MENU

विचार/अनुभूति

Ncell Axiata

दसैँमा कस्तो मासु राम्रो ?

गाउँशहर दसैँको रमझममा छ । दसैँ भन्न साथ टीका जमरासँग जोडिएर आउँछ, माछा, मास र मिठो खानपान । दसैँमा सबै भन्दा बढी महत्वको कुरा त खानपान कै हुन्छ । अनि चर्चा पनि खानपानकै । त्यसमा पनि मासुको चर्चा मासु  खानेहरुको घरमा अनिवार्यरुपमा चलेकै हुन्छ । मासु यसरी पकाउँदा राम्रो, यसरी पकाएको मासुको स्वाद यस्तो भनेर हरेकले आआफ्नो स्वाद अनुसारको दृष्टिकोण प्रस्तुत गर्दछन् ।

दसैँमा त पेटभरी मासु खाने हो भन्ने धारण अहिले पनि व्याप्त छ । शरीरको आवश्यकता भन्दा बढी मासुखाँदा स्वास्थ्य बिग्रने प्रायः निश्चित छ । चाडबाडको बेलामा खानपानमा ध्यन नदिँदा अस्पताल पुग्नुपर्ने अवस्था आउन सक्छ । नमिलाइकन खाएको खानपानले स्वास्थ्यमा असर गर्दछ । त्यसैले खानपानमा उचित ध्यान दिनु आवश्यक छ ।

दसैँमा कस्तो माछा मासु खाने ?

दसैँमा पाक्ने परिकार मध्ये मुख्य परिकार भनेको मासु नै हो । भान्छामा अरु जे पाके पनि धेरैको मुखमा पानी ल्याउने पहिलो परिकार नै मासु हो । पौष्टिक दृष्टिकोणले माछामासु राम्रो हो तर शरीरको आवश्यकता भन्दा बढी खानाले हाम्रो स्वास्थ्यलाई नै असर गर्दछ ।

उच्च कोलेस्ट्रोल, उच्च रक्तचाप, युरिक एसिड र मुटुसम्बन्धी समस्या भएका दीर्घरोगीले खानपिनमा विशेष ध्यान दिनुपर्छ । यस्ता बिरामीले मासु खाँदा  सावधानी अपनाए आत्तिनुपर्ने अवस्था आउँदैन । 

दसैँ भनेपछि मासु खाने हो भनेर जहाँ पायो त्यहाँको, जस्तो पायो त्यस्तो मासु खानाले स्वास्थ्यलाई नै असर गर्छ । मासु कत्तिको स्वस्थ छ । पहिचान गरेर आवश्यकता अनुसार खानुपर्छ अपच हुने गरी खान हुँदैन । 

स्वादको लागि मानिसले सेतो मासु भन्दा रातो मासु मनपराउँछन् । रातो मासुमा बोसो बढी हुन्छ । तर यो खानै हुदैन भन्ने होइन सकिँदैन । अवश्यकता भए खानुपर्छ तर सावधानीपूर्ण रुपमा । तुलनात्मक रुपमा सेतो मासुमा बोसो कम हुन्छ ।

दसैँको समयमा मानिसले धेरै मासु ल्याउने, राख्ने र लामो समयसम्म खाने चलन छ । तर यो उपयुक्त तरिका होइन । यदी लामो समयसम्म राख्ने मासुलाई सुरक्षित रुपमा राख्न सकिएन भने त्यसमा पस्ने व्याक्टेरियाले हाम्रो स्वास्थमा नकारात्मक असर पु¥याउँछ ।

हामी धेरैमा चिल्लो, पिरो, अमिलो र मसालेदार खाने चलन छ । यसले दीर्घरोग भएका बिरामीलाई असर गर्दछ । यस्ता खालका मासु खाँदा उच्च रक्तचाप भएका व्यक्तिलाई मष्तिश्कघात तथा हृदयघात जस्ता रोग लाग्ने सम्भावना रहन्छ । त्यसैले माछामासु पकाउँदा सामान्य तरिकाले चिल्लो पिरो कम गरेर पकाएर खादा राम्रो हुन्छ ।

