MENU

बातावरण-कृषि

Ncell Axiata
NIC Asia

बँदेलले बाली खाँदा किसान मर्कामा

इलाम, कात्तिक ७ – इलामको रोङ गाउँपालिकामा लगाएको नगदेबाली बँदेलले खाएर नष्ट पारेको छ । किसानले लगाएको बाली खाइदिने गरेकाले किसान मर्कामा परेका छन् ।

जंगली जनावर बँदेलको समूहले किसानले लगाएको खाद्यबाली इस्कुस, आलु, पिडालु, तरुल, सिमी, कोदोलगायतका बाली खाएर नास पारिदिने गरेको स्थानीय किसान गिरीराज प्रधानले बताउनुभयो ।  

उहाँले भन्नुभयो ‘दैनिक जसो रातको समयमा बँदेलको समूहले आफूले लगाएको इस्कुसको जरा समेत खान थालेको छ ।’ बँदेलको रजाईका कारण तरकारी समेत किनेर खानुपर्ने अवस्था सिजर्ना भएको प्रधानको गुनासो छ । 

पछिल्लो समयमा बँदेलले अलैंचीमा लगाएको मल खनेर अलैंचीको बोट समेत मार्न थालेकाले समस्या बढ्दै गएको बताइएको छ । बँदेलको समूहका कारण रोङका किसानलाई नियमित घाँस दाउराको लागि जंगल जान समेत समस्या हुन थालेको छ ।  

विगत लामो समयदेखि रोङका किसानहरु बँदेलबाट पीडित बन्दै आइरहेका छन् ।  अहिलेसम्म सरकारी निकायबाट कुनै सहयोग नपाएको किसानको गुनासो छ । 

 

 

 

 

 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस

सोसल मिडिया