MENU

साहित्य/ कला

Ncell Axiata
NIC Asia

नोबेल साहित्य पुरस्कार बेलायती उपन्यासकार काजुओ इशिगुरोलाई

असोज १९ – यस वर्षको नोबेल साहित्य पुरस्कार बेलायती उपन्यासकार काजुओ इशिगुरोलाई प्रदान गरिएको छ ।

 

बिहीबार स्वीडेनको राजधानी स्टकहोममा आयोजित एक समारोहमा २०१७ को नोबेल साहित्य पुरस्कार ब्रिटिश उपन्यासकार काजुओ इशिगुरोलाई दिइने घोषणा गरिएको हो । जापानी मूलका ब्रिटिश लेखक इशिगुरोको प्रशंसा गर्दै स्वीडिश एकेडेमीले भनेको छ, ‘भावनात्मक शक्तिको सहायताले दुनियाँसगको हाम्रो भ्रमपूर्ण सम्बन्धको अनूभूतिलाई इशिगुरोका कृतिले योगदान पुर्याएका छन् ।’

२०१६ मा अमेरिकी गायक बब डिलनलाई नोबेल साहित्य पुरुस्कार दिँदा विवाद भएको थियो । धेरैले गीतलाई साहित्य विधामा राख्न नसकिने भनेर एकेडेमीकै आलोचना गरेका थिए । 

यस वर्षको नोबेल साहित्यले पनि धेरैलाई आश्चर्यमा पारेको हुन सक्छ । यो पल्ट केन्याली लेखक नगुगी वा थियोङ्गो, क्यानडेली लेखक मार्गरेट एटवुड, जापानी लेखक हारुकी मुराकामीलगायतका साहित्यकारको चर्चा बढी थियो । 

काजुओ इशिगुरोले आठ वटा पुस्तक लेखक छन् भने ४० भन्दा बढी भाषामा अनूदित भएका छन् । उनको सबैभन्दा चर्चित पुस्तकहरुमा ‘द रिमेन्स अफ् द डे’ र ‘नेभर लेट मि गो’ हुन् । यी पुस्तकमा आधारित भएर चलचित्र पनि बनेका छन् । इशिगुरोले एक अन्तर्वार्तामा  ‘द रिमेन्स अफ् द डे’ चार हप्तामै लेखेर सकेको बताएका थिए । 

को हुन् इशिगुरो ?

–इशिगुरो जापानको नागासाकीमा सन् १९५४ मा जन्मेका थिए । बुवाले समुद्र वैज्ञानिकका रुपमा काम पाएपछि उनी पाँच वर्षको उमेरमा बुवासँगै बेलायत सरेका थिए । 
–उनले केन्ट विश्वविद्यालयमा अंग्रेजी र दर्शनशास्त्रको अध्ययन गरेका थिए । 
–उनले युनिभर्सिटी अफ् इस्ट एंग्लियाबाट क्रियटिभ राइटिङमा मास्टर गरेका थिए । जहाँ एन्जेला कार्टर र माल्कोल्म ब्राडबरीजस्ता चर्चित लेखकहरु उनका गुरु थिए । 
–इशिगुरोको थेसिस नै उनको पहिलो उपन्यासका रुपमा प्रकाशित भएको थियो । सन् १९८२ मा प्रकाशित ‘अ पेल भ्यू अफ् हिल्स’ नामको उपन्यासले निकै चर्चा बटुलेको थियो । 
– इशिगुरोले सन् १९८९ मा ‘द रिमेन्स अफ् डे’ का लागि बुकर पुरस्कार प्राप्त गरेका थिए । 

 

प्रतिक्रिया दिनुहोस

सम्बन्धित सामग्रीहरु

  • प्रेम प्यासीको ‘आँसुका थोपा’ सार्वजनिक

    तेह्रथुम, २८ मंसिर –कवि प्रेम प्यासीको पहिलो साहित्यिक कृति ‘आँसुका थोपा’ शोक काव्य बिहीबार सार्वजनिक भएको छ ।

  • स्वरसम्राट नारायण गोपालको २७ औं स्मृति दिवस आज

    काठमाडौं, मंसिर १९ – स्वरसम्राट नारायण गोपालको २७ औं स्मृति दिवस मंगलबार विभिन्न कार्यक्रम गरी मनाईंदैछ । नेपाली सुगम संगीतका अजम्बरी गायक नारायण गोपालको सम्झनामा विभिन्न कार्यक्रम हुँदैछन् ।

  • नारायणगोपाल स्मृति सम्मान गायक रसाइलीलाई

    काठमाडौं, मंसिर १७ – नारायणगोपाल संगीत कोषले यस वर्ष नारायणगोपाल स्मृति सम्मान वरिष्ठ संगीतकार एवं गायक सिके रसाइलीलाई प्रदान गर्ने भएको छ ।

  • कविता - मेरो ओठमा हाँसो सुहाउँछ

    -जब मैले प्रतिवाद गरेँ नि, त्यतिबेला झर्नै आँटेको वीर्य पाइपनलीमै अड्किँदा कसरी छटपटाएका थियौ तिमी हो, त्यो भन्दा कैयौँ पीडा हुन्छ मलाई झर्नै खोजेको आँशु फेरि भित्र धकेलेर फिस्स मुस्कुराउनु पर्दा !

  • १३ जना कविद्वारा लिखित संयुक्त महाकाव्य ‘आरोहण’ सार्वजनिक

    काठमाडौं, मंसिर १६ – नेपाली महाकाव्यको इतिहासमा पहिलोपटक १३ जना कविद्वारा लिखित संयुक्त महाकाव्य ‘आरोहण’ लोकार्पण भएको छ । गिनिज बुक अफ वल्र्ड रेकर्डका लागि समेत महाकाव्य ‘आरोहण’ तयार गरिएकोे प्रकाशक संस्था शिखा बुक्सले जनाएको छ ।

सबै हेर्नुहोस
Skill Training
पछिल्ला समाचारहरु

सोसल मिडिया