MENU

समाज

Ncell Axiata

पर्यटक भिसामा युएई पुगेका १५ युवालाई फर्काइयो, चार जना दलाललाई कारबाहीका लागि सिफारिस

काठमाडौं, असोज २७ – पर्यटक भिसामा युएई पुगेर अलपत्र परेका १५ जना युवालाई नेपाल फर्काइएको छ । 

युएईस्थित नेपाली दूतावासको समन्वय तथा आइओएम नेपाल र एनआरएनए एनसिसी युएईको सहयोगमा बिहीबार उनीहरुलाई नेपाल फर्काइएको हो । खर्च अभावमा खानेबस्ने समस्या भएपछि उनीहरु १० दिन दूतावासको सेल्टरमा बसेका थिए । 

अलपत्र परेर फर्कनेहरुमा मकवानपुरका सुनिल राउत, भिमबहादुर बम्जन, नवराज लो, सुन्दर तामाङ्ग, दिपेन्द्र साम्देन र सुकुराम थिङ छन् । त्यस्तै, बाग्लुङका इन्द्रबहादुर थापा र राजु थापा, नवलपरासीका कृष्णबहादुर भुजेल, सल्यानका कमल बुढाथोकी, तनहुँका ज्ञानबहादुर तामाङ, गोरखाका चन्द्रबहादुर गुरूङ, बाँकेका तुलसीप्रसाद शर्मालाई नेपाल फर्काइएको छ । 

सिन्धुपाल्चोकका  फुञ्जो तामाङ र काभ्रेपलाञ्चोक नरेश तामाङलाई भने यसअघि नै नेपाल फर्काइएको छ । मकवानपुरका सिमोन बम्जनको पासपोर्ट हराएकाले ‘पुलिस क्लियरेन्स’ पछि मात्रै नेपाल फर्काइने छ । 

मोटो रकम लिइ ठगेको भनेर पीडितहरुले दिएको उजुरीका आधारमा इश्वरी भण्डारी, केशव थापा, दिनेश लामा मोक्तान, रामेश कांमरलाई कारबाहीका लागि सिफारिस गरिएको दूतावासले जनाएको छ । 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया