MENU

विचार/अनुभूति

Ncell Axiata
sagun

​ बाढी प्रभावित क्षेत्रमा रोगको महामारी देखिँदैछ, यसरी सजगता अपनाऔं

डा. शेरबहादुर पुन –

विश्वमा प्राकृतिक प्रकोप पछि सधै स्वास्थ महामारी हुने गरेको देखिन्छ । र त्यसको सम्भावना उच्च हुने गर्छ । अहिले दैनिक जसो बाढी पहिरो गएका ठाउँबाट झाडापखाला, श्वासप्रश्वास र ज्वरोका बिरामी बढिरहेको भन्ने समाचार आइरहेका छन् । यसले महामारीको संकेत गर्दैछ ।

नेपाल सधै प्राकृतिक प्रकोपको चपेटामा पर्ने गर्छ । नेपालमा हरेक वर्ष बाढी पहिरो जाने गर्छ । तर सधै प्रकोप भैसकेपछि मात्र हामी उद्धारमा सक्रिय हुन्छौ । नेपालको पूर्वदेखि पश्चिम तराई सम्म बाढी र डुवानको चपेटामा छ । दैनिकी सामान्यकरणसँगै अर्को ठुलो चुनौती भनेको स्वास्थ समस्या देखिएको छ ।

तत्काल र केही महिनाको अन्तरालमा गरी दुई पटक सरुवा रोगहरुको प्रकोप देखिने प्रबल सम्भावना देखिन्छ । यसै पनि हाल गर्मी र मनसुनको समयमा विभिन्न खाले सरुवा रोगहरु देखिने गर्दछ । बाढी पहिरोले गर्दा यो सम्भावना अझ बढाउने छ ।  

तत्काल देखिने सरुवा रोगहरु

१) झाडापखाला 
२) आँउ
३) हैजा 
४) टाइफाइड
५) जन्डिस 
५) लेप्तोइसपाईरोसिस
६) सिजनल फ्लु 

केही हप्ता वा महिनापछि देखिने सक्ने रोगहरु

१) मलेरिया 
२) डेंगु 
३) चिकनगुनिया
४) जापानी एन्सेफालाईटिस
५) वेस्ट नाइल भाइरस
६) स्कर्ब टाइफस 
७) क्षयरोग (टी.बी)     
सर्पदंशको समस्या भने अहिले र पछि पनि रहन सक्छ ।  

बाढी प्रभावित क्षेत्रमा स्वास्थ्य योजना बनाउँदा उल्लेखित समय अवधिलाई, खासगरी तत्कालिन र केही महिना पछि देखिने सक्ने रोगहरुको  सम्भावनालाई  ध्यानमा राखेर गर्दा उपचार र रोग नियन्त्रण अझ प्रभावकारी हुनेछ ।    

यी रोगहरुबाट बच्ने उपायहरु रहे पनि तत्कालको लागि बाढी पिडित पूर्ववत स्थितिमा वा सामान्य जीवनमा नफर्केसम्म नेपाल सरकार वा सहयोगी सस्थाहरुले नै जिम्मेवारी लिनु पर्दछ । बच्ने उपायहरु त जहाँ सामान्य दैनिकी चलेको छ त्यहाँ उपयुक्त हुन् सक्दछ तर  बाढी पिडितहरुसँग पानी उमालेर वा, फिल्टर गरेर वा राम्रोसँग पकाएर खान दाउरा वा ग्यास उपलव्ध हुँदैन ।

काँचो खानेकुरा राम्रोसँग पखालेर खान सफा पानी पनि हुँदैन । अझ भनौ नेपाल सरकारको सन्देशमूलक जानकारीहरु तत्कालको लागि व्यावहारिक देखिँदैन यद्यपी यी  जनचेतनामूलक सन्देशहरु सामान्य जीवनमा फर्केपछि भने उपयुक्त हुन् सक्दछ ।   

(डा. पुन शुक्रराज ट्रोपिकल तथा सरुवा रोग अस्पतालको क्लिनिकल रिसर्च युनिटका संयोजक हुनुहुन्छ ।)

प्रतिक्रिया दिनुहोस

सम्बन्धित सामग्रीहरु

  • ​केटा र केटीबीच विवाह कसरी जुराइन्छ ?

    ज्योतिष शास्त्रमा बिभिन्न कुराहरुको वर्णन गरिएको छ । हिन्दु धर्मशास्त्रहरुका अनुसार कुनै पनि केटा र केटीको विवाह गर्दा सम्बन्ध राम्रो हुन्छ कि हुँदैन भन्ने विचार गर्नुपर्छ । यस कुराको विचार ज्योतिष गणनाको आधारमा हुने गर्छ । कसरी केटा वा केटीको विवाह जुर्छ जुर्दैन थाहा पाउने गरिन्छ त ?

  • कुर्सी नपाउँदासम्म कुकुर बिरालालाई पनि ढोग्छन्, कुर्सीमा पुगेपछि मान्छे नै चिन्दैनन्

    घर झापा विर्ता शनिश्चरे हो । तर काठमाडौं बसेकै ११ वर्ष भैसक्यो । बानेश्वरमा सिलाईको काम गर्दै आएकी छु । झापाको भन्दा काठमाडौंको समस्या बढी देख्छु म त । मेलम्चीको पानी ल्याउँछु भनेको यतिका भैसक्यो आएको छैन । बाटोमा धुलोधुवाँले हिँडिसक्नु छैन ।

  • बम पड्काउनेले बुझ्न नसकेको यथार्थ

    देश चुनावको मुखमा छ । नेता, कार्यकर्तादेखि आमनागरिकलाई चुनाव लागेको छ । दलहरुको घोषणापत्र र नेताहरुले भाषणमा भनेजस्तो देशले छिटै काँचुली फेर्छ भन्नेमा नागरिकलाई विश्वास त छैन, तर चुनावले लामो समयदेखिको संक्रमणकाल अन्त्य गर्छ भन्ने आशा चाहिँ सबैमा छ ।

  • घर कुन दिशामा फर्केको राम्रो ?

    वास्तुशास्त्र अनुसार विभिन्न दिशाहरुको विभिन्न स्वभावहरु छन् । दिशाहरुको स्वभाव अनुसारका संरचनाहरु त्यस दिशामा बनाउनु राम्रो मानिन्छ । पूर्व दिशाबाट सूर्योदय हुने भएकाले यस दिशाबाट निकै राम्रो उर्जाहरु आउने मान्यता रहेको छ ।

  • तपाई मधुमेहको बिरामी हुनुहुन्छ ? भान्छामा छुट्टै खाना बनाउनु पर्दैन

    हिजोआज मानिस हिँड्न छाडे । विकासले जहाँतहाँ बाटो खुल्दा हिँडेर जाने ठाउँमा सवारी साधन प्रयोग हुन थाले । डेरीमा जाँदा क्यान र मान्छेलाई मोटरसाइकलले लैजान्छ । बसको प्रयोग हुन्छ । गाउँ गाउँमा चाउमिन, चाउचाउ, आलु चिप्स, तारेका खानेकुरा पुगे ।

सबै हेर्नुहोस
Joktantra
पछिल्ला समाचारहरु

सोसल मिडिया