MENU

मनोरञ्जन

Ncell Axiata

दिमाग घरमा छोड्नुस् , फाटेको जुत्ता लगाएर सित्तैमा सिनेमा हेर्नुस्

काठमाडौं, असोज २४ – निकेश खड्काको निर्देशन रहेको सिनेमा फाटेको जुत्ताले एउटा स्किम ल्याएको छ ।  कात्तिक १७ देखि प्रदर्शनमा आउने तयारीमा रहेको सिनेमा फाटेको जुत्ताले सामाजिक सञ्जालमा फाटेको जुत्ता पोस्ट गरेर सिनेमाको पेजमा ट्याग गर्ने दर्शकलाई नै नयाँ जुत्ता उपहार दिने भएको छ ।  यस योजना अन्तर्गत दुई सय ५० जनालाई नयाँ जुत्ता उपहार दिइनेछ ।  हरेक हप्ता लक्की ड्रबाट छानेका  विजेतालाई फाटेको जुत्ता टिमले घरैमा जुत्ता पुर्याईदिने व्यवस्था गरेको छ । सिनेमाका निर्माता अर्जुन कुमारसँग कुराकानी यस्तो छ । 

फाटेको जुत्ता भन्ने जुन जुक्ती निकाल्नु भएको छ नि । यो खासमा के हो ?

तपाईसँग भएको फाटेको जुत्ता लगाएर आफ्नो खुट्टाको मात्र फोटो खिचेर फेसबुकमा पोष्ट गरेर हामीलाई ट्याग गर्नुहोला । किनभने ट्याग गरेपछि कसले–कसले गर्यो भन्ने थाहा हुन्छ नि । त्यहीबाट हामी लक्की ड्र गर्छौ र विजेता छान्छौं । 

– एउटा मान्छेले कति वटासम्म फाटेको जुत्ता लगाएर फोटो पोस्ट गर्न सक्छ ?

एउटा मान्छेसँग दुई तीन जोर छ भने त्यसको तस्विर पठाउन सक्छ । तर, फोटोमा तपाईको खुट्टा आउनुपर्यो । नभए त कतिले गुगलबाट पनि खोजेर पठाउनु हुन्छ । हामीले दुई सय ५० जोर जुत्ता बाँड्दैछौँ । 

जुत्ता एउटा मात्र फाटेको हुनुपर्ने हो कि दुई वटा नै फाटेको हुनुपर्छ ? 

 एउटा मात्र फाटेको भएपनि केही फरक पर्दैन । जोडी जुत्ता लगाएर फोटो खिच्नुपर्यो । तर त्यो फाटेको पुरानो भने हुनुपर्छ ।

फाटेको जुत्ता लगाएर आउनेलाई सित्तैमा सिनेमा हेर्ने अवसर मिल्छ रे भन्ने पनि सुनेका थियौं । यो के हो ?

यो चाहिँ हामीले सिनेमा रिलिज भएपछि गर्ने स्किम हो । सिनेमा हलमा फाटेको जुत्ता लाएर आउनेलाई मात्रै हामीले सिनेमा सित्तैमा देखाउने योजना बनाउदै छौँ ।  

तपाईहरुले यो सिनेमाको नाम किन यति गरिब राख्नु भएको ?

गरिब देशमा गरिब नागरिक छन् । सबै जना गरिब हुनुहुन्छ । के गर्नु हुदाँहुदै निर्देशक र निर्माता पनि गरिब छन् । (लामो हाँसो )‘फाटेको जुत्ता’ नाम गरिब भएपनि सिनेमा भित्र गहिराई भने पक्कै रहेको छ । 

– प्रचार प्रसारमा कलाकारहरु जुट्नु पर्ने हो । तर तपाईहरुले ‘फाटेको जुत्ता’संकलन गर्न थाल्नुभयो  । यो आखिर किन ?

कलाकारलाई हामीले एउटा सिनेमाको लागि लियौँ । अहिलेलाई कलाकारलाई मात्र जोगाएर राख्नुपर्ने अवस्था छैन । यो एउटा टिम हो । प्रचारप्रसार गर्न शैली हो । हामीलाई यो स्किम रमाइलो लाग्यो । हामीलाई कम्पनीले जुत्ता पनि दिएको छ । त्यसलाई के गर्ने भन्दा दर्शकलाई दिउँ न त भन्ने हो । आएको कुरा दिदाँ दर्शकहरु प्नि खुशी नै बन्नु हुन्छ । 

– दर्शकहरुले कुन कम्पनीको जुत्ता पाउँछन ?

हामीसँग तीनवटा कम्पनी छ । ब्रान्डको नाम भने अहिले नै नखुलाउ होला ।

– फाटेको जुत्तालाई कस्तो सिनेमा भन्न मिल्छ ?

यो सिनेमा हेर्न तपाई दिमाग घरमा राखेर आउनुहोस् । सिनेमाको मज्जा आनन्दसँग लिनुहोस् । ‘छक्का पन्जा’ जस्तै हो । बल्ल बल्ल सिनेमा हेर्न आएको हुन्छ आफ्नो परिवारसँग कहाँ दिमाग लिएर आउनु । सिनेमा भनेको मज्जा लिनको लागि हो । यो कमेडी जनरामा बनेको सिनेमा हो । यो बोर्डर साइडमा जुन क्राइम हुन्छ नि त्यसमा आधारित छ । त्यहाँ हुने अपराधलाई हामीले कमेडी रुपमा प्रस्तुत गरेका छौ ।

– समीक्षकले के दियो के छ भनेर हेर्छन् । तपाईको सिनेमाको पनि समीक्षा आउलाँ । फेरि तपाई दिमाग घरमा राखेर आउनु भन्नु हुन्छ ।  समीक्षकलाई  के भन्नुहुन्छ ?

हामीले सिनेमा बनाउने भनेको समीक्षकको लागि होइन । उहाँहरुले आफ्नो पारामा समीक्षा गर्नुहुन्छ । त्यो उहाँहरुको अधिकार हो । उहाँहरुको समीक्षालाई किन गरिस् ? भन्न पनि मिलेन । तर, मैले सिनेमा बनाउने समीक्षकको लागि भने होइन । म दर्शकको लागि सिनेमा बनाउँछु । सिनेमा राम्रो भयो भने हाम्रो हातमा जित भयो । फ्लप भयो भने हार भयो । 

उज्यालो र www.gufgaff.com को सहकार्य

 

 

 

 

 

 

 

 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया