MENU

राजनीति

Ncell Axiata
sagun

आचारसंहिता उल्लंघनको घटना बढ्यो

काठमाडौं, भदौ २८ – चुनावको प्रचारप्रसारको क्रममा दल र उम्मेदवारले आचारसंहिताको धज्जी उडाउँदै ठूलठूला पचार्, पम्प्लेट, पोस्टर जताततै टाँसेर कुरुप बनाएका छन् । व्यानर, झण्डा र ठूलाठूला खम्बा, रुख र सडकको बिचबिचमा झुण्ड्याएका छन् । अर्काे पार्टीको झण्डा र पोष्टर च्यात्नुको साथै लाउडिस्पिकरमा चर्को प्रचार दिक्क बनाएको धनुषाको बटेश्वर गाउँपालिका १ का कुशेश्वर महतोको गुनासो छ । 

यति मात्र होइन आफ्नो पक्षमा भोट हाल्न र मतदाता रिझाउन उम्मेद्वारले भोजभतेर समेत निरन्तर गरिरहेका छन् । दलका शीर्ष नेतासमेत चुनाव चिन्ह अंकित टिसर्ट, टोपी, गम्छा प्रयोग गरेर आचारसंहिता उल्लंघन गरिरहेका भेटिन्छन् । भारतीय नम्बर प्लेटका गाडी त यत्रतत्र सर्वत्र चलिरहेका देखिन्छन् । यसले देशमा नियमकानन कमजोर भएको र उदण्डता  बढेको जनकपुर उपमहानगरपालिका ८ का लालबाबु चौधरीले बताउनुभयो ।

आचारसंहिताको व्यापक उलंघन भइरहेपनि यसलाई रोक्न र उलंघन गर्नेलाई कार्वाही गर्ने जिम्मेवार निकायले प्रभावकारी कदम नचालेको गुनासो पनि उत्तिकै छ । 

प्रदेश नम्बर २ मा चुनाव नजिकिदै जाँदा उम्मेद्वारमा चुनाव जसरी पनि आफैले जित्नुपर्ने मनोविज्ञान झांगिदै गएको पाइएको छ । उनीहरु विकासका मुद्दा र एजेण्डाको बहसमा कम तर आचारसंहिताको उल्लंघनमा बढी सक्रिय छन् । 

आचारसंहिता उल्लंघनको घटना बढिरहेपनि यसलाई रोक्न निर्वाचन आयोगले खासै पहल गरेको देखिएको छैन । तर अनुगमन भैरहेको आयोगको दावी छ । आचारसंहिता उल्लङघनका घटना बढेको गुनासो आएपछि सिरहा, पर्सा र जनकपुरमा चुनावी प्रसारप्रसारको लागि निकालिएको र्‍याली रोक्ने, पर्चा पम्प्लेटहरु नष्ट गर्ने लगायतका काम गरेको आयोगका प्रवक्ता नवराज ढकालले बताउनुभयो । 

उहाँका अनुसार बुधबारदेखि अरु जिल्लामा पनि आचारसंहिता पालना भए–नभएको अनुगमन गरिनेछ । आयोगले आचारसंहिता उल्लङघन गर्नेलाई २४ घण्टे स्पष्टिकरण सोधेर चित्तबुझ्दो जवाफ नआए, उमेद्वारी रद्द गर्नेसम्मको चेतावनी दिएको छ । 

प्रतिक्रिया दिनुहोस

सम्बन्धित सामग्रीहरु

  • ​सर्वोच्च अदालत परिसरमै बम, आजका सबै इजलास स्थगित

    काठमाडौं, मंसिर ५ – सर्वोच्च अदालत परिसरमा बम फेला परेको छ । बम राखेको हल्ला चलेपछि आजका सबै इजलास स्थगित भएका छन् । पहिचान हुन नसकेका मानिसको समूहले बम राखेको प्रहरीले जनाएको छ ।

  • चुनावको विस्तृत खबरका लागि उज्यालोले ल्यायो नयाँ वेवसाइट

    काठमाडौं, मंसिर ५ – प्रतिनिधिसभा तथा प्रदेशसभा चुनावबारे देश विदेशमा रहेका नेपालीलाई सम्पूर्ण जानकारी दिन उज्यालोले चुनावसम्बन्धी विशेष वेवसाइट इलेक्सन डट उज्यालोअनलाइन डटकम सार्वजनिक गरेको छ ।

  • महतोले गरे निधिको स्वास्थ्य लाभको कामना

    जनकपुरधाम, मंसिर ५ – राष्ट्रिय जनता पार्टी राजपाका नेता तथा धनुषा क्षेत्र नम्बर ३ बाट प्रतिनिधिसभा उम्मेदवार राजेन्द्र महतोले आफ्ना प्रतिस्पर्धी नेपाली कांग्रेसका नेता बिमलेन्द्र निधिको स्वास्थ्य लाभको कामना गर्नुभएको छ ।

  • बझाङमा नेकपा कार्यकर्ता खोज्दै प्रहरी

    बझाङ, मंसिर ५ – देशका विभिन्न ठाउँमा उम्मेदवार लक्षित आक्रमणका घटना बढेसँगै जिल्ला प्रहरी कार्यलय बझाङले नेत्रविक्रम चन्द नेतृत्वको नेपाल कम्युनिष्ट पार्टीका कार्यकर्ताको खोजी तीव्र पारेको छ । प्रहरीले बझाङमा रहेका विप्लवका नेता कार्यकर्ताका घर तथा डेरामा खानतलासीसमेत गर्न थालेको छ ।

  • राप्रपा र नयाँ शक्तिबीच मकवानपुर र गोरखामा सहयोग गर्ने सहमति

    काठमाडौं, मंसिर ५ – राष्ट्रिय प्रजातन्त्र पार्टी राप्रपाले आसन्न प्रतिनिधिसभा र प्रदेशसभा चुनावमा गोरखा क्षेत्र नं २ मा नयाँ शक्ति पार्टीका संयोजक डा बाबुराम भट्टराईलाई सहयोग गर्ने समझदारी भएको छ ।

सबै हेर्नुहोस
Joktantra
पछिल्ला समाचारहरु

सोसल मिडिया