MENU

बातावरण-कृषि

Ncell Axiata
NIC Asia

असिनाले तरकारी र धान बाली नष्ट

भक्तपुर, कात्तिक १२ – गएराति परेको असिना पानीले भक्तपुरको धान र तरकारी बाली नष्ट गरेको छ । असिनाका कारण मध्यपुरथिमि क्षेत्रमा ५० लाख रुपैयाँ भन्दा बढीको तरकारी नष्ट भएको जिल्ला कृषि विकास कार्यालय भक्तपुरका सूचना अधिकारी किरण सिग्देलले बताउनुभयो । मध्यपुरथिमिमा लगाइएको तरकारी मध्ये ५० प्रतिशत भन्दा बढी तरकारी नष्ट भएको उहाँले बताउनुभयो । 

बिक्रिका लागि तयारी अवस्थामा रहेको तरकारी बिक्रि गर्नै नमिल्ने गरी नष्ट भएको बताउदै उहाँले तरकारी नष्ट भएपछि किसानहरु सेवा केन्द्र र कार्यालयमा डेलिकेशन आएको जानकारी दिनुभयो । 

कार्यालयका अनुसार झौखेलमा पनि ५० प्रतिशत तरकारी नष्ट भएको छ । झौखेलमा ३० प्रतिशत धान असिनाले नष्ट पारेको छ । विशेषगरी झौखेर र थिमिमा बाक्लो असिना परेको र नोक्सान भएको सूचना अधिकारी सिग्देलले जानकारी दिनुभयो ।

जिल्लाको अन्य क्षेत्रमा भने बाक्लो असिना नपरेको र किसानबाट गुनासो पनि नआएको बताउँदै उहाँले कार्यालयले असिना पानीले अन्न बाली र तरकारीमा पुर्याएको नोक्सानकोबारेमा जिल्लाका सबै सेवा केन्द्र मार्फत विवरण संकलन कार्य सुरु गरेको बताउनुभयो । 

 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस

सोसल मिडिया