MENU

बातावरण-कृषि

Ncell Axiata
NIC Asia

मध्यरातमा सबैलाई तर्साउनेगरी चट्याङ पर्नुको कारण के ?

काठमाडौं, भदौ १५ – काठमाडौं उपत्यका सहित देशका धेरै ठाउँमा बुधबार राति ठूलो चट्याङ परेको छ । सुतिरहेको बेला ठूलो आवाजसहित चट्याङ पर्दा धेरैजना डराए । बिहान भएपछि पनि चट्याङकै बारेमा कुरा भैरहेको छ । 

मनसुनको बेला यसरी ठूलो चट्याङ पर्ने घटना कम मात्रै हुने गर्छ । कसैकसैले त बुधबार रातिको चट्याङ निकै डरलाग्दो भएको बताएका छन् । मौसमविदका अनुसार कमजोर देखिएको मनसुन सक्रिय भएकाले चट्याङ परेको हो । 

मनसुन कमजोर हुँदा पानी कम परेपछि जमिन तात्ने र फेरि सक्रिय हुँदा तातेको जमिनबाट निस्किएको जलवाष्पयुक्त हावा प्रशस्त मात्रामा शक्ति लिएर वायुमण्डलमा धेरै माथि पुग्ने र त्यसलाई सहयोग गर्ने अरु जलवाष्पयुक्त हावा एक आपसमा ठोक्किँदा चट्याङ पर्ने मौसमविद् सुवास रिमालले बताउनुभयो । 

उहाँका अनुसार मनसुन सकिन लाग्दा यस्तो हुनु स्वभाविक हो । मध्य मनसुनमा स्थानीय स्तरमा बादल बन्ने क्रम कम हुने भएपनि मनसुनको अन्त्यतिर स्थानीय स्तरमा बनेको बादलको प्रभावले पनि चट्याङ पर्ने उहाँले जानकारी दिनुभयो । 

उहाँका अनुसार अबको केही दिन बुधबार रातिको जस्तो ठूलो गर्जन नभएपनि मेघगर्जन सहित पानी पर्नेछ । सामान्यतया नेपालमा जुन १० देखि सेप्टेम्बर २३ तारिखसम्म मनसुन सक्रिय रहन्छ । अब झण्डै एक महिना मात्र मनसुनी समय रहेकाले मनसुन सक्रिय हुँदै कमजोर हुने मौसमविद्ले अनुमान गरेका छन् । मनसुन कमजोर हुँदै सक्रिय हुँदा मेघगर्जन सहित पानी पर्ने मौसमविद् सुवास रिमालले बताउनुभयो । 

 

प्रतिक्रिया दिनुहोस

सम्बन्धित सामग्रीहरु

  • वर्षा नहुँदा गहुँ छर्न समस्या

    बैतडी, मंसिर २१ – आकाशे पानीको भरमा खेती गर्दै आएका बैतडीका किसानले अहिलेसम्म वर्षा नहुँदा गहुँ छर्न पाएका छैनन् ।

  • आज कहाँ पानी पर्ने सम्भावना, कहाँ पर्दैन ?

    काठमाडौं, मंसिर २१ – देशका एक दुई ठाउँमा बिहीबार फाट्टफुट्ट पानी पर्ने मौसमविदले अनुमान गरेका छन् । भारतको गुजरात नजिकै अरब सागरमा बनेको सामुन्द्रिक चक्रवात ओकी को प्रभावले पश्चिममा र बंगालको खाडीमा बनेको न्यूनचापिय क्षेत्रको प्रभावले पूर्वका एक दुई ठाउँमा फाट्टफुट्ट पानी पर्ने संभावना रहेको मौसमविद् शान्ति कँडेलले जानकारी दिनुभयो ।

  • प्रकृति र वन्यजन्तु संरक्षणलाई पाठ्यक्रममा समावेश गर्न प्रभावकारी हुने :विज्ञ

    काठमाडौं मंसिर १९ – प्रकृति र वन्यजन्तु संरक्षणलाई पाठ्यक्रममा समावेश गर्न सकेमा वातावरण संरक्षण अभियान प्रभावकारी हुने विज्ञहरुले जनाएका छन् । प्रकृति र वन्यजन्तुका विषयलाई विद्यालय शिक्षासँग जोड्न सकिए संरक्षणमा प्रभावकारी नतिजा आउनेमा उनीहरुले जोड दिएका हुन् ।

  • हिउँ परेपछि बाजुराको जनजीवन कष्टकर

    बाजुरा, मंसिर १९ – बाजुरालगायत सुदूर पश्चिमका उच्च हिमाली जिल्लामा परेको हिमपातले चिसो बढाउँदा त्यस क्षेत्रको जनजीवन कष्टकर भएको छ ।

  • प्लाष्टिकजन्य फोहोरले समुद्री जीवन खतरामा

    मंसिर १९ – प्लाष्टिकजन्य फोहोरका कारण समुद्री जीवनमा खतरा बढ्दै गएको भन्दै संयुक्त राष्ट्रसंघले चेतावनी दिएको छ ।

सबै हेर्नुहोस
Joktantra
पछिल्ला समाचारहरु

सोसल मिडिया