MENU

राजनीति

Ncell Axiata
NIC Asia

गोरखाका दुवै क्षेत्र माओवादीले नछाड्ने, बाबुरामलाई काठमाडौंमा उठ्न सुझाव

प्रकाश ढकाल/उज्यालो ।

काठमाडौं, असोज २५ – वाम गठबन्धनका लागि तीन दलका प्रतिनिधि सम्मिलित कार्यदलले निर्वाचन क्षेत्र निर्धारणको काम गोप्य रुपमा गरिरहेको छ । एमाले र माओवादीबिच भएको सहमतिअनुसार अन्य वामपन्थी दललाई दिएर बाँकी रहेको क्षेत्रमा दुई दलले ६० र ४० प्रतिशतको आधारमा क्षेत्र बाँड्दैछन् ।क्षेत्र बाड्ने काम भइरहँदा नयाँ शक्ति पार्टीका संयोजक डा. बाबुराम भट्टराईलाई कुन क्षेत्रबाट चुनावमा उठाउने भन्ने विषय तीन दलबिच पेचिलो रुपमा उठेको छ । भट्टराईले यसअघि नै गोरखा–२ बाट उठ्ने बताए पनि त्यहाँ माओवादी केन्द्रका नेता नारायणकाजी श्रेष्ठले पनि उठ्ने तयारी गर्नुभएको छ । 

गोरखा–१ मा माओवादीका अर्का नेता हितराज पाण्डे वा चुणामणि खड्कालाई टिकट दिनुपर्ने बाध्यतामा अध्यक्ष पुष्पकमल दाहाल प्रचण्ड हुनुहुन्छ । यसो हुँदा वाम गठबन्धनमा आबद्ध हुनुभएका नयाँ शक्तिका संयोजक बाबुराम भट्टराईलाई काठमाडौंबाट चुनाव उठाउनु पर्ने छलफल वाम गठबन्धनभित्र हुन थालेको छ । यो विषय क्षेत्र बाँडफाँड कार्यदलमा पनि प्रवेश पाइसकेको नेताहरुले बताएका छन् ।

माओवादी केन्द्रले काठमाडौंमा क्षेत्र नम्बर १, ६, र १० दाबी गरेको छ । यी तीनमध्ये बाबुरामलाई काठमाडौं–६ बाट उम्मेद्वार बनाउनेबारे छलफल सुरु भएको छ । माओवादी केन्द्रका अध्यक्ष पुष्पकमल दाहाल प्रचण्ड निकट स्रोतले उज्यालो अनलाइनसँग भन्यो ‘गोरखामा नेताहरुको व्यवस्थापका कारण बाबुराम जीलाई टिकट दिन मुस्किल छ । त्यसो हुँदा उहाँलाई काठमाडौं–६ मा उम्मेद्वार बनाउने विषयमा कुराकानी भइरहेको छ ।’

स्थानीय तहको चुनावमा नयाँ शक्ति र माओवादीबीच भोट बाँडिदा गोरखाका नौवटै क्षेत्र नेपाली कांग्रेसले जितेको छ । नयाँ शक्तिका कारण आफ्नो प्रभाव क्षेत्रमै हार्नु परेको निष्कर्ष निकाल्दै माओवादी कार्यकर्ताहरु भट्टराईप्रति रुष्ट बनेको ती नेताको भनाइ छ । जसका कारण पनि भट्टराईलाई काठमाडौंबाट उठाउनु पर्ने आवाज माओवादीभित्र उठेको छ ।

काठमाडौं–६ मा २०७० को चुनावमा कांग्रेसका भीमसेन दास प्रधानले जित्नुभएको थियो । एमालेबाट योगेश भट्टराई र माओवादीबाट हिमाल शर्मा उम्मेद्वार बन्नुभएको थियो । अहिले योगेश भट्टराई ताप्लेजुङबाट सिफारिस भएकाले काठमाडौं–६ बाट बाबुरामलाई वाम गठबन्धनबाट उठाउन सहज पनि छ ।

काठमाडौं–६ स्थानीय चुनावको परिणामअनुसार वामपन्थी दलहरु कांग्रेस राप्रपाभन्दा बलियो देखिएको छ । जहाँ एमाले माओवादीको भोट १९ हजार ४ सय छ भने कांग्रेस राप्रपाको मत १४ हजार ७ सय मात्र छ । 

 

प्रतिक्रिया दिनुहोस

सम्बन्धित सामग्रीहरु

  • केन्द्र र प्रदेश सरकार कसरी बन्छन् ?

    काठमाडौं, मंसिर २७ –चुनावबाट प्रत्यक्षतर्फ १ सय ६५ जना र समानुपातिकतर्फ १ सय १० गरी संघीय संसदमा जम्मा २ सय ७५ जना सांसद चुनिन्छन् । संघीय संसद अर्थात प्रतिनिधिसभाको अवधि पाँच बर्षको हुनेछ ।

  • सरकारले सात प्रदेशमा संयोजक तोक्न मिल्दैन : नेता नेपाल

    काठमाडौं, मंसिर २७ –एमाले नेता माधवकुमार नेपालले मुलुकमा काम चलाउ सरकारले सात प्रदेशमा प्रतिनिधि तोक्न नमिल्ने बताउनुभएको छ ।

  • सोलुखुम्बुमा १८ जनामध्ये १२ जनाको जमानत नै जफत

    प्रतिनिधिसभा र प्रदेशसभा सदस्यका लागि सोलुखुम्बुबाट उम्मेदवार बनेकामध्ये विजेता र उपविजेता बाहेक सबैको जमानत जफत भएको छ । सोलुखुम्बुबाट १८ जना प्रतिनिधिसभा र प्रदेशसभा सदस्यका लागि उम्मेदवार बनेकोमा १२ जनाको जमानत जफत भएको छ । प्रतिनिधिसभा र प्रदेशसभा सदस्य निर्वाचन ऐन २०७४ अनुसार उम्मेदवार बनेका सोलुखुम्बुबाट १८ जनामध्ये १२ जना उम्मेदवारले निर्वाचन ऐन अनुसारको मत ल्याउन नसक्दा जमानत जफत भएको हो ।

  • रेशम चौधरीको प्रमाणपत्र निर्वाचन आयोगमा पठाइयो

    कैलाली, मंसिर २७ –कैलाली निर्वाचन क्षेत्र नम्बर १ बाट प्रतिनिधिसभामा विजयी टिकापुर घटनाका मुख्य योजनाकारको आरोप लागेका रेशम चौधरीको प्रमाणपत्र निर्वाचन आयोग काठमाडौं पठाइएको छ ।

  • ‘लाल’ नेपालसँग कस्तो व्यवहार गर्छ ‘गेरु’ भारत ?

    मंसिर २६ –२७५ सिट रहेको प्रतिनिधिसभाका लागि प्रत्यक्षतर्फबाट १६५ र समानुपातिकतर्फ ११० जना सांसद चुनिनेछन् ।

सबै हेर्नुहोस
Skill Training
पछिल्ला समाचारहरु

सोसल मिडिया