमा आउँछ तर शरीरका कुनै कुनै अंगमा मात्र गन्हाउँछ । खुट्टाको काप, काखी, कास जस्ता ठाउँ बढी गुम्सने भएकोले फङ्गसको संक्रमण हुने हुन्छ । पसिना सुक्न पाउँदैन र गन्हाउँछ । पसिना गन्हाउने समस्या जसलाई हुन्छ, त्यो मान्छेलाई थाहा हुँदैन ।

पसिनाको गन्धले वरपर बसेका मानिसलाई सकस हुन्छ, बेहोस होला जसरी गन्हाउँछ । तर जसको पसिना गन्हाउने समस्या छ, त्यो मानिसको नाकले गन्धलाई पचाईसकेको हुन्छ र थाहा पाउँदैन ।

पसिना गन्हाउने समस्याको समाधानका लागि सँगैको साथीको मुख्य भूमिका हुन्छ, आफ्नो साथीको पसिना गन्हाएको छ भनेर भनिदिनु पहिलो उपचार हो । पसिना गन्हाउने प्रमुख कारण भनेको सरसफाईको कमी हो ।

पसिना आउँदा के गर्ने त ?

  • दिनहुँ लुगा फेर्ने । 
  • दिनहुँ नुहाउने ।
  • दिनहुँ जुत्ता, मोजा फेर्ने ।
  • लुगा, जुत्ता घाममा सुकाउने ।
  • पसिना सोस्ने खालका लुगा जस्तै सुतीको कपडा लगाउने ।
  • पानी प्रशस्त पिउने ।
  • शरीरको तापक्रम कम गर्ने उपाय अपनाउने ।
  • शरीरलाई सुख्खा राख्न पाउडर लगाउने ।
  • पसिनाको गन्ध नआओस् भन्नको लागि डियोड्रेन लगाउने ।
  • फिटकिरीको प्रयोगले संक्रमणलाई रोक्न मद्दत गर्छ  ।
  • चिकित्सकको सल्लाह लिन जरुरी छ ।

पसिनालाई स्थायी रुपमा नै हटाउन सकिन्न । त्यसको लागि पसिना उत्पादन गर्ने नशालाई नै निकालेर फाल्नु पर्छ यो ठूलो शल्यक्रिया हो । अस्थायी रुपमा आइनाटोफोरोसिस, अर्थात करेन्टको माध्यम तथा बोटक्स इन्जेक्सन दिएर यो समस्या समाधान गर्न सकिन्छ ।

पसिना आएमा मानिसलाई आत्मबल कम हुन्छ । यसले लुगामा दाग देखिने हुँदा समस्या हुन सक्छ । पसिना आउनु समस्या होइन तर धेरै आएर गन्हाउनु समस्या हो ।

(काठमाडौं मेडिकल कलेजकी छाला, यौन तथा सौन्दर्य विशेषज्ञ डा. सबिना भट्टराईसँग सुजाता खत्रीले गरेको कुराकानीमा आधारित)

 

Mitsubishi

प्रतिक्रिया दिनुहोस

सम्बन्धित सामग्रीहरु

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

  • सरकारका सय दिन : कुरा ठूला, खुट्टा लुला !

    कम्तीमा पनि सरकारले बितेका सय दिनमा सडकका खाल्डाखुल्डी पुर्न सक्थ्यो । काम भैरहेका ठाउँमा धुलो कम गर्न ठेकदारलाई बाध्य पार्न सक्थ्यो । काठमाडौंबाट नागढुंगा पुुग्ने, हेटौडा जाने जस्ता सयौं असजिला सडकलाई गिटी हालेर वा माटो पेलेर सहज बनाउन सक्थ्यो ।

  • ​कोरियामा धन देखेर मन हराएकाहरु

    हिजोआज दक्षिण कोरियामा रहेका नेपालीमाझ सामाजिक सञ्जालमार्फत नेपालीले नेपालीमाथि गरेको अमानवीय दुव्र्यवहारको चर्चा एकाएक चुलिएको छ ।

  • मुख्यमन्त्री शेरधन राईलाई खुल्ला पत्र

    सबैलाई एकजुट बनाउनुस् जनता छन् जागेका, हेर्न मन छ मिक्लाजुङ चढ्न पर्यटक ताँती लागेका । सुनसरीमा खेती सनपाट र केराको, खान पाइयोस् चामल डिहिटार र सेराको । लेगुवाका माछा गुद्रीमा बिकुन्, प्रदेश हाम्रो हेरी अरुले सिकुन् ।

  • ​कम्युनिष्ट मन्त्रीको सम्पत्तिमा दम्पती विवरण !

    हुन त उनी दाइजोका कट्टर विरोधी हुन् । बिहे पनि जनवादी ढंगले भएको हो । प्रगतिशील मान्छेको जनवादी बिहेमा दाइजो आउने कुरा भएन । तर बिहेको दिन नआएर के भयो ! श्रीमतीकै बाआमाले दाइजो दिनुपर्छ भन्ने के छ ? यो त परम्परावादी सोच भयो ।

सबै हेर्नुहोस
Skill Training
पछिल्ला समाचारहरु

सोसल मिडिया