MENU

बातावरण-कृषि

ujyaalo forign call inside

६० वर्षका मुरारीकृष्णको मासिक आम्दानी ६० हजार !

श्यामशितल परियार/उज्यालो ।

लमजुङ, कात्तिक २३ – झुस्स फुलेको दारी । पातलो ज्यान । ढल्किदो उमेर । तर पनि गाउँघरकै माटोमा पसिना बगाउनमा व्यस्त हुनुहुन्छ, लमजुङ सुन्दरबजार नगरपालिका–६ का मुरारीकृष्ण रेग्मी ।उहाँले व्यावासयिक गाईपालन गर्नुभएको छ । गाई पालनबाटै मनग्य आम्दानी गर्नुभएको छ । गाईको स्याहारमै उहाँको दिन बित्छ । ‘गाईको स्याहार सुसारमा दिन बिताउन पाउँदा खुशी लाग्छ, कृषि क्षेत्रमा केही गर्नुपर्छ भन्ने भावना लिएर पशुपालन व्यावसायमा लागेको हुँ’ ६० वर्षका रेग्मीले भन्नुभयो ।

मनमा जोस जाँगर भए उद्यम गर्न उमेरले नछेक्ने उहाँ बताउनुहुन्छ । उहाँले गाईपालनवाट मासिक ६० हजार रुपैयाँभन्दा बढी आम्दानी गर्नुहुन्छ । २०६९ सालदेखि उहाँले कामधेनु गाईफार्म सञ्चालन गर्नुभएको हो । 

सुरुमा १७ लाखको लगानीमा ११ वटा उन्नत जातका गाईबाट उहाँले व्यावसाय सुरु गर्नुभएको हो । अहिले उहाँको गाईफार्मममा सानाठूला गरी १५ वटा उन्नत जातका गाई छन् । गाईफामबार्ट दैनिक ४० लिटर दूध उत्पादन हुन्छ । उत्पादित दूध स्थानीय सुन्दरबजार र खत्रीठाँटीमै खपत हुन्छ । ‘प्रतिलिटर ७० रुपैयाँका दरले दूध बिक्री गर्दै आएको छु,’ उहाँले भन्नुभयो । 
 
उहाँका अनुसार वास्तविक कृषकले राज्यपक्षबाट साथ सहयोग पाउनुपर्छ । कृषक रेग्मीले गाईपालनका लागि झण्डै २० रोपनी जग्गामा उन्नत जातको घाँस खेती गर्नुभएको छ ।गाईको स्याहारसुसारमा मुरारी कृष्णलाई उहाँको परिवारले हरतरहले सघाउँछन् । देशकै माटोमा पसिना बगाउन सके, कृषि व्यावसयालाई निरन्तरता दिन सके स्वदेशमै मनग्य कमाउन सकिने उहाँ बताउनुहुन्छ । 

मनमा जोस जाँगर हुने हो भने छाना, माना र नानाका लागि खाडी धाउनु पर्दैन । मनमा दृढ इच्छा शक्ति मात्र भए स्वदेशकै माटोमा सुन फलाउन सकिने प्रशस्त सम्भावना मुरारीकृष्णको कामबाट प्रस्टै देखिन्छ ।

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया