MENU

बातावरण-कृषि

ujyaalo forign call inside

रारा रेडपाण्डाका लागि उत्कृष्ट बासस्थान बन्दै

श्याम बिसी/उज्यालो । 

मुगु, भदौ २९ – आन्तरिक पर्यटकको उत्कृष्ट गन्तव्य बनेको रारा ताल रहेको रारा राष्ट्रिय निकुञ्ज लोपोन्मुख वन्यजन्तु रेडपाण्डाको पनि मुख्य बासस्थानको थलो बन्न थालेको छ । रारा राष्ट्रिय निकुञ्जले पछिल्ला वर्षमा  रेडपाण्डाको संख्यामा पनि क्रमिक रुपले बढ्दै गएको जनाएको छ । 

गएको वर्षको सर्वेक्षण अनुसार निकुञ्ज क्षेत्रमा दुई सय हाराहारीमा रेडपाण्डा रहेको अनुमान गरिएको छ । निकुञ्ज अधिकृत लोकेन्द्र अधिकारीको रेडपाण्डाको प्रमुख बासस्थान रारा बन्न थालेको दाबी छ ।

‘यति नै छ भन्न त सकिँदैन’ अधिकारीले भने ‘रेडपाण्डाको दिसा, बास बसेको स्थान, हिँडेको पाइला परीक्षण गरेर अनुमानित संख्या पत्ता लगाइन्छ ।’ निकुञ्ज मुर्माटप, चुचुमारे, रुमखोला माझघट्ट लगायत निकुञ्ज क्षेत्रमा रेडपाण्डा बस्ने छ ।

रारा राष्ट्रिय निकुञ्ज क्षेत्रमा निगालो र रुखको टोड्काहरु धेरै भएकोले रेडपाण्डालाई बासस्थान गर्न सजिलो भएको छ । भौगोलिक र वातावरणीय हिसाबले रेडपाण्डाका लागि रारा उपयुक्त मानिएको अनुसन्धानले जनाएको छ ।  

 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया