MENU

खेल

Ncell Axiata
sagun

मेस्सीलाई उछिन्दै रोनाल्डोले बनाए च्याम्पियन्स लिगमा अर्को कीर्तिमान

भदौ २९ – च्याम्पियन्स लिग फुटबलको यो सिजनको औपचारिक सुरुवात भइसकेको छ । बुधबार राति भएका खेलमा साबिक विजेता रियल मड्रिड तथा दुई इंग्लिस क्लब टोटनह्याम र म्यानचेस्टर सिटीले जित निकाल्दै विजयी सुरुवात गरेका छन् । बुधबार राति भएका खेलमा केही कीर्तिमान पनि बनेका छन् । त्यसमा रियल मड्रिडका स्टार स्ट्राइकर क्रिष्टियानो रोनाल्डोसहित इकर कासिलासको नामअघि आउँछ । रोनाल्डोले बुधबार राति घरेलु मैदानमा भएको खेलमा साइप्रसको क्लब अपोल निकोसियालाई ३–० ले हराउने क्रममा दुई गोल गरे । रोनाल्डो च्याम्पियन्स लिग अन्तर्गत घरेलु मैदानमा सबैभन्दा बढी गोल गर्ने खेलाडी बनेका छन् । उनले च्याम्पियन्स लिग अन्तर्गत घरेलु मैदानमा भएका खेलमा अहिलेसम्म ५५ गोल गरेका छन् । रोनाल्डोले यसमा बार्सिलोनाका स्टार स्ट्राइकर लियोनल मेस्सीलाई पछि पारेका हुन् । मेस्सीले घरेलु मैदानमा भएका खेलमा अहिलेसम्म ५४ गोल गरेका छन् । रोनाल्डोकै कुरा गर्दा उनले पेनाल्तीमा पनि मेस्सीलाई पछि पारेका छन् । 

बुधबार रातिको खेलमा एक गोल पेनाल्टी मार्फत गरेका रोनाल्डोको यो च्याम्पियन्स लिगमा १२ औं पेनाल्टी गोल हो । च्याम्पियन्स लिगको इतिहासमा पेनाल्टी मार्फत सर्वाधिक गोल गर्ने खेलाडीको सूचिमा दोस्रो स्थानमा मेस्सी छन् । उनले अहिलेसम्म पेनाल्टी मार्फत ११ गोल गरेका छन् । यस्तै पोर्टोका गोलरक्षक इकर कासिलासले च्याम्पियन्स लिगका १९ सिजन खेल्ने कीर्तिमानमा बराबरी गरेका छन् । १९ औं सिजन च्याम्पियन्स लिग खेलिरहेका कासिलासले म्यानचेस्टर युनाइटेडका पूर्व खेलाडी रायन गिग्सको कीर्तिमानसँग बराबरी गरेका हुन् । गिग्सले पनि च्याम्पियन्स लिग १९ सिजनमा खेलेका थिए ।

रियल मड्रिडको प्रभावशाली जित, रोनाल्डोले गरे दुई गोल

क्लबको कुरा गर्ने हो भने रियल मड्रिडले च्याम्पियन्स लिगको सुरुमा घरेलु मैदानमा भएका अहिलेसम्मका सबै खेल जितेको छ । रियल मड्रिडले अहिलेसम्म ११ पटक च्याम्पियन्स लिगको सुरुवात घरेलु मैदानबाट गर्ने मौका पाएको छ । त्यसमा रियल सधैँ सफल रहेको छ । 

 

प्रतिक्रिया दिनुहोस

सम्बन्धित सामग्रीहरु

  • नेपाल युएईसँग पाँच रनले पराजित

    काठमाडौँ, ७ मंसिर : थाइल्याण्डमा जारी आइसिसी महिला विश्वकप टि–ट्वेन्टी एशिया कप छनोट प्रतियोगिताअन्तर्गत आज भएको खेलमा नेपाल संयुक्त अरब इमिरेट्ससँग पराजित भएको छ ।

  • ​फिफा बरियतामा नेपाल ६ स्थानमाथि उक्लियो

    काठमाडौं, मंसिर ६ – विश्व फुटबल बरियतामा नेपाल ६ स्थानमाथि उक्लिएको छ । विश्व फुटबल महासंघ फिफाले सार्वजनिक गरेको नयाँ बरियताक्रम अनुसार नेपाल ६ स्थान माथि उक्लिदै १ सय ७० औं स्थानमा पुगेको हो

  • दिल्ली र राजस्थान रोयल्सका खेलाडी इपिएलमा ललितपुरबाट खेल्ने

    काठमाडौं, मंसिर ७ – आउँदो पुसको ४ गतेदेखि सुरु हुने एभेरेष्ट प्रिमियर लिग इपिएल क्रिकेटको लागि अहिले ६ वटा टिम अन्तिम तयारीमा जुटेका छन् ।

  • बार्यन म्युनिखका फ्यानले गरे मैदानमा नोटको वर्षा

    मंसिर ७ – च्याम्पियन्स लिग फुटबल अन्तर्गत बुधबार राति भएको बार्यन म्युनिख र एन्डरलेक्टबिचको खेल भइरहेका बेला मैदानमा पैसाको बण्डल बर्सियो । अवे मैदानमा भएको खेलमा जर्मन क्लब बार्यन म्युनिखका समर्थकले पैसाको बण्डल मैदानमा फालेका हुन् ।

  • च्याम्पियन्स लिगमा पिएसजीको कीर्तिमानी जित, गर्‍यो सात गोल

    मंसिर ७ – च्याम्पियन्स लिग फुटबलको समूह चरण अन्तर्गत बुधबार राति भएको खेलमा फ्रेन्च लिग वान क्लब पेरिस सेन्ट–जर्मेन (पिएसजी) ले शानदार जित दर्ता गरेको छ । घरेलु मैदानमा भएको खेलमा पिएसजीले स्कटिस क्लब सेल्टिकमाथि ७–१ को कीर्तिमानी जित दर्ता गरेको हो ।

सबै हेर्नुहोस
Joktantra
पछिल्ला समाचारहरु

सोसल मिडिया