MENU

विज्ञान प्रविधि

Ncell Axiata

​रसायन शास्त्रतर्फको नोबेल पुरस्कार जैविक अणु हेर्न मिल्ने प्रविधिलाई

असोज १८ – यसवर्षको रसायनशास्त्रतर्फको नोबेल पुरस्कार पनि ३ जना वैज्ञानिकलाई संयुक्त रुपमा प्रदान गरिने भएको छ ।

 

जैविक अणुहरुको चित्र हेर्न मिल्ने प्रविधिको विकास गरेबापत यसवर्षको रसायनशास्त्रतर्फको नोबेल पुरस्कार स्वीस वैज्ञानिक ज्याक्युस डुबोसेट, जर्मनीका जोअचिम फ्रान्क र स्कटल्याण्डका रिचार्ड हेन्डरसनलाई संयुक्त रुपमा प्रदान गर्ने निर्णय गरिएको हो ।

उनीहरुले विकास गरेको क्रायो इलेक्टोन माइक्रोस्कोपी प्रविधिबाट मानव शरीरको सबैभन्दा सानो भाग अणुको अध्ययन सहज भएको छ । यो प्रविधिबाट सुक्ष्म  जैविक अणुहरुको अध्ययन उच्च रिजोलुसनमार्फत ठूलो बनाएर हेर्न सकिनेछ । यसबाट एन्टीबायोटिक प्रतिरोधी जिका भाइरसको सतहमा रहेको प्रोटिनको समेत अध्ययन गर्न सकिने वैज्ञानिकले बताएका छन् ।

नोबेल पुरस्कार कमिटिले यसअघि चिकित्सा विज्ञान तर्फको नोबेल पुरस्कार अमेरिकी वैज्ञानिक जेफ्री हल, माइकल रोसबास र माइकल योङलाई तथा भौतिक शास्त्रतर्फको नोबेल पुरस्कार  वैज्ञानिकहरु रेनर वेइस, किप थ्रोन र बेरी बारिसलाई प्रदान गर्ने निर्णय गरेको थियो । 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया