MENU

राजनीति

Ncell Axiata
NIC Asia

​कांग्रेस एमालेबिच कुरा नमिलेपछि राष्ट्रिय चिकित्सा शिक्षा विधेयक पारित भएन

काठमाडौं, असोज २६ – नेपाली कांग्रेस र नेकपा एमालेबिच सहमति जुट्न नसकेपछि संसदबाट राष्ट्रिय चिकित्सा शिक्षा विधेयक पारित भएन । 

विधेयकको प्रस्तावनादेखि सम्बन्धनको प्रक्रियासम्म राजनीतिक दलबिच विवाद भएपछि विधेयक संसदमै रोकिएको छ । संसदीय समितिले तयार पारेको प्रतिवेदनमा सरकारले अनशनरत डा. गोविन्द केसीको माग सम्बोधन हुने गरी पारित गराउन खोजे पनि एमालेको विरोधका कारण विधेयक अगाडि बढ्न नसकेको हो । 

विवादका कारण विधेयक रुपान्तरिक संसदबाट पारित नहुने लगभग निश्चित भएको छ । भोलि अन्तिम बैठक बस्ने भए पनि विवाद सुल्झन सकेको छैन । बिहीबार बिहान सभामुखले विधेयकबारे मुख्य दलका नेताहरुसँग छलफल गरे पनि आफ्नो अडानबाट पछि नहट्ने बताएपछि आज संसदबाट पारित हुन नसकेको हो । कांग्रेस विधेयकको प्रस्तावना र कलेज सम्बन्धनलाई डा. केसीको मागअनुसार अगाडि बढाउन समितिको प्रतिवेदन संशोधनको पक्षमा उभिएको छ । 

नेकपा एमाले भने समितिले पारित गरेको प्रतिवेदनका आधारमा विधेयक पारित गर्ने पक्षमा छ । समितिले प्रतिवेदन तयार पारी दसैँअघि नै संसदमा प्रस्तुत गरेपनि विवादका कारण विधेयक पारित हुन सकेको छैन । यस्तै राष्ट्रिय सभा सदस्य निर्वाचन सम्बन्धी विधेयक पनि अहिलेको संसदबाट पारित नहुने संभावना बढेको छ ।

प्रतिक्रिया दिनुहोस

सम्बन्धित सामग्रीहरु

  • केन्द्र र प्रदेश सरकार कसरी बन्छन् ?

    काठमाडौं, मंसिर २७ –चुनावबाट प्रत्यक्षतर्फ १ सय ६५ जना र समानुपातिकतर्फ १ सय १० गरी संघीय संसदमा जम्मा २ सय ७५ जना सांसद चुनिन्छन् । संघीय संसद अर्थात प्रतिनिधिसभाको अवधि पाँच बर्षको हुनेछ ।

  • सरकारले सात प्रदेशमा संयोजक तोक्न मिल्दैन : नेता नेपाल

    काठमाडौं, मंसिर २७ –एमाले नेता माधवकुमार नेपालले मुलुकमा काम चलाउ सरकारले सात प्रदेशमा प्रतिनिधि तोक्न नमिल्ने बताउनुभएको छ ।

  • सोलुखुम्बुमा १८ जनामध्ये १२ जनाको जमानत नै जफत

    प्रतिनिधिसभा र प्रदेशसभा सदस्यका लागि सोलुखुम्बुबाट उम्मेदवार बनेकामध्ये विजेता र उपविजेता बाहेक सबैको जमानत जफत भएको छ । सोलुखुम्बुबाट १८ जना प्रतिनिधिसभा र प्रदेशसभा सदस्यका लागि उम्मेदवार बनेकोमा १२ जनाको जमानत जफत भएको छ । प्रतिनिधिसभा र प्रदेशसभा सदस्य निर्वाचन ऐन २०७४ अनुसार उम्मेदवार बनेका सोलुखुम्बुबाट १८ जनामध्ये १२ जना उम्मेदवारले निर्वाचन ऐन अनुसारको मत ल्याउन नसक्दा जमानत जफत भएको हो ।

  • रेशम चौधरीको प्रमाणपत्र निर्वाचन आयोगमा पठाइयो

    कैलाली, मंसिर २७ –कैलाली निर्वाचन क्षेत्र नम्बर १ बाट प्रतिनिधिसभामा विजयी टिकापुर घटनाका मुख्य योजनाकारको आरोप लागेका रेशम चौधरीको प्रमाणपत्र निर्वाचन आयोग काठमाडौं पठाइएको छ ।

  • ‘लाल’ नेपालसँग कस्तो व्यवहार गर्छ ‘गेरु’ भारत ?

    मंसिर २६ –२७५ सिट रहेको प्रतिनिधिसभाका लागि प्रत्यक्षतर्फबाट १६५ र समानुपातिकतर्फ ११० जना सांसद चुनिनेछन् ।

सबै हेर्नुहोस
Skill Training
पछिल्ला समाचारहरु

सोसल मिडिया