MENU

विचार/अनुभूति

Ncell Axiata

तेस्रो चरणको चुनावपछिको संकेत

-प्रकाश ढकाल

काठमाडौं, असोज २ – २ नम्बर प्रदेशका आठ जिल्लामा स्थानीय तहको तेस्रो चरणको चुनावसँगै संविधान कार्यान्वयन र राजनीतिक कार्यदिशाको बाटो थप फराकिलो बन्दैछ । राजपाको सहभागिता नै तेस्रो चरणको चुनावको सबैभन्दा महत्वपूर्ण पक्ष हो । 

आफ्नो मागअनुसार संविधान संशोधन नभई संविधान स्वीकार नगर्ने र कुनै पनि चुनावमा भाग नलिने अडानमा रहेको राजपा संविधान संशोधन हुन नसकेपछि चुनावमा जान राजी भएको हो । ६ वटा दल मिलेर बनेको राजपासमेत सहभागी भएर तेस्रो चरणको चुनाव सम्पन्न भएपछि स्थानीय तहको चुनाव सफल भएको निष्कर्ष निकाल्न सकिन्छ । 

मधेसी दलको सहभागिताको विषयलाई लिएर संविधान जारी भएको दुई वर्षसम्म पनि अनेकौं टिकाटिप्पणी भैरह्यो । उ आफैं पनि चुनावमा जाने कि नजाने भन्नेबारे लामो समय दोधारमा थियो । पार्टीभित्रै चुनावमा जानुपर्ने र जान नहुने दुई धार बनेपछि राजपालाई चुनावमा होमिन समय लागेको हो । 

तर, अब राजपाको समेत सहभागितामा तेस्रो चरणको चुनाव भएसँगै संविधान कार्यान्वयनको कठिन मानिएको खुड्किलो पार भएको छ । मतदान सुरु भएलगत्तै मतदान केन्द्रमा देखिएको उपस्थितिले नागरिक चुनावको लागि कति व्यग्र प्रतिक्षामा रहेछन् भन्ने देखाएको छ । 

दुई नम्बर प्रदेशको चुनावी परिणामलाई निकै चासोपूर्वक हेरिएको छ । दुई नम्बर प्रदेशमा को पहिलो हुने भनेर दलहरुबीच निकै कडा प्रतिस्पर्धा देखिन्छ । ठूला दलहरु प्रतिष्ठाको लडाईंमा छन् भने लामो समय सडक संघर्षमा गएका मधेसी दलहरु पनि आफ्नो प्रभुत्व बढाउने ध्याउन्नमा छन् । 

२ नम्बर प्रदेशको चुनावी परिणामले दलहरुको अहिलेको हैसियत मात्र नभइ भावी संघ र प्रदेशको चुनावी परिणाम पनि संकेत गर्छ । जसले संघ र प्रदेशमा गठन हुने सरकारको बनोटबारे पनि मोटामोटी छनक दिन्छ । आगामी मंसिर १० र २१ गतेका लागि तोकिएको प्रतिनिसभा र प्रदेशसभाको चुनावको पूर्व संकेतका रुपमासमेत स्थानीय तहको चुनावलाई लिइएको छ । 

६ वटा प्रदेशको चुनावी परिणाबाट पहिलो बनेको एमाले दुई नम्बर प्रदेशमा समेत पहिलो हुँदै मंसिरको चुनावमा आफ्नो हैसियत देखाउने रणनीतिमा छ । दोस्रो चरणसम्मको चुनावबाट दोस्रो बन्न पुगेको कांग्रेसका लागि दुई नम्बर प्रदेशको परिणाम प्रतिष्ठाको विषय बनेको छ । उसले एकसय ३६ तहमध्ये एक सय हाराहारीमा जितेर पहिलो दलको दर्जा कायमै राख्ने दाबी गर्दै आएको छ । तर दुई नम्बर प्रदेशमा मात्र पहिलो दल बने पनि समग्रमै पहिलो बन्ने कांग्रेसको संभावना निकै कम देखिन्छ । 

