MENU

राजनीति

Ncell Axiata

भक्तपुरमा माओवादी केन्द्रका उम्मेदवार सिफारिस

भक्तपुर, असोज २४ – आसन्न प्रतिनिधिसभा र प्रदेशसभा चुनावमा भक्तपुरका लागि माओवादी केन्द्रले उम्मेदवारका आकांक्षीको नाम सिफारिस गरेको छ । 

भक्तपुर निर्वाचन क्षेत्र नं. १ मा प्रतिनिधिसभा प्रत्यक्षतर्फ पार्टीका जिल्ला संयोजक डिपी ढकाल र सह–इन्चार्ज सुरेश न्यौपानेको नाम सिफारिस भएको माओवादी केन्द्र जिल्ला कमिटीले जानकारी दिएको छ । त्यस्तै क्षेत्र नं. २  मा नयाँ शक्ति पार्टीबाट माओवादी प्रवेश गरेका जुजुभाई राजथला र ओम वाग्लेको नाम सिफारिस गरेको छ । 

त्यसैगरी प्रदेशतर्फ क्षेत्र नं. १ को प्रदेश नं. १ मा प्रत्यक्षतर्फ मिलन सुवाल, सुनिल वासु गोठे, साजन सिजापती र तुलसीभक्त सुवालको नाम सिफारिस भएको छ । प्रदेश नं. २ मा दिलिपकुमार प्रजापती, कृष्णलाल गोजाश्रेष्ठ र बालकृष्ण दुगुको नाम सिफारिस भएको छ । 

यता निर्वाचन क्षेत्र नं. २ को प्रदेश नं. १ मा राजेन्द्र कार्की, साुनकान्छा आलेमगर, दीपक न्यौपाने र प्रदेश नं. २ मा सुदर्शन पराजुली, रामशरण दाहाल, शंकर पोखरेल र कान्छा तामाङ्गको नाम सिफारिस भएको कमिटीले जानकारी दिएको छ । 

प्रतिनिधिसभा र प्रदेशसभाको समानुपातिकतर्फ भने देवेन्द्र श्रेष्ठ, उर्मिला श्रेष्ठ, ओमचरण अमात्य, उमा कपाली, भावना श्रेष्ठ, कृष्णहरी सैजू, विरु तामाङ्ग सुदिप, राजकुमार हेङ्गमाङ्ग, बविता प्रजापती, सरिता सुवाल, सुचित्रा श्रेष्ठ, शान्तराम भट्टराई, दिलकृष्ण श्रेष्ठ, सानुकान्छा आलेमगर, अञ्जु न्यौपाने लगायतको नाम सिफारिस भएको छ । 

उम्मेदवारीका लागि आकांक्षीको नाम पार्टीको केन्द्रमा पेश गरेपनि वाम तालमेल अनुसार शीर्षस्थ तहबाट गरिने निर्णयलाई नै अन्तिम निर्णय मानेर चुनावी कार्यक्रममा लाग्ने जिल्ला संयोजक डिपी ढकालले जानकारी दिनुभयो ।  

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया