MENU

साहित्य/ कला

​कवि विप्लव प्रतीकको उपन्यास ‘अविजित’ सार्वजनिक

काठमाडौं, कात्तिक ११ – मलाई मन छ म  भएको कसैलाई थाहै नहोस 

                                      मलाई मन छ म गएको कसैलाई थाहै नहोस ।

कवि विप्लव प्रतीकका यी पंक्तिहरु वाचन गर्दै भुपेन्द्र खड्काले कार्यक्रम सुरु गरे । सँधै रात्रिकालीन जीवनले व्यस्त हुने दरबार मार्गको क्लब डेजाभूमा शनिबार दिउँसो भने भिन्न माहोल थियो । गीत संगीतले मदहोस हुने क्लबमा शनिबार भने साहित्यिक माहोल छाएको थियो । प्रसंग थियो, कवि विप्लव प्रतीकको पहिलो उपन्यास ‘अविजित’ को विमोचन समारोह ।

‘नहारेको मान्छे’ कविता संग्रह, केही फुटकर कविता, केही फ्रान्सेली  र रसियन भाषाका कवितापछि प्रतीक ‘अविजित’ माफर्त आख्यान क्षेत्रमा प्रवेश गरेका छन् । विश्वप्रसिद्ध ग्रामी विजेता डिप्लो अर्थात टमस वेस्ले पेन्ज तथा बेलायती आर एण्ड बि गायक जे सिनसमेतले प्रस्तुति दिएको क्लब डे जाभूमा विप्लव प्रतीकको उपन्यास विमोचन गर्न उपस्थित भएका थिए कांग्रेस नेता तथा चिन्तक प्रदिप गिरी, शिक्षाविद केदारभक्त माथेमा तथा वरिष्ठ कवि तथा गीतकार दुर्गालाल श्रेष्ठ । शनिबारको पुस्तक विमोचन कार्यक्रम केही पृथक शैलीमा गरिएको थियो । 

पुस्तकका बारेमा बोल्दै प्रदिप गिरीले उपन्यासले केबल यसको पात्र र लेखकको जीवन दर्शनभन्दा पनि नेपाली राजनीतिको एउटा कालखण्डलाई प्रस्तुत गरेको बताउनुभयो । उहाँले प्रतीकको उपन्यास ‘अविजित’ लाई ‘पिरियड उपन्यास’ का रुपमा चित्रण गर्न सकिने बताउनुभयो । कांग्रेस नेता गिरीले उपन्यासले २०४६ सालको जनआन्दोलनदेखि २००७ सालको प्रजातन्त्र स्थापनाको घटनालाई समेत समेटेको बताउँदै उपन्यास पाठकको मन तान्न सफल हुने बताउनुभयो । 

त्यस्तै शिक्षाविद केदारभक्त माथेमाले उपन्यासले काठमाडौं उपत्यकाको संस्कृतिलाई समेटेको बताउनुभयो । उपन्यासमा नेवारी परिकारदेखि नेवारी संस्कृतिसम्म समेटिएको छ । माथेमाले उपन्यासले पाठकलाई सुरुदेखि अन्तसम्म बाँध्न सफल भएकामे बताउनुभयो । 

कवि दुर्गालाल श्रेष्ठले आफूले थोरै मात्र पढे पनि उपन्यास चलचित्र हेरेजस्तो लागेको बताउनुभयो । साहित्यका जुन सुकै विधा भए पनि त्यसमा काव्यिक गुण हुनुपर्ने कुरा प्रतीकको उपन्यास पढेपछि थाहा भएको बताउनुभयो । भाषामा सरलता र सहजताले उपन्यासको सशक्त पक्ष भएको श्रेष्ठले बताउनुभयो । 

पुस्तक विमोचन कार्यक्रममा वरिष्ठ गायक दीप श्रेष्ठले प्रतीककै रचना रहेको कालजयी गीत ‘हर रात सपनीमा’ गाउनुभएको थियो । त्यस्तै वरिष्ठ कलाकार सुनिल थापाले उपन्यासकार प्रतीकसँगको मित्रताका बारेमा जानकारी दिनुभएको थियो । 

बुक–हिल पब्लिकेसनद्वारा प्रकाशित उपन्यास ‘अविजित’ को मूल्य ४ सय रुपैयाँ रहेको छ । 

Mitsubishi

प्रतिक्रिया दिनुहोस

सम्बन्धित सामग्रीहरु

  • ​साहित्य यात्रा सगरमाथा सँगसँगै : सगरमाथा हेर्दै रचना वाचन

    ओखलढुंगा, चैत २९– नयाँ वर्षको पूर्व सन्ध्यामा नयाँ वर्ष मनाउनेहरुका विभिन्न कार्यक्रमका सूची तयारी भैसके । घुमफिर, भेटघाट, वनभोज, सांस्कृतिक कार्यक्रमको आयोजनाजस्ता कार्यक्रममा नेपालीहरु व्यस्त हुन्छन् ।

  • प्याकुरेलको कथा सङ्ग्रह ‘झुल्या कागत’ विमोचन

    काठमाडौं चैत २५ – कथाकार प्रमोद प्याकुरेलको पहिलो कथा सङ्ग्रह ‘झुल्याकागत’ विमोचन भएको छ ।

  • राजा सिद्धीनरसिंह मल्लले लेखेका गीतको एल्बम सार्वजनिक

    काठमाडौं, चैत २४ – राजा सिद्धीनरसिंह मल्लले लेखेका ३६ वटा गीत संग्रहित गीति एल्बमको शनिबार लोकार्पण गरिएको छ ।

  • कुहिराे

    मैले लगाएको चोट खप्न नसकेर आमा मैलो मजेत्रोले अाँसु पुछ्नुहुन्थ्यो । क्षयरोग सर्ने डरले व्यथा किटान भएदेखि नै आमाका लुगाहरूसम्म कसैले धुने आँट गरेनन् । सानै उमेरदेखि मेरो स्वभाव एकलकाटे थियो । साथीहरू कोहीसँग पनि घनिष्ट सम्बन्ध बनाउन सकिनँ मैले । मैले भनेको कुरामा साथीहरू असहमत हुँदा पटक पटक सिँगौरी खेलेको छु मैले ।

  • कम्युनिस्ट हुन रक्सी पिउँदा‍...

    प्रतिदिनजस्तै भेट्ने, एउटा न एउटा कार्यक्रममा लैजाने, भाषण गर्न लगाउने, पुस्तक पढ्न दिने, रेस्टुराँमा लगरे ख्वाउने, अनि आत्मीयता प्रदर्शन गरेर वशीभूत पार्ने प्रयास गरिरहनुहुन्थ्यो । तर कतिपय कुरामा मेरो आफ्नै तौरतरिका र अडान रहन्थे । कहिलेकाहीँ तर्क गरेर उहाँका कुरा काट्ने, केही शास्त्रीय विचारका अडान राख्ने गर्दथेँ । पतलुन लाउँदैनथेँ, मदिरा पिउँदैनथेँ

सबै हेर्नुहोस
Skill Training
पछिल्ला समाचारहरु

सोसल मिडिया