MENU

बातावरण-कृषि

Ncell Axiata

लोप हुँदै पाँचऔँले

प्रकाश धौलाकोटी/उज्यालो ।

तेह्रथुम, असोज २४ – पूर्वको तेह्रथुमसहितका पहाडी जिल्लाको उच्च क्षेत्रमा पाइने बहुमूल्य जडीबुटी पाँचऔँले लोप हुने अवस्थामा पुगेको छ । अवैध चोरी निकासीका कारण पाँचऔँले लोप हुँदै गएको हो । यहाँका तेह्रथुम, संखुवासभा, ताप्लेजुङ र पाँचथरका उच्च क्षेत्रमा पाइने पाँचऔँले अवैध चोरी निकासीका कारण पाइनै छाडेको छ । 

अन्तर्राष्ट्रिय बजारमा यसको मूल्य बढेकाले अवैध चोरी निकासी बढेको जडीबुटी व्यवसायीको भनाई छ । जंगलमा पाइने पाँचऔँले अवैध चोरी निकासी भएर ताप्लेजुङ र संखुवासभाको माथिल्लो क्षेत्रको नाका भएर चीन र तिब्बततर्फ समेत पुग्ने गरेको छ । जेठदेखि असार महिनासम्म फूल फुल्ने यो वन पैदावरको असोज महिनामा फल टिप्नु पर्छ ।

तर यसको मूल्य बढेकाले समय अगावै पाँचऔँले टिपेर बिक्री हुने गरेकाले जंगलमा बिऊ समेत मासिन थालेको तीनजुरे हातिसार सामुदायिक वन उपभोक्ता समूहका पूर्वअध्यक्ष डम्बरबहादुर बुढाथोकीले बताउनुभयो ।

५–७ वर्ष अघिसम्म पाँच औँले पर्याप्त पाइने क्षेत्रमा अहिले छिटपुट मात्रै पाइने गरेको स्थानीय बासिन्दा बताउँछन् । तेह्रथुम, संखुवासभा र ताप्लेजुङको संगमस्थल तीनजुरे–मिल्के–जलजले क्षेत्रमै पनि यो महत्वपूर्ण जडीबुटी पाइने गरेको थियो । तर अहिले पाइन छाडेको गुफाका व्यवसायी हरि खनालले बताउनुभयो । 

 

प्रतिक्रिया दिनुहोस

सम्बन्धित सामग्रीहरु

  • बिहान र साँझमा मात्रै कराउने चिरकालिज लोप हुने अवस्थामा

    म्याग्दी, कात्तिक २ – विश्वमा नै संकटापन्न र नेपालका लागि दुर्लभ मानिने चिरकालिज वासस्थान र उचित वातावरण अभावका कारण नेपालबाट लोप हुने अवस्थामा पुगेको छ ।

  • यो वर्षको मनसुन सकियो

    काठमाडौं, असोज ३१ – यो वर्षको मनुसन सकिएको छ । यो वर्ष २३ दिन ढिलो गरी मनसुन सकिएको जल तथा मौसम पूर्वानुमान महाशाखाले जनाएको छ । २ दिन ढिला गरी जेठ १२ गते सुरु भएको मनसुन २३ दिन लम्बिएको हो ।

  • तेह्रथुमबाट १४ करोडको तरकारी निर्यात

    तेह्रथुम, असोज ३० – पूर्वी पहाडी जिल्ला तेह्रथुमबाट आर्थिक वर्ष २०७३/०७४ मा झण्डै १४ करोड रुपैयाँ बराबरको तरकारी निर्यात भएको छ ।

  • भारतीय आयातित माछाले नेपाली किसानलाई समस्या

    मोरङ, असोज २९ – माछा उत्पादक किसानको समस्याको रुपमा भारतीय आयातित माछा रहेको किसानरुले बताएका छन् । भारतबाट माछा आयात हुँदा नेपाली किसान प्रत्यक्ष मारमा पर्दै आएको भए पनि त्यसलाई बिस्थापनको लागि अझै पहल नभएको बताएका हुन ।

  • तेह्रथुमबाट साढे चार करोड रुपैयाँको अदुवा निर्यात

    प्रकाश धौलाकोटी/उज्यालो । तेह्रथुम, असोज २९ – तेह्रथुमबाट आर्थिक वर्ष २०७३÷०७४ मा साढे चार करोड रुपैयाँ भन्दा बढीको अदुवा जिल्लाबाहिर निर्यात भएको छ । जिल्ला कृषि विकास कार्यालयको तथ्यांक अनुसार वर्ष ४ करोड ७० लाख रुपैयाँ भन्दा बढीको अदुवा जिल्लाबाहिर निर्यात भएको हो ।

सबै हेर्नुहोस
Joktantra
पछिल्ला समाचारहरु

सोसल मिडिया