MENU

विचार/अनुभूति

Ncell Axiata

आंशिक प्राध्यापकले यसपटक दसैँ किन नमनाउने ?

ठमिन्द्र खतिवडा -

त्रिभुवन विश्वविद्यालयका आंशिक प्राध्यापकले त्रिविले दश वर्षदेखि गरेको चरम बौद्धिक शोषणको अन्त्य गर्दै सम्पूर्ण आंशिक प्राध्यापकलाई करार गर्ने भनि त्रिवि र नेपाल सरकारसँग पटक पटक भएका सम्झौताको कार्यान्वयन गर्नुपर्ने माग गर्दै ६ महिनादेखि धर्ना, घेराउ लगायत आन्दोलन र ६४ दिनदेखिको रिले अनशन गरिरहेका थिए । तर अाफैले गरेकाे सहमति कार्यान्वयन गर्न सरकार तत्पर नभएपछी अश्विन ११ गतेदेखि आंशिक प्राध्यापकका तर्फबाट संघका अध्यक्ष डाक्टर महेशकुमार गजुरेलले आमरण अनशन शुरु गर्नुभएकाे छ । 

नेपालीको महान चाड वडादसैँको फूलपातीको दिनदेखि नेपाल आंशिक प्राध्यापक संघका अध्यक्ष तथा वीरेन्द्र बहुमुखी क्याम्पस भरतपुर, चितवनका आंशिक प्राध्यापक डा. गजुरेलले आमरण अनशन शुरु गरेकाले त्रिविका सबै आंशिक प्राध्यापकले यो वर्षको दसैँ नमनाउने घोषणा गरेका छन् । आफ्नै सहकर्मी साथी आमरण अनशन जस्तो अत्यन्तै संवेदनशील र जोखिपूर्ण अवस्थामा रहेकोले सबै आन्दोलनमा होमिने र त्रिवि पदाधिकारी र नेपाल सरकारलाई दबाब दिने उद्देश्यले नेपाल आंशिक प्राध्यापक स‌ ले दसैँ नमनाउने निधो गरेका हुन् । 

त्रिभुवन विश्व विद्यालयमा कार्यरत झण्डै १४ सय आंशिक प्राध्यापक पेशागत सुरक्षा र आफ्नो अधिकारका लागि २०६३ सालदेखि अहिलेसम्म शान्तीपूर्ण आन्दोलनमा छन् । प्राध्यापकहरु जहिले पनि शान्तीपूर्ण र बौद्धिक आन्दोलनमा विश्वास गर्ने पेशाका मानिस हुन् र प्राध्यापकले त्यही गरिरहेका छन् । आफ्नो शान्तीपूर्ण आन्दोलनको क्रममा आंशिक प्राध्यापकले कहिले प्रधानमन्त्री निवास वालुवाटार घेर्छन् कहिले माइतीघर मण्डला धर्ना दिन्छन् त कहिले रत्नपार्कमा र्‍याली गर्दछन् । यसरी ज्ञापन पत्र बुझाउने धर्ना दिने, तयारी गर्ने तथा रिले अनशन वास्ता पनि  सरकारले जायज माग पूरा नगरेपछि ६४ दिनको रिले अनशनपछि आमरण अनशन बस्नु परेको हो । 

विश्वविद्यालयमा शैक्षिक वातावरण अगाडि बढाउने क्रममा प्राध्यापकको संख्या कमी भई शैक्षिक वातावरण अस्तव्यस्त हुने अवस्थामा शैक्षिक गतिविधीलाई चुस्तदुरुस्त बनाउन तत्काल कक्षा अवलोकन गरी आवश्यक परिक्षा लिई आंशिक प्राध्यापक राख्ने र निश्चित अवधीपछि करार र स्थायी प्रक्रियामा लैजाने प्रचलन रहि आएकोमा त्रिविको गैर जिम्मेवारीपूर्ण प्रकृति र राजनितीक अस्थिरताले गर्दा आंशिक प्राध्यापकहरुको समस्या पटक पटक बल्झिने गरेको छ । यी बल्झेका समस्याहरु समाधान गर्ने क्रममा २०४६ सालको परिवर्तनपछि तत्कालिन प्रधानमन्त्री कृष्णप्रसाद भट्टराईको सरकारले २०४७ सालमा त्रिविमा प्रवेश गरेका सम्पूर्ण प्राध्यापकहरुलाई स्वतः स्थायी गरेको थियो भने प्रधानमन्त्री गिरिजाप्रसाद कोइरालाले २०६२/२०६३ मा एक शैक्षिक सत्र आंशिक प्राध्यापकका रुपमा रही अध्यापन गरेका सम्पूर्ण आंशिक प्राध्यापकलाई दरवन्दीसहितको करारमा नियुक्ति गरिएको थियो । 

