MENU

साहित्य/ कला

‘आधुनिक नेपालको इतिहास (१७४३–१८५५) महत्वपूर्ण विषयहरुको समीक्षा’ विमोचित

काठमाडौं, कात्तिक ९ – लेखक लक्ष्मण पन्तको ‘आधुनिक नेपालको इतिहास (१७४३–१८५५) महत्वपूर्ण विषयहरुको समीक्षा’ नामक पुस्तकको विमोचन गरिएको छ । 

बिहीबार नेकपा माओवादी केन्द्रका अध्यक्ष पुष्पकमल दाहाल प्रचण्डले पुस्तक विमोचन गर्नुभएको हो । लेखक पन्त माओवादी केन्द्रका सचिवालय सदस्य तथा अन्तर्राष्ट्रिय ब्यूरो प्रमुख पनि हुनुहुन्छ । 

‘इतिहास लेखनको विषय निकै ठूलो जिम्मेवारीको विषय हो । इतिहासदेखि वर्तमानसम्म दुई प्रवित्तिमा इतिहासको ब्याख्या गरिएको पाइन्छ । एउटा ऐतिहासिक आदर्शवादी दृष्टिकोण अर्को ऐतिहासिक भौतिकवादी दृष्टिकोण । भौतिकवादी दृष्टिकोणमा समाजको तात्कालिन वस्तुगत अवस्थालाई ध्यान दिएर विज्ञानमा आधारित ब्याख्या गर्ने हुन्छ । जहाँ जनताको भूमिकाको पनि ब्याख्या हुन्छ । अहिले इतिहासको यस्तैखाले ब्याख्याको आवश्यकता छ’ अध्यक्ष प्रचण्डले भन्नुभयो, ‘मानिसहरुबिचको आपसी सम्बन्धबारे कुरा उठाउने हुँदा भौतिकवादी दृष्टिकोण राम्रो मानिन्छ । नेपालमा भौतिकवादी दृष्टिकोणबाट इतिहास लेख्ने जमर्को थोरै मात्र भएको पाइन्छ । लक्ष्मण पन्तले आधुनिक नेपालको इतिहासबाट यही प्रक्रियाको थालनी गर्नुभएको छ । यसलाई पूर्णता दिनका लागि अझ धेरै मेहनत, अध्ययन र अनुसन्धान गर्नुपर्ने छ ।’

जनयुद्धकै समयमा भारत जबलपुरमा हुँदा सँगै बसेको खाएको सम्झँदै उहाँले लेखक पन्तको मेहनती र सक्रिय स्वभावको ब्याख्या पनि गर्नुभयो । पात्र, प्रवृति र प्रवाह फेरिएकोले साथै महत्वपूर्ण घटनाक्रम २००७ सालपछि पनि दूरगामी रुपमा भएकाले ०७ सालपछिका घटनाक्रमबारे पनि लेख्न उहाँले लेखकलाई सुझाव दिनुभयो । 

यस्तै पुस्तकको समीक्षा गर्दै नेकपा एमालेका नेता तथा लेखक प्रदीप ज्ञवालीले अंग्रेजी लेखकका धारणामा आधारित भएर नेपालको इतिहास हेर्नुपर्ने अवस्थाको अन्त्य हुँदै गएको बताउनुभयो । नेपाल एकीकरणलाई कसरी हेर्ने ?, सुगौली सन्धी आसपासको विषय र २००७ सालको स्थितिबारे पुस्तकमा नयाँ ढंगले उल्लेख भएको छ । 

यस्तै पुस्तकको समीक्षा गर्दै कान्तिपुर दैनिकका प्रधान सम्पादक सुधीर शर्माले अध्ययन, खोज र विश्लेषणसहितको पुस्तक आएकोले खुशी लागेको बताउनुभयो । ‘घटनाक्रम र विवरणसहित आफ्नो दृष्टिकोण र मूल्याकंन पनि भएकाले पुस्तक पठनीय छ’ उहाँले भन्नुभयो । 

लेखक पन्तले नेपालीको दशा र दुर्दशाको अवलोकन गर्दा इतिहास के रहेछ भनेर जान्ने चाहना बढेकाले इतिहासको अध्ययन, अनुसन्धान गरेर पुस्तक लेखेको बताउनुभयो । जागरण बुक हाउसले निकालेको ५ सय ४८ पेजको पुस्तक ‘आधुनिक नेपालको इतिहास (१७४३–१८५५) महत्वपूर्ण विषयहरुको समीक्षा’ को मूल्य ६ सय ९९ रुपैयाँ राखिएको छ । 

Mitsubishi

प्रतिक्रिया दिनुहोस

सम्बन्धित सामग्रीहरु

  • ​साहित्य यात्रा सगरमाथा सँगसँगै : सगरमाथा हेर्दै रचना वाचन

    ओखलढुंगा, चैत २९– नयाँ वर्षको पूर्व सन्ध्यामा नयाँ वर्ष मनाउनेहरुका विभिन्न कार्यक्रमका सूची तयारी भैसके । घुमफिर, भेटघाट, वनभोज, सांस्कृतिक कार्यक्रमको आयोजनाजस्ता कार्यक्रममा नेपालीहरु व्यस्त हुन्छन् ।

  • प्याकुरेलको कथा सङ्ग्रह ‘झुल्या कागत’ विमोचन

    काठमाडौं चैत २५ – कथाकार प्रमोद प्याकुरेलको पहिलो कथा सङ्ग्रह ‘झुल्याकागत’ विमोचन भएको छ ।

  • राजा सिद्धीनरसिंह मल्लले लेखेका गीतको एल्बम सार्वजनिक

    काठमाडौं, चैत २४ – राजा सिद्धीनरसिंह मल्लले लेखेका ३६ वटा गीत संग्रहित गीति एल्बमको शनिबार लोकार्पण गरिएको छ ।

  • कुहिराे

    मैले लगाएको चोट खप्न नसकेर आमा मैलो मजेत्रोले अाँसु पुछ्नुहुन्थ्यो । क्षयरोग सर्ने डरले व्यथा किटान भएदेखि नै आमाका लुगाहरूसम्म कसैले धुने आँट गरेनन् । सानै उमेरदेखि मेरो स्वभाव एकलकाटे थियो । साथीहरू कोहीसँग पनि घनिष्ट सम्बन्ध बनाउन सकिनँ मैले । मैले भनेको कुरामा साथीहरू असहमत हुँदा पटक पटक सिँगौरी खेलेको छु मैले ।

  • कम्युनिस्ट हुन रक्सी पिउँदा‍...

    प्रतिदिनजस्तै भेट्ने, एउटा न एउटा कार्यक्रममा लैजाने, भाषण गर्न लगाउने, पुस्तक पढ्न दिने, रेस्टुराँमा लगरे ख्वाउने, अनि आत्मीयता प्रदर्शन गरेर वशीभूत पार्ने प्रयास गरिरहनुहुन्थ्यो । तर कतिपय कुरामा मेरो आफ्नै तौरतरिका र अडान रहन्थे । कहिलेकाहीँ तर्क गरेर उहाँका कुरा काट्ने, केही शास्त्रीय विचारका अडान राख्ने गर्दथेँ । पतलुन लाउँदैनथेँ, मदिरा पिउँदैनथेँ

सबै हेर्नुहोस
Skill Training
पछिल्ला समाचारहरु

सोसल मिडिया