MENU

बातावरण-कृषि

Ncell Axiata
sagun

गिद्ध रमाउने जटायु रेष्टुरेन्ट

नवलपरासी, भदौ २२ – ‘जटायु रेष्टुरेन्ट’ झट्ट सुन्दा कुनै खाना, खाजा खाने ठाउँ होला भनेर धेरैले अनुमान लगाउने गर्छन् । तर जटायु रेष्टुरेन्ट पुग्दा भने गिद्धहरु आफनो आहार (सिनो, मरेका जनावार ) खाइरहेका हुन्छन् । 

नवलपरासीको कावासोती नगरपालिका पिठौलीमा रहेको जटायु रेष्टुरेन्ट कुनै मानिसका लागि नभै लोप हुने अवस्थामा पुगेका गिद्धको संरक्षणका लागि खोलिएको हो । यहाँ गिद्धको आहारका लागि बुढा गाई पालिएको छ । गाई मरेपछि त्यसको छाला काडेर छाडेपछि गिद्धहरु त्यसलाई आफ्नो आहार बनाउने गर्दछन् ।

सन् २००६ मा नवलपरासीको पिठौली अहिलेको कावासोती नगरपालिका–१३ मा नेपाल पंछी संरक्षण संघको सहयोगमा यसको स्थापना गरिएको हो ।

पशुको उपचारमा प्रयोग गरिने डाइक्लोफेनेक औषधिका कारण गिद्ध लोप हुन थालेपछि संरक्षणका लागि जटायु रेष्टुरेन्ट स्थापना गरेर गिद्ध संरक्षण थालिएको हो । डाइक्लोफेनेक औषधिका कारण गिद्ध संकटमा परेको पत्ता लागेपछि योे औषधिको उत्पादन, वितरण र प्रयोगमा रोक लगाइएको छ ।

नवलपरासीको पिठौलीमा जटायु रेष्टुरेन्टको स्थापनापछि यस क्षेत्रमा गिद्धको संख्या दोब्बरभन्दा बढिले बृद्धि भएको छ ।

जटायु रेष्टुरेन्टका संयोजक डिवी चौधरीले विश्वमा पाइने २३ प्रजातिका गिद्ध मध्ये ९ प्रजाति दक्षिण एसियामा पाइने र ती मध्ये ८ प्रजातिका गिद्ध पिठौलीमा पाइने गरेको बताउनुभयो ।

उहाँले पिठौलीमा पाइने ८ प्रजातिका गिद्ध मध्ये ४ प्रजातिका गिद्ध रैथाने गिद्ध भएको र ४ प्रजातिका गिद्ध आगन्तुक रहेको समेत बताउनुभयो ।

सन् २००६ मा यस क्षेत्रमा गरिएको गणना अनुसार ७ प्रजातिका ७२ वटा गिद्ध पाइएकोमा सन् २०११ मा गरिएको गणनामा यो संख्या बढेर १ सय ९७ सम्म पुगेको व्यवस्थापक डिवी चौधरीले बताउनु भयो ।

त्यस यता गिद्धको संख्या १ सय ९१ देखि १ सय ९७ सम्म रहेको उहाँले बताउनुभयो । यहि वैशाखमा चितवन राष्ट्रिय निकुञ्ज कसराको गिद्ध संरक्षण तथा प्रजनन् केन्द्रमा हुर्काइएका डंकर जातका ६ वटा गिद्ध पनि  यहाँ छाडिएको छ । अहिले ती गिद्धलाई रेखदेखका लागि जालीमा राखिएको छ । यि गिद्ध बाहिरका अन्य गिद्धसँग घुलमिल भएपछि छाडिने छ । 

 

प्रतिक्रिया दिनुहोस

सम्बन्धित सामग्रीहरु

  • बाढीले बगाएर भारत पगेका १० गैँडाको उद्धार

    चितवन, मंसिर ४ – चितवन राष्ट्रिय निकुञ्जबाट गएको साउनमा आएको बाढीले बगाएर भारत पुगेका १० वटा गैँडाको उद्धार गरिएको छ । पछिल्लो पटक भारतको पिप्रासीबाट एउटा गैँडाको उद्धार गरी सोमबार बिहान चितवन ल्याई सामुदायिक वनमा छाडिएको छ ।

  • कफी आयात र निर्यातमा कमी उत्पादनमा वृद्धि

    काठमाडौं, मंसिर १ – आज १३ औं राष्ट्रिय कफी दिवस : ‘आर्थिक सम्बृद्धिको लागि गुणस्तरीय कफी उत्पादन ! सरकारी, निजी र सहकारी क्षेत्रको राष्ट्रिय अभियान’ भन्ने नाराका साथ मनाइँदैछ ।

  • हिमाली जिल्लामा हिमपात सुरु, मतदान प्रभावित हुन सक्ने आशंका

    काठमाडौं, मंसिर १ – पश्चिमी भेगका हिमाली जिल्लामा हिमपात सुरु भएको छ । हुम्लामा शुक्रबार बिहानैदेखि हिमपात भइरहेको छ । सदरमुकाम सिमकोट र उत्तरी भेगका लिमी, मुचु खगालगाउँ, स्याँडा, हेप्का लगायतका क्षेत्रमा लगातार हिउँ परिरहेको हो ।

  • तिहारका फूलमाला उम्मेदवारका गलामा

    चितवनको क्षेत्र नं. ३ बाट उम्मेदवार बनेका नेकपा माओवादी केन्द्रका अध्यक्ष पुष्पकमल दाहाल प्रचण्ड अहिले घरदैलो अभियानमा हुनुहुन्छ । पञ्चेबाजासहित घरदैलो अभियान सुरु गरेका प्रचण्ड जुन घरमा पुग्नुहुन्छ, त्यही घरमा फूलमाला लगाएर स्वागत गर्नेको घुईंचो हुन्छ ।

  • चितवनमा अन्तर्राष्ट्रिय भैँसी विज्ञहरुको सम्मेलन सुरु

    चितवन, कात्तिक २९ – चितवनमा सौराहामा अन्तर्राष्ट्रिय भैँसी विज्ञहरुको सम्मेलन सुरु भएको छ । नेपालमा पहिलो पटक भएको यो सम्मेलनमा विभिन्न देशका भैँसी विज्ञहरुले सहभागिता रहेको छ ।

सबै हेर्नुहोस
Joktantra
पछिल्ला समाचारहरु

सोसल मिडिया