विश्वविद्यालयको तत्काल आवश्यकता पूरा गर्न आंशिक प्राध्यापक राख्दै जाने तर लामो समयदेखि करार गर्ने प्रक्रिया र समयमा नयाँ प्राध्यापक नियुक्तिको लागि विज्ञापन नमाग्ने कारणले गर्दा हाल पनि त्रिवि मा आंशिक प्राध्यापकको समस्या विकराल छ । यसका अलावा समाज कामको असमान ज्याला, पेशागत सुरक्षाको प्रत्याभुति नहुन पेशागत विकासका लागि कुनैपनि सुविधा प्राप्त नहुन आंशिक प्राध्यापकले भोग्दै आएका समस्याहरु हुन् । यी समस्या भोग्दै आएका आंशिक प्राध्यापकले आफ्नो हकको लागि यस वर्षको दसैँ नमनाउने भएका हुन् । 

नेपालीको महान चाड दसैँमा आमरण अनशनमा रहेका प्राध्यापकको माग समाधान गर्ने कुरामा त्रिवि सरकार तथा यसका सरोकारवाला निकाय संवेदनशील बन्नुपर्ने हुन्छ । 

   

Mitsubishi

प्रतिक्रिया दिनुहोस

सम्बन्धित सामग्रीहरु

  • बन्दी चेतनाको ‘जाँच प्रयोग’

    “यहाँ अहिले हामी ६ सय ६८ जना छौं” – एक परिचित युवा बन्दीले सुस्तरी कानमा भने । राणाकालमा बनेको दुईतले एउटा भवन नजिकै ठाउँ–ठाउँमा चिराचिरा परेर कमजोर हालतमा उभिएको थियो । त्यसकै कापमा एउटा सानो गल्ली जस्तोमा चिया पाकिरहेको थियो शायद, बन्दीहरु त्यतैबाट तातो चियाका गिलास लिँदै निस्किरहेका थिए ।

  • नेपालमा चीनको स्वार्थ

    कैयौँ पटक ‘नेपालको सार्वभौमसत्ता रक्षाका लागि’ चीनले सहयोग गर्ने भन्ने गरिएको छ बेइजिङ्गबाट । कूटनीतिक दृष्टिले यो अत्यन्तै गम्भीर अभिव्यक्ति हो । यसको अर्थ नेपालको सर्वभौमसत्ता गुम्ने र नेपालको अस्तित्व नै नरहने खतरा छ भनेर चीनले विश्लेषण गरेको हो भनेर बुझ्नु पर्ने हुन्छ ।

  • आँखाको क्यान्सर कति खतरनाक ?

    एक दशक अगाडि अलि कम र अहिलेको दशकमा एकदम धेरै सुनेको रोग क्यान्सर हो । शरीरको विभिन्न अंगहरु फोक्सो, आन्द्रा, कलेजो, पाठेघर, स्तनलगायतमा क्यान्सर भए जस्तै आँखामा पनि क्यान्सर हुन्छ । अरु क्यान्सरमा भन्दा यो क्यान्सर हुने जोखिमयुक्त कारक तत्वहरु फरक छन् ।

  • ओलीका अघिल्तिर कति धेरै अवसर ?

    बोले अनुसार काम थाल्ने हो भने वाम गठबन्धनको सरकारका सामु चुनौती थोरै र अवसरहरु कता हो कता धेरै छन् । अब बन्ने सरकारका लागि सबैभन्दा ठूलो अवसर विकासलाई तल्लो तहसम्म पुर्यासउने संरचना तयार छ । स्थानीय तहको चुनावपछि विकासलाई नागरिकको घर दैलोसम्म पुर्याउने जनप्रतिनिधिहरु चुनिएर अहिले काममा छन, तर देखाउने काम नपाएर कामका अवसरको खोजीमा छन ।

  • चुनाव सम्पन्न गराउनु ठूलो उपलब्धि : देउवा

    मेरो नेतृत्वमा सरकार गठन भएपछि जनताको सरोकारका विषयलाई केन्द्रमा राखेर निर्णयहरु भएका छन् । विशेषगरी स्वास्थ्य शिक्षा क्षेत्रमा देखिएका विकृतिहरु नियन्त्रण गर्न चिकित्सा शिक्षा आयोगको अध्यादेश जारी गरिएको छ । जनताको स्वास्थ्यसँग सरोकार राख्ने चिकित्सा शिक्षा व्यापारको विषय होइन ।

सबै हेर्नुहोस
Skill Training
पछिल्ला समाचारहरु

सोसल मिडिया