MENU

साहित्य/ कला

ujyaalo forign call inside

कतारमा सुनिए उपेन्द्र सुब्बा

महेश्वर नेपाल, उज्यालो ।
कतार, कार्तिक १८ – ‘कीर्ति रहोस भनि बनाइएका पाटीपौवा 
मृत आफन्तका नाममा बनाइएका ठुल ठुला फलैचारचौतारा
रोपिएका अजङ्गका वरपिपल 
ती सब अहमका निशानी मात्र हुन ।’
खोलाको गीत कविता सङ्ग्रहमा समावेश कविता मार्फत कविताको पोल्टो फुकाएका कवि उपेन्द्र सुब्बाले हस्यौली पारामा सायद, जड्याँहाको तर्क, समान अन्तर, मेरो आमाको नाम, ना ४ ख ४३८५, ख्यालिमा हारेको धुर्व, अध्यारोको गीत, किस्नेले बिहे गरेछ ढुंगाको मन लगायतका डेढ दर्जन कविता कतारमा रहेका नेपालीलाई  सुनाउनुभयो ।

लक्ष्मी जयन्तीको अवसरमा  कतारमा साहित्यकार उपेन्द्र सुब्बाको एकल कविता बाचन सम्पन्न भएको हो  । अन्तराष्ट्रिय नेपाली साहित्य समाज कतार च्याप्टर, गैर आवासिय नेपाली संघ कतारको साहित्य विभाग, नवोदित साहित्यिक वाचनालय कतार, मुग्लानी सौगात अल्खोर  र  नेपाली कला केन्द्रको संयुक्त आयोजनामा अनेसास नवोदितको ७५औं डबलीमा सशुल्क एकल कविता वाचन गरिएको हो  ।

 साहित्यकार सुब्बाले कतार आउँदा आफू नेपालमै भए जस्तै भान भएको बताउनुभयो । सन् १९९८ तिर आफू पनि कतारमा श्रमिकको रुपमा आउन प्रयास गरेको भन्दै सुब्बाले भन्नू भयो ‘तर त्यति बेला म २ पटक असफल भएँ ।’ सुब्बालाई अनेसास कतार तथा नवोदित साहित्यिक वाचनालयको मानर्थ सदस्यता प्रदान गरियो । 

कार्यक्रममा प्रकाश आङ्देम्बेद्वारा निर्देशित चलचित्र ‘देश खोज्दै जाँदा’को विशेष प्रदर्शनी पनि गरिएको थियो । चलचित्रको विशेष प्रदर्शन गर्न कतार आएका साहित्यकार तथा चलचित्र निर्देशक आङ्देम्बेलाई अनेसास कतार तथा नबोदीत साहित्यिक वाचनालयको मानर्थ सदस्यता प्रदान गरिएको थियो ।

कार्यक्रमश्यामराज रानाभाटको सभापतित्वमा सम्पन्न भएको थियो ।यसअघि साहित्यकारहरु खगेन्द्र सङग्रौला, अभि सुबेदी, श्रवण मुकारुङ, गोबिन्दराज भट्टराई, बिमल निभा, राजन मुकारुङ र हेमन यात्रीलाई कतार बोलाएर लक्ष्मी जयन्तीको अवसरमा एकल कविता वाचन गरिएको अनेसास कतारका सल्लाहकार तिर्थ संगम राइले जानकारी दिनु भयो । 

 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया