MENU

खेल

Ncell Axiata
sagun

राहुल द्रविडले दिए नेपाली टिमलाई बधाई, भन्छन् - नेपालले सबैभन्दा राम्रो खेल्यो

काठमाडौं, कात्तिक २७ – उन्नाइस वर्षमुनिको एसिया कप क्रिकेट अन्तर्गत आइतबार भएको खेलमा नेपालले भारतलाई १९ रनले हराएपछि धेरैले बधाई दिए । भारतीय टिमका प्रशिक्षक राहुल द्रविडले पनि टिम नेपाललाई बधाई दिए ।  

उनले प्रतियोगितामै नेपालले उत्कृष्ट प्रदर्शन गरेको बताए । इएसपिएन क्रिकइन्फोसँगको कुराकानीमा नेपाली टिमका प्रशिक्षक बिनोद दासले खेलपछि प्रशंसा गर्दै आफूहरुलाई द्रविडले बधाई दिएको बताएका छन् । ‘द्रविड निकै विनम्र रुपमा प्रस्तुत भए । हामीलाई बधाई दिए । उनले हामी जितको हकदार भएकोसमेत बताए । उनले प्रतियोगितामै अरुले भन्दा नेपालले राम्रो खेलेको पनि बताए’ दासलाई उद्धृत गर्दै इएसपिएनले लेखेको छ ।  

‘हामी यसका लागि निकै उत्साहित थियौँ । किनकी हामीले भारतलाई कुनै पनि उमेरसमूहका खेलमा हराउन सकेका थिएनौँ । भारतजस्तो टिमलाई हराउन सक्नु हाम्रा लागि निकै ठूलो उपलब्धि हो’ दासले भनेका छन् । यसअघिका पाँच खेलमा नेपाल भारतसँग पराजित भएको थियो । यसअघि नेपाल र भारतबीच दुई खेल १९ वर्षमुनिको विश्व कप र तीन खेल १९ वर्षमुनिको एसिया कपमा भएको थियो ।  

आइतबार १ सय ८६ रनको लक्ष्य पच्छ्याएको भारत ४८ ओभर १ बलमा १ सय ६६ रन बनाउँदा अल आउट भएको हो । मलेसियामा टस हारेर पहिले ब्याटिङ गरेको नेपालले निर्धारित ५० ओभरमा ८ विकेट जाँदा १ सय ८५ रन बनाएको थियो । नेपालका लागि दिपेन्द्र सिंह ऐरीले १ सय १ बलमा ६ चौका र दुई छक्काको मद्दतमा ८८ रन बनाएका थिए । यस्तै उनले चार विकेट पनि लिएका थिए । 

 

तस्बिर : इएसपिएन क्रिकइन्फो

प्रतिक्रिया दिनुहोस

सम्बन्धित सामग्रीहरु

  • महिला क्रिकेट : नेपालको पहिलो जित, मलेसियालाई ३३ रनले हरायो

    काठमाडौं, मंसिर ८ – महिला ट्वेन्टी ट्वेन्टी विश्वकप क्रिकेट एसिया छनौटमा नेपालले पहिलो जित हात पारेको छ । नेपालले शुक्रबार आफ्नो चौथो खेलमा मलेसियालाई ३३ रनले हराएको हो ।

  • मेस्सीले बार्सिलोनाको सम्झौतामा अझै गरेनन् हस्ताक्षर

    स्पेनिस फुटबल क्लब बार्सिलोनाका स्टार स्ट्राइकर लियोनल मेस्सीले क्लबसँगको नयाँ सम्झौतामा अहिलेसम्म हस्ताक्षर गरेका छैनन् । गएको जुलाईमा मेस्सीले सन् २०२१ सम्मका लागि सम्झौतामा हस्ताक्षर गरेको बार्सिलोनाले जनाए पनि अझैसम्म हस्ताक्षर नभएको हो ।

  • २० मिनेटमा ५ गोल

    युरोपा लिग अन्तर्गत बिहीबार राति भएको खेलमा इटालियन क्लब अटलान्टाले इंग्लिस क्लब इभर्टनलाई ५-१ ले हराएको छ । पहिलो हाफ १-० रहेको खेलमा दोस्रो हाफको ७० मिनेटपछि ५ गोल भयो । दोस्रो गोल ६३ औँ मिनेटमा भएको थियो ।

  • नेपाल युएईसँग पाँच रनले पराजित

    काठमाडौँ, मंसिर ७ - थाइल्याण्डमा जारी आइसिसी महिला विश्वकप टि–ट्वेन्टी एशिया कप छनोट प्रतियोगिताअन्तर्गत आज भएको खेलमा नेपाल संयुक्त अरब इमिरेट्ससँग पराजित भएको छ ।

  • ​फिफा बरियतामा नेपाल ६ स्थानमाथि उक्लियो

    काठमाडौं, मंसिर ६ – विश्व फुटबल बरियतामा नेपाल ६ स्थानमाथि उक्लिएको छ । विश्व फुटबल महासंघ फिफाले सार्वजनिक गरेको नयाँ बरियताक्रम अनुसार नेपाल ६ स्थान माथि उक्लिदै १ सय ७० औं स्थानमा पुगेको हो

सबै हेर्नुहोस
Joktantra
पछिल्ला समाचारहरु

सोसल मिडिया