खानपानमा सन्तुलन गर्न सकिएन भने अनेक खालका समस्या निम्तिन सक्छ । बोसो रहित र रातो मासु कम गर्नाले खानपानमा सन्तुलन गर्नसकिन्छ । मासुमा मात्रा भन्दा गुणस्तरमा ध्यान दिनुपर्छ । मासु तौले र खाने भन्दाप पनि २ देखि ४ पिससम्म खादा राम्रो हुन्छ । यो दसैँमा शुद्ध र स्वस्थ मासु मात्र खाऔं । आफ्नो स्वास्थ्यलाई नै असर गर्नेगरी धेरै खाएर अस्पताल कुर्नुभन्दा कम खानु नै वुद्धिमानी हुन्छ । 

Mitsubishi

प्रतिक्रिया दिनुहोस

सम्बन्धित सामग्रीहरु

  • बन्दी चेतनाको ‘जाँच प्रयोग’

    “यहाँ अहिले हामी ६ सय ६८ जना छौं” – एक परिचित युवा बन्दीले सुस्तरी कानमा भने । राणाकालमा बनेको दुईतले एउटा भवन नजिकै ठाउँ–ठाउँमा चिराचिरा परेर कमजोर हालतमा उभिएको थियो । त्यसकै कापमा एउटा सानो गल्ली जस्तोमा चिया पाकिरहेको थियो शायद, बन्दीहरु त्यतैबाट तातो चियाका गिलास लिँदै निस्किरहेका थिए ।

  • नेपालमा चीनको स्वार्थ

    कैयौँ पटक ‘नेपालको सार्वभौमसत्ता रक्षाका लागि’ चीनले सहयोग गर्ने भन्ने गरिएको छ बेइजिङ्गबाट । कूटनीतिक दृष्टिले यो अत्यन्तै गम्भीर अभिव्यक्ति हो । यसको अर्थ नेपालको सर्वभौमसत्ता गुम्ने र नेपालको अस्तित्व नै नरहने खतरा छ भनेर चीनले विश्लेषण गरेको हो भनेर बुझ्नु पर्ने हुन्छ ।

  • आँखाको क्यान्सर कति खतरनाक ?

    एक दशक अगाडि अलि कम र अहिलेको दशकमा एकदम धेरै सुनेको रोग क्यान्सर हो । शरीरको विभिन्न अंगहरु फोक्सो, आन्द्रा, कलेजो, पाठेघर, स्तनलगायतमा क्यान्सर भए जस्तै आँखामा पनि क्यान्सर हुन्छ । अरु क्यान्सरमा भन्दा यो क्यान्सर हुने जोखिमयुक्त कारक तत्वहरु फरक छन् ।

  • ओलीका अघिल्तिर कति धेरै अवसर ?

    बोले अनुसार काम थाल्ने हो भने वाम गठबन्धनको सरकारका सामु चुनौती थोरै र अवसरहरु कता हो कता धेरै छन् । अब बन्ने सरकारका लागि सबैभन्दा ठूलो अवसर विकासलाई तल्लो तहसम्म पुर्यासउने संरचना तयार छ । स्थानीय तहको चुनावपछि विकासलाई नागरिकको घर दैलोसम्म पुर्याउने जनप्रतिनिधिहरु चुनिएर अहिले काममा छन, तर देखाउने काम नपाएर कामका अवसरको खोजीमा छन ।

  • चुनाव सम्पन्न गराउनु ठूलो उपलब्धि : देउवा

    मेरो नेतृत्वमा सरकार गठन भएपछि जनताको सरोकारका विषयलाई केन्द्रमा राखेर निर्णयहरु भएका छन् । विशेषगरी स्वास्थ्य शिक्षा क्षेत्रमा देखिएका विकृतिहरु नियन्त्रण गर्न चिकित्सा शिक्षा आयोगको अध्यादेश जारी गरिएको छ । जनताको स्वास्थ्यसँग सरोकार राख्ने चिकित्सा शिक्षा व्यापारको विषय होइन ।

सबै हेर्नुहोस
Skill Training
पछिल्ला समाचारहरु

सोसल मिडिया