रुपान्तरित संसदमा तेस्रो स्थानमा रहेको नेकपा माओवादी केन्द्र दुई चरणको चुनावी परिणाबाट सन्तुष्ट छैन । दुई नम्बर प्रदेशबाट त्यो असन्तुष्टीलाई केही भए पनि कम गर्ने दाउमा माओवादी देखिन्छ । 

चुनावीमा परिणाम जे जस्तो आए पनि तेस्रो चरणको चुनाव सम्पन्न भएसँगै एउटा संवैधानिक र राजनीतिक अध्याय पूरा भएको हुनेछ । जसले संविधान कार्यान्वयन र राजनीतिक स्थायित्वको लागि बलियो टेवा पुग्नेछ । 

 

Mitsubishi

प्रतिक्रिया दिनुहोस

सम्बन्धित सामग्रीहरु

  • बन्दी चेतनाको ‘जाँच प्रयोग’

    “यहाँ अहिले हामी ६ सय ६८ जना छौं” – एक परिचित युवा बन्दीले सुस्तरी कानमा भने । राणाकालमा बनेको दुईतले एउटा भवन नजिकै ठाउँ–ठाउँमा चिराचिरा परेर कमजोर हालतमा उभिएको थियो । त्यसकै कापमा एउटा सानो गल्ली जस्तोमा चिया पाकिरहेको थियो शायद, बन्दीहरु त्यतैबाट तातो चियाका गिलास लिँदै निस्किरहेका थिए ।

  • नेपालमा चीनको स्वार्थ

    कैयौँ पटक ‘नेपालको सार्वभौमसत्ता रक्षाका लागि’ चीनले सहयोग गर्ने भन्ने गरिएको छ बेइजिङ्गबाट । कूटनीतिक दृष्टिले यो अत्यन्तै गम्भीर अभिव्यक्ति हो । यसको अर्थ नेपालको सर्वभौमसत्ता गुम्ने र नेपालको अस्तित्व नै नरहने खतरा छ भनेर चीनले विश्लेषण गरेको हो भनेर बुझ्नु पर्ने हुन्छ ।

  • आँखाको क्यान्सर कति खतरनाक ?

    एक दशक अगाडि अलि कम र अहिलेको दशकमा एकदम धेरै सुनेको रोग क्यान्सर हो । शरीरको विभिन्न अंगहरु फोक्सो, आन्द्रा, कलेजो, पाठेघर, स्तनलगायतमा क्यान्सर भए जस्तै आँखामा पनि क्यान्सर हुन्छ । अरु क्यान्सरमा भन्दा यो क्यान्सर हुने जोखिमयुक्त कारक तत्वहरु फरक छन् ।

  • ओलीका अघिल्तिर कति धेरै अवसर ?

    बोले अनुसार काम थाल्ने हो भने वाम गठबन्धनको सरकारका सामु चुनौती थोरै र अवसरहरु कता हो कता धेरै छन् । अब बन्ने सरकारका लागि सबैभन्दा ठूलो अवसर विकासलाई तल्लो तहसम्म पुर्यासउने संरचना तयार छ । स्थानीय तहको चुनावपछि विकासलाई नागरिकको घर दैलोसम्म पुर्याउने जनप्रतिनिधिहरु चुनिएर अहिले काममा छन, तर देखाउने काम नपाएर कामका अवसरको खोजीमा छन ।

  • चुनाव सम्पन्न गराउनु ठूलो उपलब्धि : देउवा

    मेरो नेतृत्वमा सरकार गठन भएपछि जनताको सरोकारका विषयलाई केन्द्रमा राखेर निर्णयहरु भएका छन् । विशेषगरी स्वास्थ्य शिक्षा क्षेत्रमा देखिएका विकृतिहरु नियन्त्रण गर्न चिकित्सा शिक्षा आयोगको अध्यादेश जारी गरिएको छ । जनताको स्वास्थ्यसँग सरोकार राख्ने चिकित्सा शिक्षा व्यापारको विषय होइन ।

सबै हेर्नुहोस
Skill Training
पछिल्ला समाचारहरु

सोसल मिडिया