MENU

राजनीति

Ncell Axiata
chhaka panja

सबै गाउँपालिकाको कार्यालय सदरमुकाममा, स्थानीयबासिन्दालाई थप सास्ती

रमेश ऐडी/उज्यालो ।

हुम्ला, भदौ २८ – हुम्लाका ७ वटा गाउँपालिकाले सदरमुकाम सिमकोटमै सम्पर्क कार्यालय खोलेका छन् । सम्पर्क कार्यालय खोलेर जनप्रतिनिधि सदरमुकाममा बसेपछि सेवाग्राही मर्कामा परेका छन् ।

स्थानीय तहको चुनावपछि गाउँमै सबै सेवा उपलब्ध हुने भनिए पनि गाउँमा पूर्वाधार, कर्मचारी व्यवस्थापन, विद्युत तथा बैंक नभएको भन्दै सदरमुकामबाटै सेवा दिनुपरेको जनप्रतिनिधिहरुले बताएका छन् ।

हुम्लाका नाम्खा, खार्पुनाथ, चंखेली, अदानचुली, सीमकोट। सार्केगाढ र ताँजाकोट गाउँपालिकाको सम्पर्क कार्यालय सदरमुकाम सिमकोटमा खोलिएको छ । स्थानीय बासिन्दालाई सिफारिस, जन्मदर्ता, नागरिकताजस्ता कामका लागि ४ दिनसम्म हिँडेर सदरमुकाम नै धाउनुपर्ने बाध्यता छ । 

नागरिकताको लागि  सिफारिस बनाउन ३ दिन हिँडेर सिमकोट पुगेका ताँजाकोट गाउँपालिका ३ का कर्णप्रसाद जैसीले भन्नुभयो, ‘व्यवस्था फेरियो दुःख फेरिएन ।’ स्थानिय तहको चुनावपछि घरदैलोमै सेवा पाउने आश गरेका नागरिक पहिलेको जस्तै अवस्था देखेर दिक्क भएका छन् ।

यस्तै कर्मचारी नहुँदा पनि थप समस्या भएको छ ।  कर्मचारी पूरा नहुँदा एकजना वडा सचिवले ३  वटा वडा धान्नु परेको अदानचुली गाउपालिकाका अध्यक्ष दल फडेराले बताउनुभयो ।  

 

प्रतिक्रिया दिनुहोस

सम्बन्धित सामग्रीहरु

  • निर्वाचित भएको १० मिनेटपछि हृदयघात भएर वडा सदस्यको मृत्यु

    सप्तरी, असोज ५ – सप्तरीमा स्थानीय तहमा निर्वाचित भएपछि खुशीयाली साटासाट गर्ने क्रममा हृदयघातका कारण एक महिला वडा सदस्यको निधन भएको छ ।

  • महोत्तरीमा राजपाको अग्रता कायमै

    महोत्तरी, असोज ५ – पछिल्लो मतपरिणाम अनुसार महोत्तरीमा राजपा अग्रस्थानमा देखिएको छ । जिल्ला निर्वाचन कार्यालय महोत्तरीले दिएको जानकारी अनुसार राजपा सवैभन्दा बढी ६, नेपाली कांग्रेस ४, नेकपा माओवादी केन्द्र ३, संघीय समाजवादी फोरम नेपाल १ र स्वतन्त्रका उम्मेदवार १ स्थान अघि छन् ।

  • ३० स्थानीय तहसहित ६१० वडाको मत परिणाम सार्वजनिक

    काठमाडौं, असोज ५ – तेस्रो चरणको असोज २ गते चुनाव सम्पन्न भएको प्रदेश नं २ को आठ जिल्लाका १३५ स्थानीय तहमध्ये अहिलेसम्म ३० वटा स्थानीय तहको मतगणना सम्पन्न भएको छ ।

  • ​वीरगञ्ज महानगरको पछिल्लो परिणाम

    पर्सा, असोज ५ – प्रदेश नम्बर २ को एकमात्र महानगरपालिका वीरगञ्जमा नेपाली कांग्रेस अघि छ । कांग्रेसलाई राजपाले पछ्याइरहेको छ ।

  • प्रदेश नम्बर २ : ३० स्थानीय तहको नतिजा, को कहाँ विजयी ?

    काठमाडौं, असोज ५ – प्रदेश नम्बर २ मा भएको स्थानीय तहको चुनाव अन्तर्गत अहिलेसम्म ३० स्थानीय तहको मत परिणाम सार्वजनिक भएको छ । अहिलेसम्म राष्ट्रिय जनता पार्टी, नेपाली कांग्रेस, नेकपा एमाले, माओवादी केन्द्र, फोरम लोकतान्त्रिक र नेपाल संघीय समाजवादीले प्रमुख पद जितेका छन् ।

सबै हेर्नुहोस
western union
nepali women
पछिल्ला समाचारहरु

सोसल मिडिया