MENU

राजनीति

Ncell Axiata
chhaka panja

​दलका शीर्ष नेता नै आचारसंहिता उल्लघंन गर्दै, निधिलाई सोधियो २४ घण्टे स्पष्टीकरण

काठमाडौं, भदौ २८ – दुई नम्बर प्रदेशमा हुन लागेको स्थानीय तहको चुनावको प्रचारप्रसारको क्रममा आचारसंहिता उल्लघंन गर्ने विभिन्न दलका नेतालाई निर्वाचन आयोगले स्पष्टीकरण मागेको छ । 

धनुषामा चुनावी कार्यक्रममा पूर्व उपप्रधानमन्त्री विमलेन्द्र निधिलाई नेपाली कांग्रेसको चुनाव चिन्ह अंकित गम्छा लगाएर सहभागी भएको भन्दै स्पष्टीकरण सोधिएको छ ।

यस्तै, सिरहाको धनगढी नगरपालिकाको जिरोमाइल र धनुषाको मिथिला नगरपालिका लालगढमा भएको चुनावी सभामा बालबालिका प्रयोग भएको प्रति आयोगले गम्भीर ध्यानाकर्षण भएको जनाएको छ ।

आयोगले सिरहाका कांग्रेस जिल्ला सभापति र धनुषाका कांग्रेस जिल्ला सभापति र माओवादी केन्द्रका जिल्ला इन्चार्जलाई २४ घण्टाभित्र स्पष्टीकरण दिन भनेको छ  । 

यसैबीच, निर्वाचन आयोगले प्रमुख ७ दललाई निर्वाचन आचारसंहिता पूर्ण पालना गर्न गराउन आग्रहसमेत गरेको छ । आयोगले बुधबार नेपाली कांग्रेस, नेकपा एमाले, नेकपा माओवादी केन्द्र, राष्ट्रिय प्रजातन्त्र पार्टी, संघीय समाजवादी फोरम नेपाल, नेपाल लोकतान्त्रिक फोरम र राष्ट्रिय जनता पार्टी नेपाललाई छुट्टाछुट्टै पत्र पठाई आचारसंहिताको पूर्ण पालना गर्न÷गराउन आग्रह गरेको हो । 

आयोगले चुनाव प्रचारप्रसारको क्रममा तोकिएको संख्याभन्दा बढी गाडी प्रयोग भएको, गाडी, मोटरसाइकल, रिक्सा र साइकलको र्‍यालीसहितको जुलस प्रदर्शन गरिएको, चुनाव चिह्न अङ्कित टोपी, टिसर्ट, झोला, गम्छा, स्टिकर आदिको प्रयोग भएको साथै भित्ते लेखन भएको, बालबालिकाको प्रयोग भएको, सार्वजनिक ठाउँमा पोस्टर टाँस्ने र झण्डा लगाइएको भन्दै यस्ता काममा रोक लगाउन आग्रह गरेको हो । 

 

प्रतिक्रिया दिनुहोस

सम्बन्धित सामग्रीहरु

  • निर्वाचित भएको १० मिनेटपछि हृदयघात भएर वडा सदस्यको मृत्यु

    सप्तरी, असोज ५ – सप्तरीमा स्थानीय तहमा निर्वाचित भएपछि खुशीयाली साटासाट गर्ने क्रममा हृदयघातका कारण एक महिला वडा सदस्यको निधन भएको छ ।

  • महोत्तरीमा राजपाको अग्रता कायमै

    महोत्तरी, असोज ५ – पछिल्लो मतपरिणाम अनुसार महोत्तरीमा राजपा अग्रस्थानमा देखिएको छ । जिल्ला निर्वाचन कार्यालय महोत्तरीले दिएको जानकारी अनुसार राजपा सवैभन्दा बढी ६, नेपाली कांग्रेस ४, नेकपा माओवादी केन्द्र ३, संघीय समाजवादी फोरम नेपाल १ र स्वतन्त्रका उम्मेदवार १ स्थान अघि छन् ।

  • ३० स्थानीय तहसहित ६१० वडाको मत परिणाम सार्वजनिक

    काठमाडौं, असोज ५ – तेस्रो चरणको असोज २ गते चुनाव सम्पन्न भएको प्रदेश नं २ को आठ जिल्लाका १३५ स्थानीय तहमध्ये अहिलेसम्म ३० वटा स्थानीय तहको मतगणना सम्पन्न भएको छ ।

  • ​वीरगञ्ज महानगरको पछिल्लो परिणाम

    पर्सा, असोज ५ – प्रदेश नम्बर २ को एकमात्र महानगरपालिका वीरगञ्जमा नेपाली कांग्रेस अघि छ । कांग्रेसलाई राजपाले पछ्याइरहेको छ ।

  • प्रदेश नम्बर २ : ३० स्थानीय तहको नतिजा, को कहाँ विजयी ?

    काठमाडौं, असोज ५ – प्रदेश नम्बर २ मा भएको स्थानीय तहको चुनाव अन्तर्गत अहिलेसम्म ३० स्थानीय तहको मत परिणाम सार्वजनिक भएको छ । अहिलेसम्म राष्ट्रिय जनता पार्टी, नेपाली कांग्रेस, नेकपा एमाले, माओवादी केन्द्र, फोरम लोकतान्त्रिक र नेपाल संघीय समाजवादीले प्रमुख पद जितेका छन् ।

सबै हेर्नुहोस
western union
nepali women
पछिल्ला समाचारहरु

सोसल मिडिया